قبل لا أبدأ.. لازم أوضح لك شي مهم..
تخصصي هندسة ميكانيكية.. لكن للأسف ما تتعلق كثير بمكاين السيارات..
عندنا لومينا من عام 2000 وSS من كم سنة... فأعرف المشاكل اللي مرينا عليها :)
ونعم فيك وفي علمك والله يبارك في علمك وعملك>>>> كــــــــيــــــف
والله يالغالي واحد من الشباب فك الدبات والشكمان وحط ماسورة (كانوا شباب الدمام يسونها على مكاين الـ SS لأن صوتها مرررررة حلو).. لكن المشكلة أن الشمان يذبح راعي السيارة وأهله والناس اللي في الشارع (تخيل وقت الزحمة مثلاً)..
( انا ما عندي صوت مزعج ولكن ريحه فقط )
لأنه فكها .. قدر يرجعها بسهولة.. فبصراحة ما عندي خلفية عن قيمتها..
الله يعينك دورها في التشاليح شبه أكيد بتحصلها (بس تأكد من سعرها جديدة أول)..
أنصحك وبقوة أنك ترجعها حتى لو ما حلت أي مشكلة من المشاكل اللي تواجهها..
(( والله وانا اخوك شكلها بشتري جديد بما ان راعي الشكامين قال ما فيه اي تنسيم من الشكمان من اوله الى اخره ولكن بصلح بكره واذا ما فاد بغيرها ))
1- التقطيع:
متى آخر مرة غيرت أسلاك البواجي ؟
( سيارتي 6 سلندر ما قد خيرت اسلاك فقط كويلات غيرتها كلها ولكن ما بيضر بوديها عند كهربائي واخليه يسوي طريقتك )
فك وركب أسلاك البواجي من الكويلات وتأكد من سلامتها من هالناحية..
فك الأسلاك من جهة البواجي.. إذا تنفك بسهولة كبيرة هذي مشكلتك..
( اللي فهمته يعني في الحالتين اغيرها لاني احس ان الاسلاك عندي يابسه خخخخخ من اثار التعريه)
إذا ما أنفكت الا باليالله تأكد من سلامة قطبها
( مافهمت مره على سالفه القطب اذا انك تقصد الشفرات الصغيره !!! ) من الداخل.. قد يكون متآكل.. فبيلزم تغييرها..
وتآكد من سلامة الآسلاك نفسها..
طبعاً سو هالشغلة قريب من محلات قطع الغيار :)
2- الريحة:
هل الجلدة اللي يقصدها هذي ؟؟
( الجلده اخر ما توصلت له اليوم يقول الميكانيكي اصلاح دوده لان جهه السائق فيها تهريب ويقول بان هذا الزيت مع المشي يروح على الدبه وشفت بقعه على الدبه يقول انها لما تتبخر تخش الريحه عندي
هذا على كلام راعي الشكامين وبكره بروح اسوي اصلاح الدوده ونشوف )
إذا فيه زيت يخر على الدبة أكيد بيكون فيه ريحة... و قوية بعد :)
المفروض ما يكون فيه زيت فيها الا إذا كان فيه تهريب من هيدرولك الباور.. هل زيت الباور ينقص عندك ؟
( مادري والله ولكن ممكن من حق الدركسون لان الباور ما استخدمه كثير )
تغيير هالربلة سهل.. لكن لازم تتآكد من سلامة الباور.. الله يعينك على ميكانيكي جيد.. بيفيدونك الشباب (أنا من أهل الدمام)..
3- الحذفة:
سألتك عن فضاوة الدركسون.. لأن لو فيه أي فضاوة (حتى لو بسيطة) لا يمكن وزن السيارة.. وبما أنه ما يمكن وزن السيارة فما أحد بيقدر يعرف سبب الحذفة..
( ملاحظ هالشئ لاني كل ما اوزن عند اطلق محل بعد فتره بسيطه تخرب مدري ليه ان شاء الله تكون من الدوده وتتعدل )
سق السيارة بسرعة 40 (تحت مدى الرجة).. وهز الدركسون شوي... المفروض ان السيارة تلف مع أدنى درجة من تحريك الدركسون..
