والله وانا اخوك انا مجرب الباتفندر ثلاثة صفوف وراسوه في الخط واسعه ماعدا الصف الثالث ضيق اشوي ولكن بأسم الله ما شاء الله سياره يعتمد عليها بعد الله سبحانه وتعالى
لكن في هونداي السانتا فيه سياره دفع رباعي بس الكراسي صفين وسياره جداً حلوه
وعندك المازده X9 سياره دفع رباعي وصفين كراسي وسياره من اجمل السيارات
يعطيك العافية اخوي ميدو
الباثفايندر سيارة جيدة واعتمادية و سعرها مناسب عشان كذا حطيتها من ضمن الخيارات
وبالنسبة للمازدا سبق و اشرت اخوي عليه قال التصميم ما عليه كلام و لكن هل تنفع للبر ؟
فورد اكسبلورر سيارة ولا اروع
لكن مشكلتها بيتغير شكلها مع الموديل الجديد
وشخصيا لو مكانك اخذ الشيروكي سيارة قمه في القوة والتحمل وسعرها ممتاز مقارنه بسيارات من نفس فئتها
رح الوكالة وافتح كبوت السيارة بس وشف كيف القوة والجودة في الصناعه بصراحه طرب
وبالنسبة لوكيلها فترى وضعه تحسن كثير
وفورنتشر ابعد عن 4 سلندر لا تشتريه لو بريال
وانتبه تغلط غلطة عمرك وتشتري جيب صناعه كوريه
الفورد مادري كيف اداءه و عزمه في البر ؟
لان اخوي راعي طلعات كثيرة و يبي سيارة تجمع اثنين .. سيارة قوية للطلعات البرية
وفي نفس الوقت للطلعات العائلية داخل المدن
بالنسبة للفورد يمكن ميزته الراحة زي ماهو معروف عن الامريكي
الشيروكي ما يحتاااااج جودة و مواصفات قوية .. لكن الخوف من الوكيل و من ناحية توفر قطع الغيار و خدمات ما بعد البيع
بخصوص الفورتشنر صحيح كلامك و هذا بالضبط اللي قلته لاخوي ..يبعد عن الـ 4 سلندر
الصناعة الكورية وش فيها ؟
انت قصدك كيا و هيونداي
كيا اعتقد عندهم السورنتو و الموهافي اللي دفع رباعي و 6 سلندر
وبالنسبة لهونداي سانتا في و فيراكروز .. و فيه التوسان دفع رباعي لكن 4 سلندر
انا لو مكان اخوك شريت فورتشنر < بشرط يكون V6
ماشاء الله سياره قويه ووسيعه وتتحمل وبالبر مافيه انشط منها وقطع غيارها متوفر بالبقاله < قويه :bigggrin:
الفورتشنر ما يحتاج سيارة قوية و تستحمل و حقت بر
لكن و انا اخوك المشكلة عبداللطيف جميل مغليها حيل
ادخل موقع المتحدة للبيع بالتقسيط و شوف الاسعار بنفسك
www.uis.com.sa
الـ 6 سلندر يوجد منه 4 فئات
اقل فئة اللي هي VX1 عايدي سعره 107500 كاش .. 2740 القسط الشهري و الدفعه الاخيرة 32 الف و المجموع 163700 !!! :a1120(82):
انصحك بهيونداي سنتافيه..
(مواصفات واسعار المجدوعي)
1- قير اتوماتيك دفع رباعي حجم المكينة 3.5 حمولة 5 مقاعد جناح خلفي مثبت سرعة جنوط 18 المنيوم تحكم بالراديو والسي دي من المقود كشافات ضباب ريموت كترول زجاج ومرايا كهرباء حساسات خلفية السعر (85 الف)
2- قير اتوماتيك دفع رباعي حجم المكينة 3.5 حمولة 7 مقاعد جناح خلفي مثبت سرعة جنوط 18 المنيوم تحكم بالراديو والسي دي من المقود كشافات ضباب ريموت كترول زجاج ومرايا كهرباء حساسات خلفية السعر (88 الف)(نفس مواصفات رقم 1 بزيادة مقعد ثالث بالخلف مع فتحتين مكيف خلفية)
3- قير اتوماتيك دفع رباعي حجم المكينة 3.5 حمولة 7 مقاعد جناح خلفي مثبت سرعة جنوط 18 المنيوم تحكم بالراديو والسي دي من المقود كشافات ضباب ريموت كترول زجاج ومرايا كهرباء حساسات خلفية تشغيل بالبصمة مقاعد جلد فتحة سقف نظام esb للفرامل انوار زينون مكيف الكتروني مقعد كهرباء للسائق السعر (99الف)
4- قير اتوماتيك دفع رباعي حجم المكينة 3.5 حمولة 7 مقاعد جناح خلفي مثبت سرعة جنوط 18 المنيوم تحكم بالراديو والسي دي من المقود كشافات ضباب ريموت كترول زجاج ومرايا كهرباء حساسات خلفية تشغيل بالبصمة مقاعد جلد فتحة سقف نظام esb للفرامل انوار زينون مكيف الكتروني مقعد كهرباء للسائق مع حساس المطر وشاشة ملاحة مع كاميرا خلفية مع ايرباقات جانبية السعر (112الف)
السانتافي خيار جيد
لكن خوفي السنة الجاية يتغير شكل جديد
و كيف اداءه في البر ؟
من ناحية داخلية السيارة عجبتني و خصوصا مع شاشة الملاحة
لكن المصيبة السعر .. اذا وصلت 112 الف ماعندي خيارات اخرى ؟
