رانجلر 2011فل او FJ او اكستيرا..؟؟؟مع صور

السلام عليكم ورحمة الله :)

اولا انا مع اخوي emali88 لانه منطقي ودايما في اي موضوع مقارنات لشراء سياره ترحم راعي الموضوع لانك تحس الناس ماهي مقدرة ان بيدفع دراهم ....

وجهة نظري

السيارات الثالثه الي انت تسال عنها لها ميزاتها ولها عيوبها وبالتالي انت شف وش من السيارات هذي مميزتها تخدمك اكثر من الثانيه... واستخر وتوكل على الله ...


بما ان من ملاك الاكستيرا فانا اقدر اتكلم عنه.. موتري2009 ماشي حول53 الف

الي يقولك فيها عيوب لاتصدقه هذا بالنسبة للعيوب المصنعية يعني اذا دخلت رابطة ملاك الاكستيرا ولقيت الشباب شيل وحط بموضوع الدفرنس وزيت الدفرنس فهذا طبيعي
لان في نقاشات واقتراحات كثيره بين الشباب فيما يخص نوع الزيت وهذا لان الزيت الي يجي من الوكاله خفيف بالنسبة لاجواءنا.... مافي احد طق عليه الدفرنس من نفسه
يعني كل الي طق عليهم الدفرنس كانوا يستخدمون غلط ... ومع هذا مب كل الي يستخدمون غلط طق عليهم الدفرنس.... وهل الشي موجود بالربع التيوتا من زمان
ان دفرنسه يطق بسبب سوء الاستخدام مع انه سيارة مصممه عشان تلعنها وماتقول شي..


في موديل 2008 في تنسيم بالقزازه الامامية والوكاله يصلحونه على الضمان
2009 ماذكر احد اشتكى من هل العيب الا نادرا ... عموما هو شي محلول

نجي لعيوب السيارة(غير مصنعية) ومميزاتها :
السيارة في المطبات غير مريحة نسبيا وفيها ردحةلا وصل الدفرنس لاخر حد له
والحل كان بتغيير الربلة وماتكلف 100 (هذا الحل لايعني ان العيب مب موجود)
طبعا اذا كنت ناوي على الاوف رود فمسالة الراحه تكون افضل لان مساعداته افضل من العادي.

السيارة في الخطوط حلوه ومريحه وراسيه ...

في البر ماعليه كلام ...الموتر نشيط ولاطلبته يعطيك..

..........................................................................


بالنسبة لجودة المواد الداخلية... في فرق بين ان يكون التصميم عادي و المواد رخيصه
وبين ان يكون التصميم عصري (غريب )والمواد ايضا رخيصه ؟؟؟
هذا الفرق بين داخلية الاكستيرا والاف جي فقط .... اما مب عشانه تيوتا تصير المواد الداخليه عالية الجوده لانه مب لاندكروزر ولا برادو...

.........................................................................

من استخدامي القليل جدا للافجي فهو والاكستيرا فيهم النشاط الي تحتاجه في البر وزود
وفي المدينة الاف جي اريح وهل الشي طبيعي لان تعليقة الخلفي ياي مب سست مثل الاكستيرا
في الخط الاكستيرا افضل لان قزازة الاف جي الامامية مع السرعه الزايده تكون مزعجه
واكثر الاشياء ازعاج بالاف جي ويتفق معي ملاكه في هل الامرين مراتبه قاسيه
والمقعد الخلفي غير مريح نهائيا ... صوت الكنداسه مزعج جدا داخل السيارة ..

.......................................................................

الاكستيرا يتميز انه 4 ابواب كاملة وهذي ميزه قدام الاف جي الي يعتبر الباب الخلفي فيه مزعج
(على قولة القصمان الي ماسلم منهم احد يسمون الاف جي انزل ابركب خخخخخخ)


......................................................................

