افضل موديل كامري من الشكل الجديد 2007 الي 2011

خذهم كلهم من 2007 وصاعد وحطهم في الزباله !

هذي سيارة !!

ما تستاهل صراحة ولا فلس يندفع فيها !

سقت موديل 2007 وارد امريكي ولعنت اليوم الي مشيت فيه كامري !

لا رساوة عدله ولا عزل عدل وازيدك من الشعر بيت صوت الطقطقة مالت الديكور فقعت راسي !

انا اعتقد ان 2010 افضل
واضافة المكيف الخلفي

مآآ ادري يمكن 2009 افضل :)

الي عندنا كامري عبداللطيف جميل استراليه كرتون با4 عجلات
وفوق كذا قطعها كلها صينيه وتايلند والكمبروسر حق المكيف مركب من عند شركته وغيره
عكس الخليجي استراليه لاكن شد بلد
الافضل لك تاخذ كامري امريكي الي هي ياباني اصلي

السلام عليكم اليوم نزلت المعارض بشتري كامري سعودية بس واحد من جيراني يقول الكامري الميركي افضل في السفر ورساوي افضل السبب الصناعة يقول تجي من اليابان الي في الخليج استرالية حتي المواصفات افضل من الخليجي

جربت 2007 بسفر قير عايدي (أول مرة أركبه).. وفوق الريح ما شاءالله ..

و2008 قير عادي .. ما حبيتها .. ما أدري بس يمكن عشان راعيها ماهو مهتم فيها أم لا ؟ ويمكن يكون هذا السبب .. طبعا بسفر ..

جربت 2010 تماتيك جي أل... ما شاءالله تبارك الله .. تمشي 180 كأنك تمشي 100 .. لكن لازم ترد نمرة عشان تاصل الفصلة .. وهذا شوي يشحط المكينة ويخلي فيها إزعاج ..

ركبت قبل كم يوم 2010 فل كامل فتحة جناح لؤلؤي .. وشغلتها ...
لا إله إلا الله كأني ما شغلتها .. (طبعا ما مشيت به)... المواتر الثانية ما أدري عنها لأني ما تنبهت (فتح التاء وتشديد الباء) لها النقطة ..

هذا اللي أقدر أفيدك به أما من ناحية رساوة وغيره .. يمكن ما تفرق كثير .. وياليت الشباب يفيدونك ويفيدوننا ...


طبعا بعد التجارب كلها ... أنصح بالتماتيك وبقوووووة...

اخوووي اعتقد كلها زي بعض ..

بس اكيد في الموديلات الجديده راح يتلافوا اخطاء الموديلات السابقه ..