احدث صور تجسسيه للـ FT86

اشوف ملامح سياره خاصخ اف تي 86 قامت توضح خلاص يعني خاصه شكلها من بررع يعني وتصويرها واضح ومثل ماقلت قبل جناحها نفس سوبارو اس تي اي بضبط بقت داخليه تقريبا بس حدها 260:smilie16:وايد زيين صراحه
يلا بنتظار نزول شكل ومعلوماتها كامله مشكور خوي عل معلومات

بالنسبه للتويوتا كل شيء تمام بس باقي معلومات عن قوة المحرك والوزن (الله يستر لاتطلع دبابه)
وكان بإمكانهم يسونها دفع رباعي بس تخيل كم بيطلع وزنها؟
يعني اللحين على 1200 كج وبقوة 200 حصان ناس كثير تقول انها راح تكون تسارعها مش قوي (في حدود 6 ثواني)
تخيل لو ضافوا دفع رباعي (دفرنش امامي + اكسلات + جير اكبر شوي) بيكون هذا وحده زياده 100كج في الوزن .... وتخيل لو ضافوا تيربو ( اب بايب + داون بايب + راس التيربو + انتركولر والاكسسوارات الاخرى) هذي ايضا حول 100 كج اخرى!

ومع هالاضافات اتوقع ماراح تكون سياره رياضه رخيصه؟ (وهو الهدف الاساسي من انتاج هالسياره)

نقدر نقول كل الامور تمام وماشيه في السليم < الحمدلله الحماس مراح على لا شيء

ونستنى نزلوها والاعلان عنها رسميا وعن الاسعار لو حتى بالدولار لكل فئه

لكن في نقطتين صراحه ليا عليها تعليق :

أولا : تمنيت لو كانت السياره دفع رباعي يصير رياضيه مو بس للدراق يصير الديرفت والاوتوكروس من المجالات اللي حتثبت نفسها السياره فيه

ثانيا : لو زاد وزن السياره عن 1200 كيلو حتفشل فشل ذريع لان الاحصنه 200 قليله لكن بالنسبه للوزن يختلف الوضع فلو 1200 واقل حتقدر تحقق تسارع عند طموحاتنا لكن زي ماقلت لو اكثر من 1200 حتنكسر مجاديف السياره وتغرق في السوق التنافسيه

ويعطيك العافيه اخوي انتنشال دي ولا تحرمنا من جديدك

تحياتي للجميع

هذي بعض الصور اللي تم تصويرها من يوميين تقريبا



















:bigggrin: عداد السرعه مكتوب الى 260 كم





^_^ عدد دورات المحرك تصل إلى 7400 دوره


شي والله

صحيح كلامك .... السياره مش من فئة هذي السيارات الكبيره (اعتقد انه الـ 370z حاليا بـ 190 الف ريال ... والكمارو تبدا من 140 الف والشالنجر تقريبا 180 الف ريال)
تويوتا ترى انه فيه مجال لطرح سياره رياضيه بسعر رخيص للشباب اللي مايقدر يشتري سياره بـ150+ ريال
بالنسبه للمكينه .... اتوقع انها بتكون كافيه لانه مثل ماشرحت ....
وزن الـ FT86 بيكون في حدود الـ 1200 كج بينما السيارات اللي ذكرتها فوق اخف سياره فيهم هي الـ 370z ووزنها تقريبا 1500 كج
لذلك اشوف 200 حصان كافيه لهذي السياره الصغيره :)



بس الزيلاس دفع امامي ....
انا كنت اقارنها مع سيارات بسعر مقارب + انهم دفع خلفي ... حاليا مافي سيارات بالسعر هذا إلا المازدا MX5 و الجينسس كوبيه



مرحبا اخوي ... تسارعها بيكون في حدود الـ 6 ثواني وهذا اشوفه مناسب لسياره رياضيه رخيصه بمحرك 4 سلندر تنفس طبيعي ....
احلى مافي السياره وزنها الخفيف (هذا اهم شيء بالنسبه لي .... لاني جربت قيادة سيارات خفيفة الوزن مثل سيارتي الـ AE86 سابقا وايضا حاليا الـ MX5 وهي بوزن 940 كج)
وحركه حلوه من سوبارو انها توفر سياره دفع خلفي .... ولا تعتقد انها صارت دفع خلفي معناته انه ثباتها بيكون سيء ... على العكس!
السياره راح تجي بمساعدات رياضيه والاهم من هذا كله انها راح تتوفع مع LSD

