السلام عليكم ورحمة الله وبركاتة
اخواني الكل منا يعاني من حرارة الماء ايام الصيف وخاصه في وقت النهار لايستطيع الاغلبيه الاستحمام واخذ دش والماء حار وغير منعش وخاصه الاطفال انواع الصياح والبكاء .
اليوم انا جبت لكم فكره لتبريد ماء الخزان والفكره بسيطه جداً وفعاله بدرجة كبيره الى حد مايتصورة البعض منكم وايضاً بتكلفه رمزيه وغير مذكوره مقارنه بمن يدعون بيع اجهزه تبريد ماء الخزان ابتداء من 900 ريال الى 5000 الاف ريال .
فكرتي بسيطه جدا وغير مكلفه اكثر ماتكلف 300 ريال اذا كانت المواد المستعمله ذات جوده عاليه ووفروا بقية المبالغ في جيبوكم وانا والله مالي قصد من ورى هذا غير طلب دعائكم لي بكل خير وايضاً الدعاء لوالدي رحمة الله عليه بالرحمه والمغفره .
اخواني ابداء معكم في فكرتي وانا من هنا احلف بالله العضيم انها اجدت معي واني ايضا مشغل السخان ايام الصيف لان في اليل لااستطيع الاستحمام من برودة الماء وايضاً الاطفال يجب خلط الماء لهم لشدة برودته وهو في عز الصيف .
اخواني معداتي جدا بسيطه ومن اراد منكم ان يجتهد اكثر فلا مانع من ذلك
سوف ابداء الشرح لكم قبل الصور ومن ثم ادرج لكم الصور بعون الله بالتفصيل
اولاً : يجب قياس حجم فتحة الخزان بالطول والعرض .
ثانياً : بعد القياس شراء مروحه ولتكون ذات نوعيه جيده وهذا افضل كل ماكانت المروحه جيدة الصنع وقوية الدفع كان افضل والمروحه هي مروحة المطابخ المعروفه انا شريت نوعية كي دي كي وهي نوعيه قوية جدا واخذت حديد مقاس 30 في 30 عليها قوة دفع للهواء ممتازة جداً وايضا عليها ضمان لمدة سنتين من الشركه شغل متواصل وهي تجي حديد لونها ابيض وسعرها تقريباً 230 ريال وهي اكثر ماكلنفي والي يبي نوعيات اخرى فيه البلاستك نفس الشركة ونفس المقاس سعرها 80 ريال ولاكن قوة دفع الهواء اقل وانت هنا تحتاج دفع هواء اكبر لتبريد ماء الخزان وكل ماكانت المروحه قوية كان ذلك افضل واسرع لتبريد الماء ويوجد ايضا نوعية اخرى من توع تات وايضا سينار وكلها اسعارها بحدود 115 ريال ولاكن انصح بالاولى وبشدة لان تجربتي كانت عليها .
ثالثاً : الذهاب الى النجار بعد اخذ القياس ويفضل اخذ غطاء الخزان على شان تتم التجربه والبروفه عليه والي يرغب يفصل فرميكه حقت مطبخ ماهناك مانع بس كل ذلك سوف يكلف زياده والخشب المغلف او الملبس يقوم بنفس النتيجه وخله بعد سنتين غيرها ماعندك مانع ولا فيه تكلفه غير 50 ريال .
رابعاً : عند النجار قم بطلب خشب ملبس يكون اكبر من فتحة الخزان عندك بعشره سانتي طول وعرض وبعدها قم بتطبيق غطاء الخزان الي معك عليه على شان تحدد مكان فتحة المروحه وتكون في جهه من فتحة الخزان وبعد قص فتحة المروحه تبدى بفتح فتحه اخرى عشرين في عشره او حسب المقاس بس لاتكثر اكثر من هذا الحجم وهي فتحة خروج الهواء اذا يصبح عندنا في الغطاء الخشبي فتحة للمروحه تركب فيها وفتحه لخروج الهواء وكلها تكون قياساتها داخل غطاء الخزان بالضبط بحيث تضع الوح وتكون فتحة المروحه وفتحة خروج الهواء واحده في جهة والاخرى في الجهة المقابله وتكون كلها داخل حدود فتحة الخزان لاتخرج على الاطراف ان شاء الله وضحت الفكرة .
خامساً : بعد القص وتضبيط المقاسات قم بتركيب المروحه وتكون بشكل مقلوب تاخذ هواء من الخارج وتدفع به داخل الخزان يعني هواها للداخل تسحب من الخارج وتدفع للداخل لاتعكسها تخليها تشفط من الخزان تأكد ان الهواء يدخل الى الخزان بعد تركيب المروحه اعمل لها محيط خارجي يكون فاتح من فوق وهذا من اجل تركيب فلتر عليه يحفظ المروحه ويحفظ وينقي الهواء الداخل الى الخزان من الخارج والفلتر الكل عارفه الي هو فلتر مكيف كهربائي تركبه فوق المروحه على طول .
سادساً : بعد ذلك اذهب الى المنزل وركب الغطاء الخشبي فوق الخزان طبعاً لاتنسى تثبيت المروحه بمسامير وتكون مشدوده من جميع اطراف المروحه وايضاً خرم الوح الخشبي من عند فتحات صواميل الغطاء لتشده ايضا محل غطاء الخزان حتى لايتحرك ويكون شغلك مضبوط .
واليكم الصور .
........................................
