السلام عليكم
شباب انا معاي كابرس موديل 2007 ، 6 سلندر واشتريته من واحد من اخوياي قبل حوالي 4 شهور ،، الموتر نظيف مرره ولا فيه أي مشاكل لما اشتريته وكان زي الفل وشغال تمام ..
لكن صارت لي مشكلة قبل فترة حسيت ان المكيف ما يبرد وتضايقت مع ذا الحر ،، المهم رحت لواحد في الصناعية وغير لي الفريون لكن ماصار يبرد ابد ،، المهم رحت للبيت ومن بكره رجعت للكهربائي اللي بالورشة وقال لي ان الفريون مليان وقلت له المكيف ما يبرد .. قال ما اعرف احل مشكلة الكابرس !!
لفيت بعدها في الصناعية عند اكثر من واحد وكل واحد يخترع لي مشكلة ،، اللي يقول لازم تغير الكمبرسور واللي يقول مشكلتك فيوزات وكهرباء واكثرهم قالوا لازم تسوي برمجة للمكيف لان الكمبرسور ما فيه مشاكل ابدا ..
انا رحت للجميح لكن مو اللي بالرياض وتركت سيارتي عندهم يوم ومن بكره كلمتهم قلت وش صار على سيارتي ، قالي واحد مصري بالتلفون ان قيمة اصلاح سيارتي 12000 ريال :mad1::mad1:
قلت له : وشو :smilie20: ، قال : اذا عاوز نصلحها وموافق على السعر حنشتغل .. قلت له : لا تشتغل وش اللي بـ 12000 ريال :smilie20:
المهم رحت لهم مباشرة ولقيت واحد اردني شكله يكون نائب المدير او زي كذا ، قلت له شفت المصري وش يقول ؟؟ يقول ان سيارتي تتصلح بـ 12000 ريال ،، الاردني استغرب وقال : كيف؟؟
المهم قام الاردني معاي وراح يبي يشوف التقرير اللي كتبه الفني ،، وقال لي ان فيه موضوعين :
الاول : يبي يغير لك الكمبرسور ومفتاح الضغط وهذا يكلفك تقريبا 4700 ريال :( !! واذا ما ضبط المكيف فلازم يسوي ،
الثاني : تغيير مفتاح الـ A/C وهذا قيمته 8000 ريال :smilie20::smilie20::smilie20:
يقول يعني ممكن سيارتك بس تحتاج الخيار الاول يعني ما تكلفك اكثر من 4700 ريال بس يقول ما اقدر اضمن لك ..
قلت له : ياخي سيارتي نظيفة ولا فيها شي كيف اصلحها بـ 4700 ريال هذا عيب بالصنع ياخي ان المكيف يخرب بدون سبب .. قال : هذا اللي عند الجميح ولكن ممكن نسوي اتفاق ثاني .. قلت ايش الاتفاق الثاني : قال نصلح لك مكيفك بكل عيوبها فقط بـ 3000 ريال بس هذا اتفاق بيني وبينك وقال حتى لو القطعة اللي بـ 8000 ريال خربانة نصلحها لك .. قلت له : هذا الكلام الكويس .. قال : بس لا تطلب منا أي فواتير .. قلت : ليش انت وش بتسوي ؟؟ قال : ابوكل كل الموظفين فلوس واضبط لك سيارتك ولا من شاف ولا من درى ..
انا قلت له خلني افكر واجيك بعدين ..
رحت بعدها للرياض قلت ابشوف حل للسيارة ورحت للبيان الجديد اللي على طريق الامير نايف ،، المهم وجاء الفني وشاف السيارة وقال مشكلتك ما اقدر احلها لان الكابرس ما اعرف له وخايف اشتغل فيه واخرب سيارتك فعلشان كذا اعذرني ..
رحت لواحد بصناعية العروبة ، قلت له : يا الغالي ابيك تشوف لي وش مشكلة السيارة ؟؟ المهم جلس حوالي ساعة كاملة الفلبيني وهو يرفع السيارة وينزلها ،، قال في البداية ان ما فيها كهرباء ولكن لما وصلت الكهرباء قال ان عندك مشكلة بالكمبرسور وممكن تكون بس في السنسور اللي بالكمبرسور قلت بسيطة بروح اشتري سنسور من قطع الغيار ولكن ما حصلت القطعة في محل قطع الغيار ورجعت له ولكن هو غير قراره وقال لازم تغير الكمبرسور .. قلت له : طيب تعرف تغيره انت ؟؟ قال والله ما فيه معلووم :( !!
بصراحة انا يا شباب محتااار ومتردد وش اسوي بالله عليكم :smilie20:
ابي رايكم علما ان السيارة ماشية تقريبا 65000 كيلو تقريبا ..
