عاجل جدا .....محتاج مساعدة

بالنسبه لي انصحك باليوكون او تروح للفورد نواحي الاكسبدشن

موفق

جزاكم الله خير وانا نظرتي مثلكم ان الامريكي يتفلش بسرعة مو مثل الياباني وأقول اثبت رأيي على السيكويا

الشفر والسوبربان هذاك أول ( أيام قبل )

أيام جدي وجدك الآن شركة GM ومن عام 2000 وهي تتخبط

الآن صناعة السيارات الأمريكية من جرف لدحديره بسبب جشع وطمع هذه الشركات للأسف

عدا شركة فورد التي لا زالت منافس قوي

وهي الشركة الأمريكية الوحيدة في مجال السيارات التي تحترم عملائها

تحياتي

الحمد لله +

الغريب انك ذكرت عيوب الـ gm ومدحت السكويا

وللمعلوميه السكويا اصله امريكي

وفيه ناس غيرت قيور السكويا بسبب ان مافيه فاصل للتراكشن كنترول [ شفت كبر القهر ايش ] زر كبر اصبعك !

ولاتقولي ليش الا اذا جربت التراك بالطعوس والمقاوم بالاخص .. القير مايدري متى يبدل ولا متى يوزن الدعسه ويخبط مع كثره الحركه !

ولاتنسى ان قيمه التوضيب كامل اساسا لآي قير اكثر حاجه تكلف 5000 ريال اذا انهبل

وتقولي قطعه بالقير .. تكلف كل هالمبلغ

وبالنسبه للعزل مجرب يوكن 2011 وماشاء الله الى 180 مافيه صوت هواء

وبرضه مجرب الموديل اللي قبله ماشاء الله .. الى 180 مافيه اصوات وعزل ولا اروع

وكلها راسيه بالخط والمنعطفات بشكل كبير

وبالنسبه للديكور هذي العيب الوحيد بالجمس بنظري .. وشغلها سهل للي يبي يروق عليه : )

/

وانا ماجربت السكويا ولا ودي اقرب لتويوتا بكبرها ان شاء الله

وياصاحب الموضوع اذا عائلتك كبيره فالسكويا مايصلح لك

الا اذا ودك خلفيه السكويا تطيح زيه زي اي سياره صغيره ولا الشنطه مب ذيك الزود براحتك , بس كسبان المقد الثالث واسع افضل من السوبربان

ومافيه افضل من اليوكن xl , ولا الشفر سوبربان للعوائل على مر السنين .

أنصحك بالسكويا وبشدة
لأنها واسعة من الداخل بين المراتب
وتتحمل
وقليلة الأعطال

نصيحة عن تجربة

يا هلا أخوي وحياك الله

بما أنك سألت وتريد الإجابة الشافية حقيقة أنا لا أنصحك بسيارت GM الرديئة لعدة أسباب

ومن ضمنها ما ذكرها الأخ الذي قبلي في إجابته

وإن كان ولا بد بالأمريكي فلا تذهب إلى غير فورد العريقة

عندك الفورد أكسبدشن 4X4

سواء لارج أو قصير أنظر إلى ما يناسب ويلبي احتياجاتك

سيارات فورد تتمتع بجودة واعتمادية لأبعد الحدود ولا مجال للمقارنة بها مع خردة GM

//

شخصياً لو خيرت لخترت تويوتا سيكويا بالمقام الأول لتعدد المزايا فيها ولقوة محركها الجبار

ثم يأتي الأكسبدشن بعدها في المقام الثاني

موفق للخير

بسم الله

السلام عليكم اخوي

انا مدري عن السيكويا لاكن ماانصحك بالتاهو او اليوكن او الاسكاليد

وهذي بعض الاسباب ... :

1- العزل سيء

2- كثرة الاصوات في ( الديكورات ,, والسيارة بشكل عام )

3-السيارة واطية جدا من الامام وانا شخصيا انكسر معي صدام اليوكن وانا نازل من طعس على ورا ماقدرت اطلع لأني كنت مهدي مره وانا راجع ومهدي والله انقلع الصدام

4- في عطل يحصل لكثير من الجموس وليس كلها بشكل عام من موديل 2007 وطالع وهو عبارة عن عطل في حاجة بالقير ( وليس عطل القير كامل ) وتكلفة تصليحة مابين 5000 الى 10000 والله اعلم

5-سوء الوكيل الى ابعد درجة ( تجربتي كانت مع الجميح ولا اعرف عن الباقي )


تقيم الاعتمادية للسيكويا اعلى من الجمس والتاهو بشكل عام

مكينة السيكويا 5.7 (381 ) حصان ,, مكينة الجمس 5.3 ( 320 ) حصان

السيكويا اوسع بكثيييييييير خصوصا مراتب الصف الثاني والثالث بالاضافة الى امكانية تحريك مراتب الصف الثاني والثالث

الوصول للصف الثالث بالسيكويا سهل جدا واسهل من الجمس بكثير + شنطة السيكويا اوسع والفرق بسيط

موقع يبين اكثر العيوب شيوعا في السياره .... ويظهر عيب القير الي تكلمت عنه في السابق بالاضافة الى عيب اصوات الاكسسوارات وجودتها

http://autos.msn.com/research/vip/Reliability.aspx?year=2007&make=Chevrolet&model=Tahoe#Tran

مقارنة شاملة للسيارتين ...

http://autos.yahoo.com/car-compare/technical-specs/;_ylt=AqL7XQBWNivXtcyl8RBZtZvv_a1_;_ylv=3?trimId0=29654&trimId1=29731&hideghost=1

بالنهاية انا صراحة ما انصحك بالتاهو واليوكن مع احترامي للجميع
لاكن ما اقدر انصحك بالسيكويا لأني ماجربته

و اذكرك بالاستخارة تراها اهم شيء وانا اخوك ووالله خاب من شاور ولا استخار

واسأل الله ان يكتب الخير وين مكان ويبارك لك في ماتختار ويوفقك فيه

والحمدلله اولا واخيرا

شكرًا للأخوة ولكن ابي اكثر مشاركات مع ذكر السبب

يوكــــــــــــــــــــــــــــــــــــــــــــــــون :xyxthumbs:

يوكن اكس لارج
واذا تبي توفر فلوس اشتر سوبربان