تقدر تشيك عليه (أسهل من أسفل السيارة) بتحريك عمود الدركسون بيدك والسيارة طافية.. المفروض ما يتحرك.. إذا تحرك (يمكن يصاحبه صوت طقة خفيفة) ففيه فضاوة..
4- الرجة:
تأكد من الربلات (إذا ما فيه محل تثق في أنه ممتاز - شيك عليهم بنفسك (أفضل على العموم) - وقف السيارة فوق حفرة المحل اللي تغير زيت عنده :) :) -- قد سويتها أكثر من مرة، تراهم طيبين )
طبعاً الأهم حالياً هي كراسي المكينة.. واضحة بالنظر..
ماعندي صور حالياً.. بس لو تبي أجيبها لك :) ..
( الرجه شكلها من الجهاز الاسود اللي بعد فلتر الهواء وهي سبب في رجه المكينه على كلام الميكانيكي اللي رحت له وحتى ممكن بعد تكون سبب في مشكله التشغيل لاني سويت تصفيه ونظفت الجهاز هذا وشغلت السياره بدون مبالغه تذكرت اول ما شريتها ولكن للاسف بعدها بخمس دقايق رجعت نفس مشكله التقطيـع )
شيك على بقية الربلات..
عمود التوازن (هذا العمود اللي يمتد من اليمين لليسار في السيارة من الأسفل (أمام المكينة): هز العمود بيدك عند نقاط اتصاله بالسيارة.. إذا يتحرك من مكانه.. فالربلات خربانة.. (تسبب عدم اتزان السيارة بالذات في اللفات إذا كانت خربانة)..
وبعد ربلات المقصات ومسامير التوازن..
ربلات السحب: لازم تكونون 2 واحد في السيارة وواحد يراقب..
خل السيارة تدحدر على الـ D وامسك بريك بقوة..
خل خويك يشوف الكفر.. لما تفك رجلك من البريك.. إذا نقز الكفر قدام فهي خربانة.. (شيك على الجهتين)..
( ان شاء الله اشيك عليها بكره الصبح )
من ناحية الصوت.. ابدأ بالأشياء السهلة.. وشوف يمكن شي يحك بالكفر (أدري اقتراح غريب.. بس قد صارت.. وما عرفت الحل الا لما رفعوا السيارة لتصليح حاجة ثانية.. كان البلاستك اللي فوق الكفر ماهو مثبت عدل)..
( لا عندي سليم ان شاء الله )
ياخي المشكلة في صيانة السيارات (من اللي أشوفه).. أن الميكانيكين يرضون بالترقيع..
يعني مثلاً.. عندي كراسي المكينة منتهية تماماً.. لكن تقريبا كل ميكانيكي يشيك عليها يقول لي مهي خربانة لذيك الدرجة !!!
المشكلة أني أعرف انه يبيلها تغيير من ما يقارب العام والنص... يعني الحين المفروض أنها متهردمة..
وإذا رقعت في السيارة.. وخليت أشياء خربانة بدون تصليح مناسب.. بتخرب عليك أشياء ثانية..
ولما تروح لهم بيشوفون السيارة ككل.. ولأنهم يرضون بالترقيع.. بيقول لك والله ما ادري كلش تمام :a1120(82):
( والله انك صادق بعض الاحيان احسهم يصرفوني وبعضهم يستغل !! الى انا والله كل ما شفت مشكله ما ارتاح الى لما اصلحها ولكن اكبر مشكله لي حقت الريحه اللي حتى الوكاله ما عرفت له ....... كلها من اللي يوضفونهم عشان يوفرون حق الرواتب ...... مشي حالك )
معليش كتبت كلام كثير يمكن أغلبة ما تحتاجه :) ... بس فاضي، والدنيا برد مرة :)... ما أقدر أطلع :)
والله أعلم...
بلغنا بالتطورات :)
الله يوفقك :)
