محتاج رايكم باليوكن 2010

اخوي اختلف معاك في موضوع الجلنط

الي صاير اني امسكه تمام وارتك السيارة على انه ما ينفلت لوحده
لكن الي صاير انه ينفلت لوحده بشكل غريب

جزاك الله كل خير

يوكون sle 2010 بدون دبل 125 الف صحيح .

الله يعطيكم العافيه اخوااني وبيض الله وجيهكم
صراحه استفدت من ما كتبتو الله لايحرمكم الجنه

اخوي اسير بيض الله وجهك وصدقني كلاامك محل اهتمامي وتقديري :)

بس ياجماعه الاسبوع الماضي واحدمن الزملاء اشترى يوكن
2010 على الزيرو لكن مطلع لها لوحات بسعر 125 الف من المعارض
وبالوكاله بـ 143 الف طبعا دفرنسين الي انا مستغرب منه فرق السعر ؟!
معقوله عشان مطلع له لوحات يطيح منه 22 الف ؟؟!!!!

أنا راح أعطيك موجز تجربتي وان شاء الله أكون لك أخ ناصح ..

أنا عندي موديل 2009 أخذتها شهر 10 السنة اللي راحت يعني السيارة لها عندي الآن سنة بالضبط وماشية 40000 كيلو والإستخدام يومي وما عندي سيارة غيرها أصلاً ..

الحقيقة اني أول ما تحركت بالموتر من عند الوكالة انغبنت كثير ، السيارة مافيها عزم وتبديلاتها ما تعطيك احساس انك راكب سيارة جديدة ، رجعت بنفس الوقت للوكاله وقلت لهم شالسالفه قالوا تحتاج تمرين ومن هالكلام الفاضي اللي ماكول خيره ، وبرضوا طلعت عندي مشكلة الكفرات وبعد الروحه والجيه عطوني ورقة تبديل كفرات جديدة ..

طبعاً الكلام هذا كله في أول يوم طلعت فيه السيارة!!

قالوا تمرين قلت طيب .. أنا بطبيعتي رجلي حاره وراعي سرعه .. الله وكيلك دوامي بشكل يومي صرت السيارة أمغطها على 180-190 على حساب أعطيها التمرين المضبوط واذا في حب ينطحن .. بس ماكو خبر خير ..

خرخشة الديكورات مزعجه كثير ، وأقفال الأبواب تخرب بسرعه والخرخشه أغلبها منها ، أنا في سنتي الأولى وخرب عندي قفل الباب الخلفي اليمين ..

عانيت من مشاكل كتمة في الموتر واتضح ان الثروتل بدي حساس كثير .. الوكاله مافادوني ونظفته بنفسي ورجع ممشاها زي ما كان ..

القومه ثقيله بشكل عام .. والتبديلات تحس فيها خبط في خبط مره كلمة سلاسة ما تنطبق عليها ولا بنسبة 30% ..

ولعت عندي أكثر من مره لمبات في الطبلون ، منها الإنجن وما راح الا بعد تنظيف الثروتل بدي ، ومره ما عرفت السبب ومع توليعة اللمبات كانت السيارة تشتغل بس ما أقدر أطلع القير من الباركينج؟! وما انحلت هالمشكلة الا بفصل اصبع البطارية ..

البريك اذا جيت تخفف بقوه عند مطب تحس السيارة تناتع مو بسبب نظام الإنزلاق النتعات هذي بسبب القير ..

كذلك بين 60-70 اذا رفعت رجلك من البنزين ودعست بريك خفيف أحيانا تطلع رقعه+نتعه قويه في القير واعتقادي انها شغلة كلتشات او من هالقبيل؟!

على سرعة فوق 100 ، تجاوب الدعسه شبه زيرو ، لازم تدعس جامد وتخلي القير يرجع نمره بشكل دفش حتى تحصل على تسارع آمن؟!

وكل هالكلام هذا والسيارة ما مشت أكثر من سنة و40 كيلو فقط!!!

ما أقول الكلام هذا عشان أخليك تتردد..

أنا ما أخذت يوكن الا اني مجرب موديلاته السابقه وبصراحة عزم اليوكنات السابقة ممتاز جدا وسواقتها ممتعه لكن هذي مشكلة اللي يجرب الموديل الجديد ..

موديلي 2009 وهو أول موديل ينزل بقير 6 تبديلات على المكينة الستاندرد ، نزل الست سرعات قبل على الدينالي وأظنه تقريباً نجح بسبب تعويض قوة المكينة للضعف الناجم عن التبديلات الست ..

على سرعات فوق 140 أحيانا السيارة تقعد تهز طول الوقت؟!

ومع المشاكل اللي كتبتها فوق .. أكذب عليك إذا أقول لك أكره السيارة بل اني متعلق فيها بشكل غير طبيعي ومتأمل ان مشاكلي بتنحل في يوم من الأيام ..

وما سبب رضاي إلا اني اقتنعت بكلمة واحد من الشباب كل السيارات الجديدة مشاكل والسيارة تمشي تمام مع الشخص اللي ما يدقق .. فصرت أسكر أذاني وأنا أسوق وأحاول أسايس السيارة وصارت تعطيني أداء معقول وتلبي أدنى درجة من طلباتي وترضيني في معظم الأحوال ..

وفي اعتقادي واعتقاد الكثيرين ، السيارات الأمريكية حظوظ ، يعني اثنين يطلعون نفس السيارة بنفس اليوم واحد سيارته ما يحتاج والثاني كل شوي مشكله ، تحصل عادي وكأنه العيد!!

--

الكلام اللي يجمد على الشارب ..

خذ السيارة وجربها من عند الوكاله وشوف ممشاها وعزمها ومركبها ووساعتها والخدمات والمميزات اللي فيها الخ ، وبعدها قرر ..

وأنصحك تبعد عن كفرات 20 انش .. لأنها ما تنفع للبر ولا لشوارعنا الحلوه ، خلك على 17 يناسب البر ويناسب شوارعنا وأرخص وما يضر بشكل السيارة ..

وابعد عن الألوان الغامقه .. خلك على اللؤلؤي أو الذهبي أو الفضي ، الألوان الغامقه حلوه بس متعبه وما تناسب أجوائنا ، يعني يبيلك تغسلها بشكل يومي ويالله تلحق راس..

واذا تقدر لا تقبل بأقل من دينالي .. أو إذا ممكن تختار القير 4 سرعات إذا يتوفر في السيارات الجديدة فبيكون الوضع ممتاز ..

وبالأخير استخير والله يكتب اللي فيه الخير ..

أنت كلامك صحيح و أنا كلامي صحيح
أكثر من عضو اشتكى لكن موديلات سياراتهم ليست 2010 و الشيء الوحيد الذي اتفقوا عليه هو حكاية صوت في خلف السياره فقط.
:xyxwave:

أخوي هذه مشاكل فرديه و لا تشمل الكل
1- القير لأنه 6 سرعات تلاقي التغيير بطيء نوعا ما.
2- ما عندي أصوات و لله الحمد فقط عضو ذكر هذه المشكله عن يوكن 2010 أما بقية الأعضاء المعدودين على أصابع اليد الواحده كان معهم موديلات قديمه و ليست 2010.
3- الجلنط ممتاز و ما فيه مشكله و في ناس ما هي عارفه تستخدمه في البدايه استخدامهم للسياره.
4 - هذه بكل السيارات القديمة و الجديده و تقريبا بكل الأمريكي و هي أنك عندما تضع موزع الهواء على أي وضع غير وضع اندفاع الهواء المباشر على الوجه لا يقبل دوران السياره بالداخل.

تقبل مودتي

اخوي نصيحة لاتخذه خالي معه دينالي 2008 والله انه كل شهر لازم الوكالة الباب الخلفي يعلق الاقفال تخرب
والمكينة اصوات القزوز مرتفة لا غير اصوات البيبان والوكيل البايخ!!
والسعر يطيح بسررعة!!
والبودي يتعفط بسرعة لوتتركا عليه.

^^^
نفس الشيء بل تحسن عن الموديلات القديمه

يسلم رااااسك اخوي روميو
مدري اخوي احس انهم نفس الشي ولا انا غلطان
وماقصرت حبيب قلبي

معي سوبربان 2007

وماوجهت اي خراب ولله الحمد

ولد عمي معه 2008 وماشاءالله تبارك الله مابقى دولة من دول الخليج ماراح لها

واحد من اقاربي معه يوكن 2007 مقاس 2500 وماشاءالله مابقى مكان بالسعودية ماراح له , وماشاءالله الموتر ولا احلى معه

واحد من عيال عمي معه دينالي 2008 ونفس الكلام , ما واجهته اي مشكلة

2010 ماعندي علم عنه بس اللي يظهر لي ان مشاكله اكثر من 2007 و 2008

حياك الله اخوي ابو ليان
ياليت يابعد روحي تذكرها واكون لك من الشاكرين

وبيض الله وجهك

حياك الله اخوي Abo Noor2001
عامود الكردان ؟؟ ايش المشكله فيه وهل كان عيب تصنيعي ولا لا
البريك مهم لكن هل تستمر المشكله على الزفلت بعد ما تواجه المشكله ؟

ماقصرت اخوي Abo Noor2001 وبيض الله وجهك

خالي معاه يوكن دينالي 2009

مشاكله مشاكل

فك عنك الامريكي

ياهلا ومرحبا اخوي احمد
عزالله انك صادق فعلاً السياره منتشره بشكل ملفت
بالنسبه للخرابت انا فتحت هالموضوع عشانه وعشان نسمع
راي المجربين

وبيض الله وجهك اخوي احمد

هلابك اخوي اجمل احساس
ياليت تذكر تجربتك فيها وايش الخرابات الي واجهتك
والاصوات والقربعه ايش مصدرها وهل السياره كانت جديده ولا لا؟

ومشكووور وبيض الله وجهك