اللي معه كابرس موديل 2007 وفوق وفاكه وكاله على يده ياليت يشررفنآأآ

^^

للمعلومية كومبريسور المكيف بموديلات 2011 غيروه وصار افضل

بالنسبة للـ ls والـ ltz ما اقدر افيدك في 2011
في موديل 2010 اعتقد كانت تفرق في انظمة الامان والايرباقات
لكن بـ 2011 اعتقد صاروا سوا لكن ماني متأكد

تأكد قبل تشتري السيارة لان موقع شفرولية الشرق الاوسط ما حدثوه لموديلات 2011 والموظفين ما يدرون

بالتوفيق

الله يجزاك خير ريحتنيي








ممتاااز ممتاز الحراره والمكيف خلاص قضينا منها الححمدلله









ماشاء الله ممشى طيب وكافي لتقييم السسياره

وخلاص اقنعوني الشباااب وانت اكدت جزاك الله خير




بس ياااااااإخوااآأن

بقى براسي سؤالين

الاول تكفون وش الفرررق الLS وال LTZ في المواصفات ؟ غير الجنط والحساسات

يعني بالانظمه بالارباقات بالنفقيشن .. الخ

السؤال الثاني هو مثلا لو طلعت السياره من العيسى او بالبيد اقدر اسوي لها صيانه بأي سي ديلكو ويختمون على دفتر الضمان ؟

وبس جزاكم الله الف خيييير

انا عندي 2007 فاكه على يدي جدييد

دحين ماشي 110 الف ماشاء الله الحراره عل الشرطة اللي قبل النص ما ارتفعت نهائيا وبعض احيان تكون عل الربع

السياره تحسنت كثييير مقارنة بالاجيال اللي قبلها

اكبر عيوبها العزل لك عليه والقساوه نوعا ما

بالنسبة للحراة انا كان معاي كابريس 2001 << لاحظ كل اللي معاهم كابريسات قديمة غيروا للجديد هههههه كيف نعيش بلا كابريس

المهم الحرارة بالـ 2001 صارت ترتفع عندي للنص حق ابو نص دقيقة وترجع طبيعي وعلى هالحال كل 10 دقايق تصير مرة واذا مسكت خط ما تصير الحركة هذي
اخر شي رحت عند واحد فاهم قلي انت صدمت بالسيارة قلت ايوه من قدام يمين قال عندك الضفيرة مصغره وصار سلك المراوح قريب من حرارة المكينة وانقطع وصارت دورة المراوح الثانية ما تشتغل وترتفع الحرارة ولما تشتغل الدورة الاولى ترجع الحرارة


علما بان المراوح وكالة والراديتر وكالة والله ولا غيرتوه لين انباعت السيارة ولا حصلي اي مشكلة معاه

2011 من باب اولى افضل

والله اعلم

هذي تجربتي

مشكلة الحرارة ؟؟؟!

انا امتلك كابريس من 2002 يعني عشر سنوات تقريباً ماعمرها صادفتني مشكلة الحرارة لا بالكابريس ولا اللومينا طبيعيه جداً واقفة قبل النص يعني على الربع ماتتعداها ابد , يعني مستغرب والله من تساؤلك اعرف الحرارة كانت تجي بسيارات الاجي ام بشكل عام في موديلات التسعينات بس من 2002 ما اعرف يوم انه ارتفعت فيه الحرارة لا عندي ولاعند واحد من اخواني معاه كابريس ويوكن اتوقع هالمشكلة من الاساس ماعادت موجودة بالذات بالكابريس واللومينا من يوم اصبحت تأتي من استراليا لم تعد مشكلة الحرارة موجودة اصلاً

اما عن موديل 2011 بصراحة ما اقدر افيدك توه معاي اسبوع بس واللي معاي LS بس القير عجيب والمكينة قوية جداً يعني احس بالفرق بينها وبين الموديلات السابقة حتى الـ SS 2010 يعني استجابة القير رائعة جداً ووحش بجد اما عن المكيف بالنسبة لي ممتاز جداً وانا عندي LS فيها مكيف متطور عن الموديلات السابقة فيه تحكم بالمناخ لجهتين يعني جهة السائق تقدر تحط لهادرجة حرارة معينة والراكب درجة حرارة اخرى وبما انك بتشتري LTZ فاتوقع بيكون فيها تحكم ثلاثي المناطق وتبريد المكيف ممتاز جداً