الوالد الله يحفظه معه فورتشنر ماشي 30 الف وتوقعت على كلام الناس ان الوكيل نازل من السما؟؟ لكن من شرا السيارة وهو يروح لهم وطنااااش والموتر يدخل عليه ملاحظات ويطلع فيها
وقبل كم يوم دخله صيانة 30 الف الموتر اخذ 30 دقيقه واخذوا حدود 450 ريال !!!
مكتوب بالفاتوره تغيير زيت وسيفون وتربيط وتشحيم !!! كل هذي بنص ساعه ؟؟؟
والله لو كانوا يشتغلون 20 واحد بالموتر ......وكثير نسمع ان فلان طلب القطعه الفلانيه
ولاجت الاب بعد 3 ايام من جدة .....


محصلة حديثي عن الوكيل..... عبداللطيف جميل لايعتبر ميزه وبس ....



............................................................................

حط في بالك شي عشان نكون محايدين ولانظلمك ....
تشوف انتشار الاف جي في جميع مناطق المملكة؟؟ هذا وش معناته ؟؟ ان الموتر ماعليه
كلام وكل المواتر فيها ميزات ولها عيوب ... صحيح ان من 40 الى 50 %
من انتشاره بسبب شعار تيوتا وقدسيته في السعودية بس ال 50 ال 60% الباقيه
لانه اثبت نفسه ...

ولاتخيل انه مب تويوتا وهذا تصميمه (تصميم غريب وانا يعجبني) كان نص الي معهم الحين ماشروه...

............................................................................

الاكستيرا يمسك سعره بشكل جيد جدا .... والامثلة عندي كثير اذا حبيت

.............................................................................

الرانجلر ... ماعرف عنه اي شي بس اعرف ان تعليقه قاسي نوع ما .....
وتغيير مكينته بيخليه ينتشر عندنا لاننا في الخليج راعين نفود ويهمنا قوة المحرك
ولا نهتم بالانظمة الي تعتبر شي ثانوي بالفود عكس دول العالم الي يهمهم الانظمة ...


.........................................................................


في النهاية ارجع اقول الثلاث سيارات فيهم ميزات وعيوب وانت شوف وش تحتاج واستخر ....




اخوك / ابوخزيم :)

الإف هل يأتي فيه التالي:


أنوار ضباب
جنط 17 ألمنيوم أصللي ...... حط تحت كلمة أصلي خطين!! يعني مو MADE IN CHAINA
سلة شد بلد
جودة عزل ثلاثي الربل للماء و الهواء والتناسيم على السرعات العالية
4 أبواب مستقلة مع ربل جانبي
خلوص أرضي للمقدمة ..... عشان كذا أكثر أصحاب الفوجي مايطعسون ... دايم في التحلية

وزيد عليها 500 كيلو متر في التانكي الواحد فقط لصالح الإكستيرا وبعض أحيان يوصل ال 550 كيلو


وفوق ذلك الإف جي سعره الصحيح 128 ألف أغلى منهم بالسعر ولايخلو من القطع الصينية مثل الجنوط ونظام السكيورتي بالكامل ، وبعد نزول الرانجلر ب 280 حصان راح يكون أضعفهم محرك!!!

طبعا الإف جي يتفوق فقط على الإكستيرا بصفة داخلية وحيدة فقط وهي مضخم الصوت الصيني اللي في الخلف

أما باقي مواصفات الإف جي فهي موجودة في الإكستيرا واللي فوق زيادة عليها

تحياتي

ممكن تعلمني بماذا يتفوقون الاخرين بالداخل عن الاف جي

بناءً على متطلباتك .. فكل المواتر غير مناسبة

:)

الأفضل لمتل متطلباتك هي سيارات الكروس أوفر

وعلى سبيل المثال .. سنتافي - سورينتو الشكل الجديد - رافور - هوندا CR-V - إلخ
:xyxwave:

[/CENTER]

الاكستيرا : قوي جدا , وفي البر رقم 1 من بين خياراتك , لكن داخليته سيئه
الاف جي : عزم حلو , وفي البر رقم 3 من بين خياراتك , لكن داخليته حلوه
الرانجلر : عزم سئ , وفي البر رقم 2 من بين خياراتك , لكن داخليته سيئه