اذكر عيوب سيارتك

الياريس
فراملة سيئه جدآ لما تضرب فرامل مع الموية او التراب او وانت مآكل حفره ونفس الوقت ضربت فرامل الفرامل تردع معك ماتقدر تضغط عليها كم مره بغيت اسوي حادث بسبتها

الاقمشة تخلص كل سنتين
المكيف في الضهر ضعيف مع انها 2008 الا ان كورلا 2004 مكيفها اقوى من ياريس 2008

هذي عيوب الياريس
---------------------------------
سوبربان قطع غيار غالي مره مره اشتريت قطعه حق القفل الخلفي الباب الي هي الشنطه
المهم كنت اقفل سياره بالريموت او من داخل وماتتقفل باب الشنطه حصلت القطعه بـ 950 ريال !
----------------------------------
افالون 2009 فراملة سيئه
لما مثلا تكون في خط سريع وفجاءه جيت تضرب فرامل بقوه شوي في البدايه ماتمسك معك
---------------------------------
التيما2006 سيارة فكك تتهربد بسرعه ولما تآكل حفريات تحس انها بتتخلخل
-----------------------------
هذي تجاربي الشخصيه

كان معي مازدا موديل 90 الصراحة كانت قوية و جبارة لكن قطع الغيار اسعارها نار و تهد الحيل لدرجة اني بعتها بعد ست شهور

اشتريت النترا 2006 السيارة ما شاء الله عملية و قطعها متوفرة و سعرها معقول لكن عيبها اصوات الديكور انا ما اعتبره عيب كبير

شكرا على المرور ابو ماجد البشري ولاكنوشو اكثر شي يخرب معك

معي كابرس89 لايوجد عيوب

اخي loyal5077 اشكر لك مشاركتك الجيده بالموضوع
اخي PC Master مرور اسعدني ونور الموضوع ومثل ماقلت الموضوع انتم من يضع لبه
اخي bashmaycry شكرا على المشاركه

بيجو 407 موديل 2006 كل 40000 كيلو تغير صوف القير بوكس .........ب 3000 ريال ............القطع الغيار تكسر الظهر مروحه ب 2000 ريال مرايا جانبيه ب 1600 ريال ....والمشكله الكبيره مافي وكاله في الشرقيه انلغت

مشكور على الموضوع المفيد اخوي

اول شي كان عندي اوبل اوميغا 1998
ماباذكر العيوب بس باذكر شاللي كان شغال فيها
الزينون والبريك

الحين عندي مازدا 6 الترا 2009
العيوب:
1. التواير (الكفرات) نوعيتهم تعبانة مع انهم ميشلان، يابسين وسببولي اصوات في الديكور واحياناً اسمع صوت الشارع، وطبعاً اقل دوسة السيارة تحفر في الارض
2. اللفة حقتها واسعة مو نفس باقي السيارات كانها كابرس 86

ولكن بشكل عام السيارة مريحة وتستاهل

كان معي سابقا مازدا 6 فل كامل 2.3 المكينة
موديل 2004


كل شي فيها ممتاز، لن انساها ابدا،
عيوبها، الجنط كبير والكفر مقاسه صغير،، حل المشكلة بتغيير مقاس الكفر فقط...
ا
الأمر الآخر السيارة حساسة، يعني يبغالها واحد يدلعها وقت الصيانة.

السيارة قوية وتتحمل بس زي ماقلت يبغالها واحد يدلعها مو يهملها في الصيانة بالذات،

اهم شي قطع غيارها غالية، مع إنها مو دايما تتطلب قطع غيار

اخي راعي فزعه1 يعطيك العافيه على المرور وياليت توضح وشي الجوزه وش مشكلتها
اخي Abu Rayan الله يعطيك العافيه على اثرائك للموضوع
اخي عزيز الشهري ماقصرت وبصراحه افدتنا في شرحك
اخي m_001 اول شي انتم اصحاب الموضوع ولست انا انا فقط صاحب فكره ثاني شي بصراحه افدتنا بالشي الكثير يعطيك العافيه
اخي seflumber كفيت وفيت وشاكر لك مشاركتك
اتمنى من اخواني بالاداره تثبيت الموضوع لتعم الفائده

يابعد تسبدي يارهيب قريّب إن شاء الله نزوركم
خذ عندك
-اليوكن= طرمبة بنزين
-الفكتوريا والميركوري = ثلاجة ومروحة وحساس مروحة وارتفاع الحرارة اللي يخليك توسوس عند حرارة 48 درجة توصل اتش وعند 51 درجة تمشي طبيعي فعلاً نظام فاهيتا
-السوزوكي جراند فيتاراXL7 = مكيف سيء والا الباقي على راسي حبيب قلبي السزك
-الباترول = كان كلتشه ثقيل ونفس المشكلة عند أحد الاصدقاء
-الكامري = صوت في المساعدات الأمامية وسماكة الحديد المستخدم تخوف بصراحة اذا صكيت الباب تحركت التنده من برا ياساتر .
- الصني = دينمو القزاز والعكوس
- الكوريلا = ماكان فيها شي عشان يخرب مكينة وقير وبدي
-جيب شاص = كلتش
-zx = كانت شبهه على وقتها إذا شفت دوريه لبق وارفع ايدينك فوق مايحتاج قاق وعلى جنب :smilie16:
والله باقي كذا سيارة وأرجو السموحة على الاطالة

هلا اخوي ..

