الان اماكن كاميرات ساهر في مكه المكرمه

لعلمك اخوي ترى النظام ماش

يعني انت تقول ان الدائري 90 وهذا كلام صحيح

بس لو انك جاي من مستشفى النور يعني مخلي المستشفى على يسارك من بعد الاشارة

في لوحة مكتوب فيها السرعة المحددة 90 تمشي شوي واللي في لوحة ثانية مكتوب عليها واعتقد انهم هناك راح يحطون كاميرا مجرد اعتقاد

تدري ليش لانك شايف 90 وتمشي شوي اللي وهي 60 = مخالفة

.
.
.
اليوم كنت في مكة ,,, ومشيت الفلف فيها

مع الزحمة والفوضى ,,, اتوقع لو كاميرا ساهر كانت على النظام القديم ( فيلم وتحميض صور ) ,,, مع اللي صاير في البلد ,,, ينفرط الفيلم :bigggrin:

( عضو غير )

مشكووور على التنبيه

لكن يا شباب فيه مجموعة على الفيس بوك خاصة بنظام ساهر في مكة الهدف منها رصد اماكن تواجد كاميرات ساهر في مكة يا ليت لو تنضمون لها علشان تفيدون وتستفيدون

تقبلوا تحياتي

حياك الله في مكه راح تنور ان شاء الله
ههههه بس اعذرني انا لسا طالب يعني لسا مارحت كل الطرق وحفظت كل الطرق
خاصه اني خارج حدود الحرم يعني في خط العمره
شوف بالنسبة لخط المدينة 120 بس مقسم اكثر من سرعة يعني شوف
تمشي 120 لين توصل عند اشارة النوارية او لما تشوف لوحة مكتوب مكة 20 كيلو اذا ماخاب ظني بعدها تبدا السرعة 90 لين نقطة تفتيش العمره يعني عند مسجد عائشه بعدها السرعة 60 وانت ماشي طوال الخط
الخط الدائري بالكامل سرعته 90
رابطة العالم الاسلامي ما ادري كم السرعة بصراحه بس اتوقع مجرد توقع انها 60
طريق الملك عبد العزيز برضي ماني عارفو اذا كان قصدك جهة مستشفى الزاهر فالسرعة 60
شارع العزيزية العام اذا ماخاب ظني السرعة 60
وعلى العموم انت لاتزود السرعة على 60 انتظر شوي وراح تشوف لوحات بالسرعات المحدده يعني عندنا في مكه زودو لوحات السرعة بشكل ملحوظ
وبالتوفيق يارب واعتذر اذا ما افدتك كثير