الونش أفضل شيء موجود في أسواقنا الوارن، وإذا تبغى توفر خذ صيني رخيص، وإذا تبغى شيء متوسط، فيه ماركة تابعة لوارن تصنع في الصين. السعر ما بين 1500 إلى 3000 ريال للونش.
القاعدة تفصلها بأن تشيل الجسر الأصلي شد البلد الأمامي وتركب مكانه واحد تفصيل مع قاعدة ونش، شغلة سهلة. ثم لازم تقص الصدام، لكن ممكن تقصها بطريقة فنية تصير كأنها شد بلد. وإذا عندك "سكسوكة" الست سلندر، فهي رح تخفي لك الونش تماماً، مثل ما سويت أنا أول ما ركبت ونش قبل ما أركب الصدام الحديدي.
انا عندي فورتشنر( V6 - 2007 - 4000 ) والله بصراحه مااعمري اشتكيت منه وقليل خرابات من يوم شريته وعلى كثر ماكرفت ولعبت فيه الا انه متحمل الي غيرته فيه ( كفرات زيت بنزين بريكات والباقي انسى ) وتوني فاحصه لتجديد الاستماره ماافيه اي شيء ومن جد و من جد اذا تـبـيـه في بر او جبال وين مااتبي روح وانت مطمن وصدقني اذا انت سواق صح في البر مااراح اتحتاج الدبل معاه كثير بس قلل من هواء التواير وتمشى وتمتع و اكثر مايعجبني خفته في البر و مرونته خيالي فوق ماتتصور.
بس فيه عيب في الـ 2006 - 2007 - 2008 طبعا اتكلم عن 6 سلندر المشكله في البنزين يصرف كثير وذلك لصغر تانكي البنزين حق الوكاله فأحسن حل معااه اضافه تانكي اضافي .
أشكر على الموضوع و هذا راي حسب تجربتي واعجابي
تقبل مروري
أشكرك على إبداء رأيك، وأنا معك فيه.
بخصوص الخزان، ريح راسك وركب حق 2009 وطالع، أسهل حل لمشكلة خزان الوقود الصغير، وإياك والتفصيل، وإذا تبغى طلبية من جنوب أفريقيا فأنا تحت أمرك.