في البداية حبيت اشكرك على الموضوع اللي راح يفيدنا جميعا ً باذن الله تعالى :

لنبــــدأ

1- الكاديلاك الدورادو : السيارة بصراحة كانت ممتازة بس المشكلة كانت : عدم توفر قطع الغيار وان توفرت فهي غالية بالاضافة الى ان السيارة اذا ظهرت في مشكلة فمن الصعب معرفة السبب حتى الوكالة لاتعرف ماهو السبب مباشرة يبيلهم وقت لين مايعرفون .

2- اللاندكرزور 98 : ماكان فيها مشاكل

3- لكزس LX 470 موديل 2001 : مافيها مشاكل

4- لكزس LS 430 2003 : من دون مشاكل

5- X5 4.8 موديل 2005 : ارتفاع سعر قطع الغيار

6- لندكروزر 2006 : الجير غيرته مرتين (( تحت الضمــان طبعا ً )).

7- رنج روفر سبورت ( سوبر تشارج ) : مشاكل في السوبر تشارج و FUEL PUMP

8 - BMW 750LI : من دون مشاكل ( الصيانة كانت مجانية )

9- رنج روفر فوج ( HSE ) : الفيول ، الجير ترتفع حرارته ( لما ترتفع حرارته يحر ولازم تطفي السيارة وترجع تشغلها علشان يبرد ) ، الهيدروليك ، ارتفاع سعر قطع الغيار

10- لندكروزر GX-R 2009 سته سلندر : العزم ضعيف جدا

9- رنج روفر فوج ( سوبر تشارج ) 2009 : مافيها مشاكل ( الصيانه كانت مجانية )

12- لندكروزر VX-Ri 5.7 موديل 2011 : مافيها مشاكل بس ( استهلاك الوقود مرتفع شوي )

13 - رنج روفر فوج ( سوبر تشارج ) موديل 2010 : بعدها جديده مالحقت اعرف مشاكلها ..


وتقبل تحياتي ...

انا كان عندي فورد 97 عضلاته يجب تغييرها سنويا !!! نعم سنويا
ولا تلعب في الكهرباء فيه ابد لانه حساس ابن كلب

الاكسنت 2001 افضل سيارة اقتنيتها الى الان من ناحية التوفير
تخيلو في 4 سنوات ونصف غيرت الاقمشة مرتين + ذراع امامي يسار +
اسطب خلفي يسار + ولا زالت الى الان مع اخوي اللي بالثانوي وممكن يبي لها
توضيب ممكن لان الزيت ينقص ..

توظفت الحمدلله وطقيت لي بكابريس 2007 ماشي 31 الف من نائب القبيلة
رجال كبير بالسن وماله في المشاوير ابد ..
ولكن المفاجأة ان متعتي فيه ما تجاوزت 6 اشهر
العكوس + المقص الخلفي + المساعدات الامامية + الركب +
الكويلات + فحمات الدينمو + الحرارة اللي الى الان لم تحل مشكلتي معها
ايضا طلع لي الان تبخير في المكينة مدري ليش + موية الرديتر يقول
المهندس انها ما تدخل المكينة بشكل صحيح !!! هذي ما فهمتها باقي
بس بروح للوكالة يوم الاربعاء وبشوف له دبره ..
ايضا اذا وقفت عند اشارة احس ان الموتر بيطفى .. لازم احطه عا N
عموما انشالله الفكه منه
واطق لي بأفالون 2008 او اكورد 2008 .. وبكيفها !!!<<< مقهوووور

انفوي
أولا : صوت تنسيم الهواء بعد سرعة 120 :smilie20:

ثانيا : الأبواب متخلخله - تحس انها مفككه - وخاصة الديكور الداخلي وما خلفه .. تحس ان مكينة القزاز ومكينة القفل داخل الباب تلعب !

ثالثا : البلاستيك - الديكور اللي يجي أسفل الكراسي الأمامية - واللي راكب عليه اداة التحكم في سحب وتقديم الكرسي .. هذا البلاستك مركب بطريقة تافهه .. وينفصل بسرعه من اماكن تثبيته .

رابعا : قطع الغيار وأسعارها المبالغ فيها

------------

بس رغم كل ما سبق .. أمتع سيارة في القيادة .. محرك نادر الوجود في فئة هذه السيارة .

فووورد 97 الجوزه:a1120(86):

اخي seflumber اول شي يعطيك العافيه على المرور ثاني شي اذكر مثلا عيوب اخر سياره كانت معك واذا قدرت اذكر عيوب السيارات كلها الي صارت معك عشان الفايده ثالث شي زرنا بالبدائع رابع شي احرجتني:a1120(86):
اخي ابوعواد اشكر لك مشاركتك
الى جميع اخواني الاعضاء الموضوع وجد للاستفاده ولاجل نعرف عيوب اغلب السيارات الموجوده فلاتترددو بالمشاركه

المكسيما 2003 عيوبها الكويلات يبيلك كل سنتين كم كويل والتعليق الخلفي ثابت هذا عيوبها