طبعاً هنا منظر الخشبه الي هي غطاء الخزان وايضا موقع المروحه الي هي داخل المربع وايضاً فتحت خروج الهواء يعني المروحه تدخل الهواء داخل الخزان يسطدم بالماء وببخار الماء داخل الخزان ويبرد الماء ويخرج مع الفتحة على طول ياخذ اكثر من دورة داخل الخزان وهذا يساعد على تبريد ماء الخزان ولا تنسو الهواء حار بس اول مايدخل داخل الخزان يبرد لانه يصتدم بالماء بالداخل وبهذه الطريقه يبرد ماء الخزان مثل نفخ الفنجال لتبريده امل انها وصلت الفكره .
صورة مقربه لفتحة خروج الهواء ولما تحط يدك عندها تلاحظ الهواء الخارج بارد وانت في عز الحر يعني مثل المكيف الصحراوي
لاحضو المروحه والفتحه مقابل بعض ولحضو قياس فتحة خروج الهواء لاتجعلها اكبر من كذا ولا حضو مسامير تثبيت الغطاء الخشبي نفس فتحات مسامير غطاء الخزان
هنا نطل على المروحه داخل المربع ولا حضو وجود الفلتر فوقها يحميها من الغبار والاجسام الخفيفه الطائره بالهواء وايضا يجب التعقيب عليها كل اسبوعين اذا كان تقفل يغسل وينضف ويرجع مره اخرى والي يبي حمايه اكثر يدبلها فلترين فوق بعض وتطلع من احسن شي .
صوره للفلتر اكيد كلكم عرفتوه .
هذي صورة المروحه من الداخل وواضح شكلها وشركة صنعها وانا افضلها لانها تبرد الماء بسرعه والسبب قوة دفعها للهواء وكل ماضعفت المروحه كانت النتائج اقل وكل ماقوت صارت النتائج اكثر فعاليه وانتو لكم الخيار .
صورها لها وهي شغاله لاحضو فتحتها كامله داخل الخزان انتبه تخلي منها شي على الاطراف لازم تتأكد من المقاس انها تكون داخل الخزان وليست في الوسط في الجنب يعني تكون حافتها على حافة الخزان على شان تترك مجال لفتحة خروج الهواء .
لاحض موقعها من الداخل اخرها على حافة الخزان .
هنا صوره من بعيد على شان تبان المقاسات لكم .
طبعا يمين المروحه ويسارها على طول فتحة خروج الهواء
هنا ابين لكم قوة اصتدام الهواء بالماء لاحضو كيف يرجف الماء من قوة البرد ههههههههه
اقصد من قوة الهواء الي داخل عليه وهذا سبب تبريده .
وهنا لاحضو قوة خروج الهواء بعد ما اخذ كم لفه داخل الخزان وشوفو كيف رافع يد الثوب وينفضها على فوق .
وفي الختام هناك عدة ملاحظات يجب مراعتها الا وهي حاولو بقدر المستطاع ان الخزان يبقى فيه ثلاثه ارباع يعني ينزل ربع ويبدى يعبي الدينمو على طووول واذا كان ولا بد لاينزل الماء عن نص الخزان وهذا من اجل الفائده وسرعة تبريد الماء لانه لو نزل الماء يبي يطلع ماء حار ويجب تبريده وهذا ياخذ وقت ولاكن اذا كان الماء لايقل عن الربع او النص فالماء رايح يكون بارد والماء الي يجيه لاتغلب حرارته على برودة الماء ورايح يبرد بسرعه لان الماء الي قبله بارد ويندمج معه ولاكن اذا قل الماء فلن تكون النتائج بمثل المطلوب وايضا لاتنسو حجم الخزان يمكن يحتاج مروحه اكبر اذا كان اكثر من خمسه طن لان خزاني هذا خمسه طن ومثبت العوامه تشتغل اذا نزل ربع الخزان تشتغل على طووول بحيث يكون الماء بارد على طووول والماء الحار يكون قليل لان الي قبله يكون بارد واكثر منه فلا يأثر عليه يعني خلو اذا نزل ربع يعبي الدينمو السفلي على طووول وهذي نصيحتي .
ايضاً لاتنسون كل ماقوة المروحه كانت النتيجة فتاكه وانا حلفت بالله العضيم اني مشغل السخان الان وفي اخر اليل لا استطيع الاستحمام غير بماء حار من شدة برودة الماء
وايضا اطفالي لازم خلط الماء لهم .
وفرو عليكم واتركو من يستغلون البشر ويطالبون بمبالغ باهضه والسالفه كلها لاتكلف سواء مروحه حسب الي تبي انت عندك من 70 الى 230 وايضا قطعة خشب مع الخشب الي يركب على المروحه على شان الفلتر ماتكلف 50 ريال وشوفو وش الي يناسبكم اذا بغيتو فرميكه رايح يزيد المبلغ عليكم بس الخشب الملبس انا مجربه وتمام ماعنده مشكله ابد
وايضا ان حصلت لي فكره جديده وهو الهواء الخارج من فتحة الخروج حاول تمد عليها خشب واعكس هواءها الى اتجاه سحب المروحه وبكذا تصير المروحه تاخذ هواء بارد الي هو طالع من الخزان مع هواء من الخارج ويصير التبريد اكثر واكثر .
واي استفسار انا حاضر .
خالص تقديري لكم وانعمو بماء بارد في عز الصيف لاتنسو ان الماء الي يكون بالمواصير حار يجب انك تفتح الماء قليل الين ينزل الماء البارد من الخزان وانتعشو .