:bigggrin: وبالنسبه لموضوع الكامري والالتيما والاكورد ....
صحيح انها سيارات عمليه ..... بس ياخي حدددددد الملل هالسيارات؟؟
يعني تخيل هالسيارات مصممه على انها سيارات عائليه! والشباب هنا يفكرونها سيارات رياضيه!



يامرحبا اخوي (راعي الباثبوث :bigggrin:)
مثل ماقلت في بداية موضوعي .... السياره بتنزل بعدة فئات (كلهم 200 حصان) والاسعار راح تتراوح في الخليج مابين 80 الف للسياحي ألى 120 الف لكامل المواصفات ...
الجيد في الموضوع انهم كلهم 200 حصان



اتمنى انها تنجح اكثر من السيراتو كوبيه ...
والسيراتو كوبيه نجحت بقوه حتى عندنا في قطر .... تنزل تتمشى في الدوحه تشوف لك اكثر من 5 سيارات في اليوم الواحد!
تخيل في مكان عملي فيه 3 سيارات سيراتو كوبيه



صحيح .... سوبارو مع الاسف من 2008 جميع تصاميمهم في انحدار شديد :blue:
وحركه دائما سوبارو تسويها وهي انها تعرض النسخ النهائيه قبل الانتاج الفعلي بـ 3 او 4 اشهر .....
بالنسبه للنسخ اللي راح تتوفر ...

وكيل سوبارو عندنا في قطر اصبح مجبر من سنة 2008 بتوفير جميع موديلات سوبارو .... تخيل قبل 2008 الـ STi والـ WRX والليجاسي GT لاتتوفر عندنا!
من بعد 2008 شركة فوجي اليابان اجبرتهم على توفير جميع سيارات سوبارو في قطر :xyxthumbs: وانا رحت زياره لهم من شهر تقريبا وجلست مع موظف المبيعات (وتفاجأت انه يعرف كثير عن نسخة سوبارو من الـ FT86) وقالي انه السياره مافي اي معلومات عنها حاليا حتى انهم في الوكاله ماعندهم اي صور او اي معلومات وانه سوبارو متكتمه كثير على موضوع هالسياره! بس اكد لي انه هالسياره راح تتوفر في قطر على شهر 9 او 10 من سنة 2012 لانه اولا راح تصنع لليابان ثم لاوروبا ثم لامريكا واخر شيء راح تتوفر لدول الشرق الاوسط
وانه الانتاج راح يبدا في شهر 3 من 2012 (اي بعد 5 اشهر من الان)

ونسخة تويوتا حسب كلام خوينا اللي في وكالة تويوتا في السعوديه انها راح تتوفر ايضا في الشرق الاوسط والاسعار اللي ذكرتها لكم هي من كلامه له (مع اني اتمنى انه الفل يكون سعرها 110 الاف كحد اقصى)

اما بالنسبه للسيون ..... هذي فقط للسوق الامريكيه

المشكلة الوحيدة هي نسخة السوبارو .BRZ لان حتى هذي الساعة لم يتم عن التصميم النهائي للسيارة مع ان تويوتا انتجت ثلاث تصاميم تقريبا وهي جاهزة للانتاج الفعلي ..
المعلومات المتوفرة تقول ان نسخة التويوتا راح تكون للسوق اليابنية والاروبية واصدار السيون للامريكية اما الخليج لا
نسخة السوبارو احتمال كبير جدا جدا لاكن المشكلة كما ذكر سابقا التصميم هل سيكون جبار او بشع مثل تصاميم الامبريزا ابتدائا من 2008 والليجاسي 2010
ولا ا ننسي مستوى الوكيل المتدنى والذي سيكون عائق يجب وضعة في الحسبان في حال طرحت السيارة في منتصف السنة القادمة..

