اعزائي بمنتدى السيارات
السلام عليكم ورحمه الله :xyxwave:
انا متابع لهذا المنتدى كزائر وأستفدت منه كثير ،، واليوم قررت أشاركم بموضوعي هذا كعضو منكم وفيكم وأتقرب منكم كثير وعلى قول المثل جاور السعيد تسعد :bigggrin:
ما أطول عليكم و أبدى موضوعي
في يوم الاربعاء الموافق 1432/7/20هـ بتمام الساعه الثامنة مساءاً أستلمت سيارتي الازيرا موديل 2012 أربعه سلندر من وكالة هونداي بجدة الي بطريق المدينة
الله يعطيني خيرها ويكفيني شرها
فطبعاً أستلمت السياره سريع سريع بدون ما أتفحصها ولا طالعت فيها مستعجل أبي أكشخ :bigggrin:
ركبت السياره ودقيت سلف وبديت أمرن فيها
ومع التمرين طلعت لي ها العيوب :
1 - السياره تحذف جهة اليسار بشكل قوي
2 - اذا كنت مسرع وضغطت فرامل السياره ترج رجاً مبرحاً حتى دعسة الفرامل تهز برجلي أكرمكم الله
3- مقاعد الكهرباء جهة الراكب ما تشتغل (( ما تقدم على قدام ولا على ورى ))
4 - اذا طفيت السياره وخرجت منها اشم ريحه بالمكينة ريحة غريبه مثل الحرق ماني عارف كيف أوصفها لكم
هذا يا اخواني الي طلع لي بالسياره وكنت متضايق كثير أن السياره وكالة وتظهر لي ها العيوب
قلت بخاطري يله هذا موديل جديد وشكل جديد ممكن هذي عيوب مصنعيه
على العموم رحت للصيانه وشوفي موقفي هناك قسم بالله تحطيييييييييييييييييييييييييييييم
بعد أنتظار ساعه ونص بالارقام وصلت للكاشير وبديت أقول له عيوب السياره
وقال لي
الحذفيه الي بالسياره احنا نسويها لك لكن مو على الضمان على حسابك انا مثل كذا متعجب :confused1:
قلت له وش وش وش ياخي السياره مالها 3 ايام معاي وتحت التمرين كيف مو على الضمان قال حتى لو مطلعها لك ساعه بس وهذا الي عندنا
بالله مو قهر
و قال نسويها لك 100 ريال وزن أذرعه بس
أنا طيوب أبي افتك منه قلت وهذا الميه اهم شئ خلصوني
قلت وطيب المقاعد الكهرباء كمان لا تقول على حسابي >> قال لي لا هذي احنا نشوفها لك بالصيانة
قلت حلو
وطيب الرجه اذا ضغطت فرامل قال لي هذي IBS وكذا نظام السياره عشان ما تطحس لا تاخذ همها نظام السياره كذا
مشيتها له
وقلت الريحه الي بالمكينه قال لي هذي عشان توها جديده وراح تروح
وقلت متى تخلص السياره قال لي بعد يومين تجي تاخذها قهرني :a120(115):
وبصراحه السياره فخمه ومواصفاتها جدا رائعه وأعجبني فيها أشياء كثيره
هذا الي حبيت أقوله ولكن ها العيوب ما تقلل من هيبة السياره
بس خوفي خوووووفي يا شباب ان السياره تكون بس شكل برستيج ما تكون حق خدمة
عندي احساس ان السياره ما راح تطول وتخدم معاي ما ادري ليه ..!!
شاركوني برأيكم ورأي الي استخدموا السياره وانا بأنتظاركم ومشكوريييييييييين يا أحلى منتدى :xyxthumbs:
