سلام شباب
مبارك عليكم الصيام والله يوفقنا وإياكم ان شاء الله للعمل الصالح والطاعه ..
عندي موتر جمس يوكون 2009 دبل قير 6 تبديلات، الحقيقة الموتر مافيه أي مشاكل ولله الحمد إلا فيما يخص العزم ، للأسف كل الربع والأقارب ماعندم موديل سيارتي ومواترهم كلها قير 4 تبديلات ، حتى في الدوام سيارات الشركة كلها قير 4 تبديلات.
مقارنة بين سيارات الربع وسيارات الشركة وسيارتي لاحظة ان عزم بداية القومة أقوى بكثير في القير أبو 4 تبديلات على عكس أبو 6 تبديلات، كذلك لما أكون ماشي على سرعه معينه مثل 80 أو 100 أو 120 وأبي أتجاوز أو أزيد سرعة السيارة التسارع يكون سلس وقوي مع القير أبو 4 تبديلات وبطيء وشبه غير محسوس مع القير أبو 6 تبديلات.
رحت للوكاله أكثر من مره وقابلت مدير الفنين وطلع معاي وجرب السيارة وقال لي انها طبيعيه ، دخلت السيارة مره وحده بس حتى أطمن وشيكوها كمبيوتر وكل شي تمام.
تعودت الحين على ممشى السيارة إلى حد ما لكن للأمانه إلى الآن مو مرتاح معها ، وما برتاح إلين أعرف إذا السالفة طبيعية في القير أبو 6 تبديلات أم لا.
جربت جميع أنواع التسارع..
جربت اني ما أرفع رجلي فقط أدعس زيادة على الدواسة ، أحيانا أوصل إلى قريب نهاية الدعسه والسيارة خبر خير ، لازم ألزق الدعسة للآخر حتى تبدأ تبدل وتعطي عزم ، وأحيانا تتسارع بس تسارع ضعيف.
جربت اني أرفع رجلي من الدعسه وأدعس ثانيه والنتيجه نفس الي قبل تقريباً مع فرق بسيط.
سألت الفني وقرأت في الكتلوج واللي فهمته انه القير 6 تبديلات مبرمج انه يريح بسرعه وعشان كذا التسارع مش ذاك الزود ، وانوا حتى أحصل على أفضل عزم إذا كنت على سرعات أقل من 60 لابد أدعس نص الدعسه وإذا أكثر من 60 لازم الدعسه كلها!! جربت هالشي أهلي قاموا يقولون شفيك رجه :a1120(121):
ما أدري شلون تجارب الشباب اللي عندهم سيارات يوكن أو تاهو دبل مع قير 6 تبديلات ، هل الوضع نفس الشي عندكم ولا ما تعانون من أي ضعف في العزم ..
طبعاً لا أحد يقول لي ثروتل بدي أو حساس الهواء ، لأني نظفتهم أكثر من مره والسيارة ترى ما مشت أكثر من 30 ألف كيلو ..
بانتظار ردودكم ومشاركتكم ، وبودي أسمع راي الشباب اللي مشت سياراتهم أكثر من 40 ألف وقاموا بتبديل زيت القير ، هل في تحسن بعد تبديل زيت القير أم أن الحال من بعضوو ..