أتوقع راح تنجح مثل ما نجحت السيراتو كوبيه اشوفها منتشرة بالشرقية بكثرة

خصوصا اذا كان السعر بمتناول الشباب مثل ماذكرت

الله يعطيك العافية على الموضوع الثري والمعلومات

وبانتظار النزول الرسمي للسيارة عشان نحكم على الشكل وناخذ الارقام الرسمية

السلام عليكم

السيارة شكلها رائع جداً وحسب ما اذكر ان محركها بوكستر من انتاج سوبارو ومركب في وسط السيارة مثل سيارات السوبر كار

اشكرك على الموضوع اذا نزل باقل من 100 الف راح اشتري وحده :bigggrin:( مراهقة متاخرة )

مشكور اخوي عل خبر
صراحه انا اتريا هاي سياره لين تنزل ب احر من الجمر خاصه فئه شباب عدنا مابيخلوها صدقوني منتظرينها ياخي لي عايبني استراتيجيه تنفس طبيعي توصل 200 حصان عل الراحات واعتقد تسراعها بيكون مقبول يعني عادي تجيب من ميه في بحر ست ثواني او يمكن اقل ليش لاء
كنت اتمناها تكون دفع رباعي في سوبارو لانها استراتيجيتها و تيوتا تكون دفع خلفي اما جناح لو تلاحظ نفس شكل sti شكل الحالي لو يخلوه على نسخه سوبارو احسن بيعطي هيبه مع شعار اما نسخه تيوتا تجيك بجناح صغيير لانه ماشوف له داعي شعار تيوتا مع جناح مسروق من sti حرام خخخ
ونتريا ها الموتر كلنا :ch19: سعرها اشوف بيكون مقبول عل فول او بشين اهم شي نشوف شو من مواصفات عليها
خارج موضوع : طبعا على طاري التيما وكامري واكورد شباب ها لي فالحين فيه اكثر مواضيع في قسم الياباني عن ها المواتر ولا لي يقهرك صفحه تووصل لين 10 صفحات اما يوم واحد يتكلم عن سياره سبورت محترمه شبابيه اي سياره يابانيه سبورت تصدق بس يخلوها صفحه واذا كثرت وصلت صفحتين شعب العربي فالحين بها المواتر رخيصه لي مافيها متعه قياده وكانك راكب سياره فنفس الوقت تبا توديها المحرقه مع احترامي لها سيارات لي ماتودي ولاتيب نوعو بمواضيعكم شوي ملينا والله يا كامري يا التيما يا اكورد
والله ماقصرت ياانيشل دي ملاحظ عليك مهتم فسيارات شبابيه سبورت الياباني ياريت نشوف مواضيع مثل هاي نااس مادارين عن هاي سيارات والله ولا عزاء لي حق كامري والتيما وهاي طقه من سيارات وسموحه منكم

صبر حبيبي تويوتا عندهم ذي زيلاس هذي سيارة رياضية رخيصة حق الشباب

نسيت اعلق على السعر
انا اول ماشفتها
توقعت السياراه من فئة النيسان z370 والكمارو والتشالنجر والمستنق وغيره
لكن المكينه والسعر يبين انه مهب المنافسين له =(

مرحبا اخوي ....
الهدف من انتاج هالسياره هو توفير سياره رياضيه بسعر رخيص للشباب .... حاول تفكر بسياره رياضيه ودفع خلفي بسعر اقل من 100 الف ريال!
لا يوجد في السوق الا الهونداي جينسسيس كوبيه والمازدا مياتا MX5

وبالنسبه لقوة المحرك ..... انت تشوف 200 حصان قليل على هالسياره!!
نيسان التيما (الـ 4 سلندر) موديل 2010/2011 بمحرك 2.5 لتر وبقوة 175 حصان ...... الكثير من الشباب هنا (من ملاحظاتي) يقولون انه تسارعها ممتاز بالنسبه لسياره 4 سلندر بدون شواحن! مع العلم انه وزن الالتميا الـ 4 سلندر 1450 كج!

