السلام عليكم ورحمة الله وبركاته
مقدمه الموضوع :)
المكسيما نادره الوجود وغير منتشره بكثره وكنت اشوف صوره للسياره +مقاطع يوتوب
لكن وش اللي حصل اليوم وجعلني اكتب الموضوع لاني كنت بانضرب من شخص يملك المكسيما 2010 لون لؤلوي اول مره اشوف مكسيما على الطبيعه وااااااااااااااااااااو تمشي بهدوء تام على الخط السريع
وانا كنت ورا الماكسيما مره الف يمين ومره اجي شمال ومره اتقدم واشوف الواجهه بمراية سيارتي
والمشكله الكبرى ان صاحب السياره ماكان لحاله بالسياره معه اهله وتضايق من نظراتي وتحركاتي بالسياره وانا من روعه تصميم ضاعت علومي على فجئه وفي لمحة بصر اختفت الماكسيما من المرايه الوسطى اللي بسيارتي لاني كنت متقدم عليه وجت قدامي تكبس فرامل وفلشر يمين وتذكرت اني غلطان لان اهله معه
ووقفنا
صاحب السياره ::a120(115): نزل وهو معصب استحي على وجهك
انا : اسف اسف والله ياخوي اول مره اشوف المكسيما على الطبيعه
صاحب المكسيما :ياخي رح للوكاله الله يكفيني شرك :a1120(82):
انا :الله يعطيك خيرها ويكفيك شرها
صاحب المكسيما : عطاني مقفاه وركب سيارته واختفى (قومه غير طبيعيه الله يعطيه خيرها ويكفيه شرها)
كنت افكر بالاكورد لكن بعد ماشفت المكسيما غسلت يدي منها
المطلوب
اتمنى من اصحاب المكسيما 2010 -2011 يجاوبون على سوالي
ماهو انطباعك تجاه المكسيما ؟ ماهي المشاكل اللي واجهتك في السياره ؟
في الاخير
اسال الله العلي العظيم بأن يبارك لكم في سياراتكم ويكفيكم ويكفيها من كل شر
