شكرا fireboxواشتاقلك ..
طيب وش رايكم بزيبارت وفي كول واسعارهم؟وممكن اخ fireboxرقم الشركة الي ظللت فيها .
وبالنسبة لمساند الراس هل الشركات تضع مساند جيدة او اركبها في التوكيلات؟؟؟؟؟؟
وحبيت اسال عن افضل الالوان على الايدج؟؟؟؟؟؟
شكرا مرة اخرى.......
وممكن اخ fireboxتنقل تجربتك والعيوب والايجابيات؟؟؟؟.
:ch19: هلابك اخوي وبالخدمة ....
بالنسبة لزيبارت و فيكول .... انا جربت فيكول قبل 5 سنوات والصراحة شغلهم والعازل الحراري جيد جدا و لم الاحظ علية اي تغير من انتفاخات او تغير اللون او حتى تشققات بالعازل نفسة ولكن يظل تقنية قديمة وسعرهم غالي نسبيا !!!؟
الشركة الي ظللت عندهم جيوشيلد بتقنية النانو سيراميك موقعهم بالدمام بعد الشاطئ مول على اخر شارع الخليج في الجهة اليسرى رقم الهاتف (038307899) الجوال (0546411164) اسم مدير المحل فهد ...
وبالنسبة لمساند الرأس والله مابي افتي لك ولا عندي خلفية كبيرة عنها ولكن زي ماقلت لك مر محل السلام الي عند وكالة تايوتا بالدمام ومراح تخسر شي .. لني مريتهم قبل 3 سنوات كنت ابي اركب فتحة باللومينا وشفت شغلهم في السيارات الثانية من شاشات و تركيب فتحات والله اعجبني ولكن للاسف ماركبت الفتحه لن واحد من الشباب نصحني وقال تري يمكن تطلع صوت من الهوى وتتوهق وشليت الفكرة من راسي !!!!!
واذا عن الالوان كثيرة وانا اعجبني اللؤلؤي ولكن تزود 3000 الف على سعر السيارة + ام عيالي كان عاجبها العنابي وارضاء لرغبات وزارة الداخلية اخترت العنابي هههههههههههه :bigggrin: :bigggrin: :bigggrin:
واذا عن الميزات والايجابيات كثيرة وصعب انك تحصرها في رد ... على الاقل يبي لها تقرير كامل عشان نعطيها حقها وهذا رابط من موقع فورد الرسمي فيه كل التفاصيل الي تبيها ...
http://www.ford.com/crossovers/edge/experienceedge/?intcmp=fv-fv-a2b08c08d000071e01f11g01h01j11k26m2n0p20101221
بعد العرض القصير اختار الخيار الي على اليمين ( حق التفصيل الممل ) وراح تجيك مجموعة خيارات وانت اختار على حسب الرغبة .....
واحسن ميزة بالسيارة انك تقدر تتحكم في 90 بالمية من ميزات السيارة ( تقدر تضيف او تلغي الميزة الي تبيها ) حتى الشنطة تقدر تخليه يفتح هيدروليك او عادي , الباب تقدر تخلية يفتح بالبصبة او بدون و يصير يفتح بالريموت عن بعد , وفيها ميزة توني مكتفشها اسمها
Quiet Start تشغل السيارة بدون صوت ازعاج من المحرك وقت التسخين ( اذا كانت باردة ) والخيار هذا تقدر تشغلة وتقدر تلغية والكيمرة الخلفية فيها زووم والقائمة تطول ...
ومشاءالله مشاءالله مشاءالله ... سرعة التجاوب ممتازة في الفزة و سرعة الوقوف واللفات كانها سيارة سيدان مو جيب مشاءالله ... وادري مافي احد راح يصدقني ولكني قمت فيها على لومينا LS 2009 او 2010 و سرعة استجابة المحرك ممتازة بامتياز ههههه وانا امشي فيها 160 كيلو ادعس لها بقوة .. تقوم كانها كانت ماشية 80 كيلو مشاءالله تبارك الله واذكرو الرحمن يالربع ... عيني باردة على سيارتي :bigggrin: ههههههههههههه والي قاهرني لما توصل الى 190 كيلو يفصل العداد والله قهر ولا السيارة تجيب طبلونها بالراحة ... وانا افكر الحين اني افصل الطبلون ولكن خايف الضمان يطير علي لو صار فيها شي ..........
وبالنسبة للسلبيات ...
نظام ماي فورد توتش بطيئ شوي + نظام سينك 3 مرات يسمع ومرة مايسمع ههههههههه والي مجنني فية رقم 8 اقولة ايت يقولي سكس رقم 6 هههههههه اقولة ياابن الحلال ايت يقولي سكس ههههههههههههه دوخني :smilie16: :smilie16: :smilie16: + شاشة اللمس تتوسخ ويبين عليها بصمات الاصابع ويبيلها تنظف بين فترة وفترة + الكيمرا الخلفية اذا اسرعت بالريوس احس انها تعلق لمدة اجزاء من الثانية وبعدين تكمل + فتحة البانوراما بطيئة شوي في البداية تحس انها بتعلق وبعدين تفتح عادي وهذا يمكن عشانها كبيرة و اثقل بالوزن + الديكور الداخلي الي بااللون اسود يغبر بسرعة ويبي لك كل اسبوع بالكثير تنظفة طبعا انا استخدم منظف الديكورات المنزلية شريتة ب 30 ريال تحصلة بساكو وفي المحلات الكمبيوتر + اول ما خذيتها كنت اشم فيها ريحة مطاط محترق من جهة الكبوت وخاصة لما اسرع او استخدم البريكات بعنف وجلست معاي 3 اسابيع وراحت الحمدالله سئلت الشباب قالو هذا عادي اي سيارة جديدة تطلع منها الريحة و يمكن يكون ريحة بلاستك او ريحة المادة الي يرشونها تحت السيارة عشان ماتصدي
وترى نظام ماي فورد توتش له UP DATE يعني اذا سوست الاب ديت راح تروح مشكلة البطئ
وللمعومية السيارة صار لها معي تقريبا شهرين ومشيت فيها الى الحين 5000 كيلو وهاذا الي لاحظتة فيها الى الحين ...
وانشاءالله اني قدرت افيدك .... وشكرا :ch19:
