السلام عليكم .. كيفكم اخواني ان شاء الله بخير وعافية
حاب الاخوان يساعدوني وابغى نصايح منهم بخصوص صيانة سيارتي الالتيما ..
انا كنت مسافر واعطيت اخوي السيارة يسوي لها صيانة في شركة نيسان وكانت المشاكل كالتالي
1- مشكلة في باب السائق كل تدعس فرامل تحس الباب فيه طقطقة وايضا في اي مطب تسمع الطقطقة وكانه مو مضبوط في مكانه . مع العلم هذي ثالث مرة ادخلها بنفس المشكلة ..
2 - حذفة جدا بسطية في السيارة لجهة اليمين ..
راح اخوي الصيانة الباب وتصلح ولكن للاسف رجعت المشكلة مرة ثانية بعد اسبوع زي ما قال لي .. والحذفة سوى لها ترصيص كفرات ولا حياة لمن تنادي وتفاجات انهم اخذوا اجور الترصيص
سؤال يا اخواني وحتى لا ينضحك علي عندهم انا رايح الصيانة ان شاء الله ايش اقول لهم بخصوص الباب الي ما لقيت له حل لانه ناوي اقدم شكوى و كمان على اجور الترصيص الي كانت على غير فايدة مع ان السيارة ماشية 25 الف ولسه تحت الضمان وانا الحمد لله ما سويت فيها اي حادث حتى تكون فيها حذفة .. هل اجور الترصيص تكون من ضمن الضمان ام بالعربي انه انضحك علي
ارجو المساعدة يا اخوان لانه ان شاء الله بعد يومين رايح لهم ومجمع كل الفواتير والتقارير الي من عندهم
تحياتي للجميع