الفزعه يانشامى تاهو 2010 ومشكلة الاستبنه

الحمدالله على سلامتهم والله يسعدهم

الحمدلله على سلامتهم .

اشكر كل عضو رد على الموضوع والحمد الله تم اصلاح الكفر
طبعا اخوي وقف واحد معه يوكن وطبعا اليوكن نفس التاهو
وقاله ركب عصاتين في بعض والثالثه الي منعكف راسها مالها لزوم في فك الاستبنة
يعني مثل ماتفضل الأخ محبكم2010 راس العصى الي راسها مربع ومجوفه هي الي تركب في الونش أما العصى الي راسها منعكف هذي خاصه بالعفريته
بالنسبة لنوع الكفر هو شد بلد نوعه قودير
وانا أسف جدا على صياغة التعبير يوم قلت انفقع الكفر وللأمانه الكفر مانفقع فقط بنشر واتوقع بسبب مسمار او نقص في الهواء.
المشكله أن لمبة حساس الكفر ولعت بعد مابنشر الكفر وحاس حوسه خفيفه لكن الحمدالله على سلامتهم وماكن مسرع سرعته تقريبا 100 كم.
نصيحه ياخوان مهما كانت سيارتك جديده أو الكفر جديد ومن النوع الأصلي تأكد قبل ماتمشي من الكفر وقياس هواء الكفر لأنك ماتدري يمكن يكون في الكفر خلل مصنعي أو توطالك مسمار ثم يحوس عليك الموتر

الحمد لله على سلامتهم

اضافه الى الاخ الفاضل يدخل العصيان ومنها 3 تقريبا يدخل المربع المجوف الى داخل ويفتح اما اذا فتح بالجهة الثانيه فيلف في مكانه بلا فائدة .

تاهو 2010 وانفقع الكفر أخوي وش نوع كفرات التاهو حقكم لايكون قوديير
وبالنسبة للاستبة مثل ماتفضل الذيب اللي رد عليك فيه قفل يفتح بمفتاح السيارة بجنب مكان العفريتة