هذا اللي اقدر افيدك فيه والله يوفقك

الله يجزااك خييررر كلام معقووول والله يعطيك خير موترك ويكفيك شرره وشر غيره

بس ياخوي انا حدي LTZ ماقدر ازود لانه الحين عليها عروض كويسه

ولا الرويال عز الله انه مركب بس وش اسوي العين بصيره واليد قصييره



جزاك الله خير وحياك الله


ماشاء الله وين جنرال موتورز عنك انت لازم يكرمونك :bigggrin:

حلو كلامك سليم وبديت اقتنع

بس بحكم خبرتك بالكوااابرس هل موديل 2011 تخلص من مشكلة الحراره ؟

وكيف المكيف بعز الظهر ؟ وهل الكمبرسر راعي خرابات ولا مضبوط

وياخوي تنصحني لاشريت الموتر ابدل مراوحه بمراوح سوبارو ولا مراوح الكابرس الجديد ممتازه ؟

وسؤال المهم اشوف الكابرس الشكل الجديد حاطين له فصله على 241 الظاهر والقير مبرمج الضغط مايتعدا 6 ! يعني ظنك انهم خلالاص عرفو مشكلة القير وحلوها ان شاء الله ؟


وبس جزاك الله خيير





هلا اخوووي والله معي علم انه احتمال يتغيررر

بس الشكل هذا عاجبني والله

جزاك الله خييرر وحياك الله




كلامك سليم وانا معك

بس انت مجرب الكاابرس ؟ اذا مجرب ياليت تطرح تجربتك

حياك الله اخي الكرريمم وجزاك الله خيرر






اكيد بحافظ عليه ان شاء الله وياخوي بالنسبه لسؤالك بجاوبك بس بقولك من الحين خبرتي قليله بالكااابرس

مانصحك تاخذها مستعمل الا من واحد تعرفه



جزاك الله خير وحياك الله








حلو يعني جربتها كل هالمده ماضايقك الا الدواسات والرساوه والمراتب مع اني ركبت والصراحه مريحه وعيون القطط تختلف من شخص لثاني

سؤال وش نوع موترك ؟

جزاك الله خير اخي الكريييم وحياك الله








فعلا الرحابه الداخليه بالكااابرس اقل مايقال عنها غرفه :bigggrin:

جزاك الله خيرر وحياك الله اخي الكريم






وياإخوان الاسأله اللي براسي حاليا والاهم تقريبا


مشكله الحراره لازالت موجوده بالكابرس ولا صلحوها ب 2011

واذا كانت للحين موجوده هل فيه طريقه للتخلص منها ؟ تركيب مراوح مثلا ولا تفصيل غطاء رديتر معين

والشيء الثاني كييف المكيف ؟ مضبووط ولا حساس ؟ انا ركبت لومينا سته سلندر اجار والصراحه ماشاء الله المكيف ثلاجه بس طبعا يختلف اللي انا ابيه 8 سلندر وكااابرسسسس



وبس جزاكم الله خييررر جميعاا والله يكتب لي ولكم الخيرة المبارررركه

اخوي boss

صح لسانك وماعليه غبار

الموديل الجديد من 2007 وطالع

وحش بمعنى الكلمة

اضافة الى رحابة داخلية اتحدة ان تجدها في غير المركبات الالمانية ذات الحجم الكبير فقط

فخامة رائعة >> خصوصا اذا ارخيت جيبك و اخذت الف الكامل

كيف نعيش بلا كــابــريـــس

boss~1 اتفق معك على كل اللي تقوله

boss~1 صح لسااانك كلاام سليم 100%

اضيف على كلامك واقول الكابريس ( صناعه امريكيه بتقنيه وفخامه الماانيه )

عموما .. بس حبيت اركز على نقطه
سيارة تكون بطابع رياضي وسيارة تكون بطابع مريح
قبل تشتري لازم يكون عنك اتجاهـ معين

اخوي من ناحية عيون القطط يمكن من الكفرات كنت مركب هانكون كانت قاسية ومزعجة
بدلتها بسوموتومو لينة وهادية
اما الدعاسات فتقدر تتحكم بالكرسي تنزل على مقاسك
بس يضل الكابرس بطل بطل بطل
وبعدين ايش الاصوات اللي تكلف 11 الف حاجة غريبة

لاتاخذها !

اولاَ الشكل قديم من 2007 وقريب بيتغير

حرام تدفع فيها مبلغ 140 الف والله سياره ماتستاهل

قيادتها قاسيه جداً ومراتبها الجلد مب مريحة ابببببد
ثبات السيارة مش ولابد على قيمتها

العن شي اعاني منه الان بالكابريس الاصوات الداخلية كل شي يقرقع ودخلتها الوكالة وكلفتني 11 الف ريال وطلعتها وبعد شهرين رجعت نفس الاصوات !!

