انا ابغا سياره مناسبه

abo0ode__511 @user_233646 · 27-09-2010

اليوم توظفت في احدى الشركات ولكن الدوام بعد اسبوع وما عندي سياره علما بان معي الان
45 الف
عجزت القى السياره الي تناسبني

سيارات بنفس السعر

1 النترا مريحه فخمه عزم ولكن كوري وشكل الخارجي مو حلو
2 فورد فوكس مريحه جدا فخمنه عزم معقول شكل جميل لكن القطع
3 سزوكي سويفت جميله ومكينه قويه ولكن تفتقر الى الرافاهيه
4 يارس فل اوبشن شكل حلو مكينه قويه ولكن الداخليه لك فيها

طبعا ما عجبتني ولا وحده لكن اذا في غيرها النصيحه تكفون

عاشق المستو @user_183884 · 29-09-2010

طيب شوف اللانسر الصغيرة موديل 2009 او 2010 سعرها مناسب لك

ومعروف الميتسوبيشي جودته بس قطعه مثل الهوندا غالية

والالنترا ممتازه بس يقولون ان بوديها ضعيف مره

واليارس سيارة غريبة ومافيها مواصفات بس قير ومكينة ومكيف وفوق هذا سعرها مرتفع

O.Almazroo3y @user_199029 · 29-09-2010

^
^
^

مافيها مانع انزلاق الالنترا

انا انصحك بالمازدا 3

لو تزود شوي وتاخذ لك وحدة

كل ي فيها مميز

قوية وتستحمل..ورفاهية ورياضية وفخامة

عيبها واحد قوة المحرك عادية

ألتيما اليتيما @user_32524 · 29-09-2010

السلام عليكم

اخي

عن خبره

خذ النترا أي فئه بس أهم شئ فيها مانع أنزلاق

ما شاء الله سياره تستاهل وبقوه ...

شرت على أثنين من ربعي وهذي هذ معهم ما شاء الله

سياره تستحق الاشاده

تحيه طيبه

عاآفاكـ الخآطر @user_238949 · 29-09-2010

بعطيك وجه نظري على كل سيااره

السزوكي سياره حلوه جداا ومن ناحيه الجوده والتحمل ماعليها كلام
اللنترا عمرها مو طويل يعني حقت 5 سنوات وسلام سلام الا إذا حاافظت عليها بالمرره راح تمشي معااك
الياارس سياره عمرها طويل لكن جوده المواد الدخليه سيئه جدا

فا انصحك بالسزوكي

ومثل ماقالو الاعضاء تزيد شويتين وتااخذ لك مازدا 3

وفيه سيارات موديلات حديثه ومستعمله وقريبه من هاذا السعر وافظل بكثير من السيارات الي قلتها

وبالتوفيق لك ولاتنسى الاستخاره

T.H.E_K.I.N.G @user_53668 · 29-09-2010

اسمع اذا تبي سيارة قويه خذلك النترا 2000CC حول 42 بس ستاندر وقير عادي لكن والله ياهي قويييييييه ماشاء الله ركبلها جنوط وتصير راسيه بعد والله انها كويسه واذا ما تبغى مكينه قويه وتبغى شكل السيارة يكون حلو خذلك النترا فل 1600CC بـ48 فتحه وجنوط وكشافات وقير اوتو ..
واهم شي الاستخاره .. والله يوفقك ..

صاحب النترا2011 @user_231869 · 29-09-2010

اوبترا والنترا واميل للانترا اكثر

talol @user_198322 · 28-09-2010

النترا حلوة وتكرف وماتشتكي وقطع غيار سعرها مناسب
اهم شي تستخير
ومبروك الوظيفة

Ahmad Al-Sabban @user_134747 · 27-09-2010

كموظف جديد والكاش قليل

خيارك الاول يارس والثاني النترا

وبالتوفيق

بالنسبة كلامك انك تبغى سيارة سبيشال ونادرة فهذه حتعبك

واليارس اذا اشتريتها ودلعتها وحبيتها بتصير سبيشال في عيونك :)

MR_XX @user_231498 · 27-09-2010

اول شي مبرووووك على الوظيفه و الله يوفقك ياااارب

وبمى انك متوظف جديد انصحك تاخذ سياره تكون قطعها رخيصه و متوفره

واقترح عليك الانترا ماشاء الله سياره عمليه واحد من اصحابي عنده النترا

وماشاء الله ماقيد ا شتكى منه و اهم شي الاستخاره

وكمان لو تشوف الشوارع مليانه النترا تكاسي يدل على انها سياره عمليه و تكرف

وبعدين ما انصحك تاخذ سيارات نادره لانه ممكن بعدين تحتاج قطع وصعبه تتوفر

وبالتوفيق

abo0ode__511 @user_233646 صاحب الموضوع · 27-09-2010

انا ما عجبتني السيارات لاني ابي سبشل يعني سيارات نادره
مثل فولفو
كيا
المهم يكون مختلف عن الكل

أكورد. @user_232169 · 27-09-2010

بالمبلغ اللي معك تقدر تاخذ فورد كراون موديل 2006 الشكل الداخلي الجديد ونظيف بعد

ŞЙỊṔỆЯ_Ẍ @user_174557 · 27-09-2010

لو تزود عليها شويتين وتاخدلك يا سيفيك يا مازدا 3 :)

q8aziz @user_226575 · 27-09-2010

الله يوفقك و تلقى السياره الي تناسبك :) وانا من رايي اني تصبر على نفسك على ما اتجمع مبلغ زين وتاخذ سياره ممتازه

العقرباوي @user_239645 · 27-09-2010

ما شاء الله......أللللللف مبروك الوظيفة الله يوفقك
بصراحة ما جربت و لا سيارة فيهم و لا ودي أشور عليك و اتحملها اذا لا قدر الله ما عجبتك السيارة او واجهت معها مشاكل

لكن ما أدري أحس ان السوزوكي انسبها و أصبرها لكن يعيبها ان قطع الغيار مو متوفرة زي الالنترا و اليارس

النترا أو يارس (حشر مع الناس عيد :) )

و الله يوفقك في الوظيفة

HSV&RS @user_165811 · 27-09-2010

المازدا 3 حلوه لو تقدر عليها
وبتوفيق اخوي

KNING @user_116138 · 27-09-2010

انا انصحك تزود عليها وتاخذ مازدا 3

اما من الاختيارات سزوكي حلوه وجوده او النترا

بالتوفيق