اصوات عيون القطط بتفقع راسك وتتحسف انك دفعت 140 الف

مع الوقت بتحس ان رجولك توجعك خصوصا اذا كانت مشاويرك بعيدة شوي
والسبب ارتفاع دواسات البانزين والفرامل عن الارضية يعني

ماتقدر تحط رجلك على ارضية السيارة وتدوس لازم اما انك ترفعها او انك تحط رجلك بشكل مائل :mad1:

شي ثاني غبي جداً بالسيارة دواسة البانزين رايحة يمين بزيادة يعني رجلك ماتكون مستقيمة

امام رجلك اليمين مباشرة الفرامل اما البانزين رايح يمين اكثر من اللازم والمفروض انه يكون امام الرجل اليمين لان اكثر استخدامك للبانزين هذا غير ارتفاعه الغير منطقي

شف لك سيارة غيرها نصيحة لوجه الله انا معي 2008 وبعد استخدام اربع سنوات اقول للاسف سيارة اي كلام ...

ياخوي خذه ولا تتردد هذا كاااابرس بس اهم شي تكون محااافظ وبيجلس معك العمر كله كنه جديد

بس استفسااار بسيط من اللي عنده خبره

انا جربت 4 سياااارت كابريس وكلها ls و ltz والحين ادوريلي كابريس اس اس 2007

تنصحووني في 2007 اس اس ولا ولا

انا صراحه عندي معرفه كثيره في الكاابرس بس الجيل الجديد ماعندي معرفه فيه مررره

نويت اخذ 2007 اس اس بس كثير قاالو مايعيش معك انوااع العيووب ومايحتمل

انا مو حق دعس وتفحيط ومدري ايش محاافظ كثيير وهااادي

وقت السفر بس اسرع

وش رايكم ياشباب في اس اس 2007 ياليت اللي عنده معرفه ولا تجربه يفيدني

اقول خذه ولا تمالي
فخامة ووسع وقووووه غير الشكل المتناسق يعني الكابريس اكثر سيارة في فئتها متناسقة

لو انا منك اصبر 2012

*_^ ..


والموتر معليه كلام اذا وكاله .. < لاحظ !

معاي كابريس SS 2010
معاي كابريس LS2011

ومن قبلها كان معاي كابريس 2002 SS , لومينا LTZ2006 , وكابريس SS 2006

السيارات روعة بصراحة واللي يجربها ويستخدمها يعشقها عارف وش معنى يعشقها كل السيارات حلوة جربت نيسان وجربت تشارجر وجربت كامري وجربت لاندكروزر كلهم حلوين كلهم مميزين بالذات التشارجر
بس الكابريس وربي غير مركبها صوتها غير شعورك وانت ماشي فيها غير تصير مهووس فيها عاشق لها
بحكم تجربتي بالكابريس من 2002 صراحة موديل 2011 احسه وحش بشكل ماتتصور بصراحة آله خطيرة يجب أن لاتكون بأيدي الصغار وحش بجد رغم ان اللي معاي LS وبالنسبة لتجربتي للـ SS 2010 روعه طرب احيان والله اطلع من البيت بس ابي افر فيه على طول امسك خط شيء بصراحة خرافي يمكن اسواء موديل 2002 كانت مشاكله كهربائية فقط ومزعجه بس الموديل اللي أسرني كثير الـ SS 2006 بصراحة سيارة تتحمل لابعد حد ومميزة وصبورة ووحش بالخط ولايوجد عليه اي ملاحظات شوفه بقى معاي 4 سنوات ومشيت فيه 170 الف كيل يشهد الله علي اني ماغيرت فيه غير الفحمات والسير والكفرات وبقية الأمور مجرد تغيير زيت وسيفون كل 5 الاف كيلو وصفاية بنزين كل 25 الف كيلو , بس للامانه كنت محافظ جداً على صيانتها براكز الصيانة كل 5 الاف اغير زيت وسيفون واشيك على كل شيء وكل سنه اعمل لها فحص كمبيوتر عند مراكز اي سي ديلكو

اما موديل 2010 مشت معاي للحين 60 الف ماشاء الله تبارك الله بس زيت وسيفون وغيرت صفاية البنزين مره وحده

وموديل 2011 توه معاي له اسبوع لسى قاعد ادلعه:tongue: توه ماشي 1300 كيلو

بالنسبة لقطع الغيار تعتبر متوسطة السعر ورخيصة مقارنة مع مثيلاتها مثل السي 300 والشارجر ار تي والماكسيما
واتمنى لك التوفيق والله يوفقك بالسيارة اللي تسر خاطرك