اما بالنسبه لسيارة (تويوتا و سوبارو) فهي بقوة (متوقع يعني ممكن تكون اقل وممكن تكون اكثر .... واكثر الكلام انها بتكون 200 حصان) لكن خلنا نقول انها 200 حصان على وزن يبلغ فقط 1200 كج!
الان هل تتوقع انه بيكون تسارعها جيد او فاشل؟



طبعا ماشيء يغطي على الوحش السوووووبرا .... بس حاليا صعب اي شركه تنتج سيارات قويه مثل السابق لانه اوروبا وامريكا (اكبر اسواق السيارات) يطالبون جميع شركات السيارات بخفض انبعاثات ثاني اكسيد الكربون وتقليل استهلاك البنزين للحفاظ على البيئه .... وهم حاليا مطالبين للوصول لهدا الشيء قبل 2015 وفي 2025 راح يكون اكثر تشدد :blue:

:bigggrin: بس الحلو في الـ ft86 (من تصريحات تويوتا) انه قواعد المحرك الاصلي والهوازنج مال جير الت ft86 مصمم بحيث انه يقبل محرك السوبارو STi
يعني لو حبيت تزيد من قوة سيارتك (بدون ترهيم) فقط شوف لك محرك STi من موديل 1994 الى موديل 2012 يركب على طول :bigggrin: ولا تنسى انه محرك الـ STi قابل انه يكون 600 حصان واستخدام يومي :xyxthumbs:

الفكره انك تحصل على قوه عاليه بدون ترهيم قواعد محرك او تغير جير السياره

انا ما اتوقع انها 200 حصان

ممكن تكون 200 حصان بدون شواحن

وانا ابدا ما اتوقع انها توصل للسوبرا وانجازاتها وانجازات محرك 2JZ

ومشكور على الخبر وياريت نشوف ابداع في التصاميم لكل سيارات تويوتا زي FT 86 تصاميم صاحية مو تصاميم الكامري والكورلا وانتو بكرامة

السلام عليكم
اخوي موضوعك كان ماشي معايا في السليـــم الين وصلت لموضوع المحرك!!
معقولة ينزلوها بـ200 حصان سوبارو تيوتا ياماها !! اكيد عليها تيربو تشارجر واحد بالقليل
لان السيارة تصميمها اليييم وسعرها خرافي لاكن بـ200 حصان ااكد لك راح تفشل فشل ذريييييع
يعطيك العافية اخوي على الصور التجسسية ولاتحرمنا من جديدكـ

:blue: افى !!!
الموضوع له يوميين وفقط 4 ردود؟؟ يعني محد يعرف هالسياره او مافي احد متحمس يقتني هالسياره؟؟
يعني لو موضوع كامري ولا التيما (السيارات الممله) يصير الموضوع 3 صفحات في نفس اليوم؟؟ وهالتحفه هدي محد يدري عنها؟؟

:blue: شكله هالسياره ماراح تلاقي نجاح عندنا في الخليج




هلا اخوي .... الجناح اخوي مسوى كدا لتدكير عشاق التويوتا بالسوبرا القديمه


وبالنسبه للشبه بينها وبين الـ RX فهدا مستبعد جدا!!!
يعني وجهية السياره غير , الخلفيه غير , وحتى البدي غير؟ مافي اي مجال للتشابه؟ :c0214:



مرحبا اخوي ..... من ناحية المكينه والتعليق ونظام الدفع كلهم نفس الشيء (محرك 2 لتر بلمسات شركة ياماها وينتج (حسب التوقعات) 200 حصان بدون شواحن موصول على جير عادي 6 سرعات (وايضا راح تتوفر بجير اتوماتيك 6 سرعات) والدفع راح يكون خلفي حتى نسخة السوبارو راح تكون دفع خلفي)
اما الفرق بينهم راح يكون فقط في تصميم المقدمه والخلفيه + الديكورات الداخليه



اتوقع الجناح هدا راح يكون للفل ابشن .... مثل مادكرت راح يكون فيه عدة فئات مقسمه حسب المواصفات لانه فيه سياحي و نص فل و كامل المواصفات :bigggrin:



هدي مجرد كونسبت (فكره لتعريف الناس بالسياره) وهي قريبه من شكل النسخه النهائيه بس مثل ماتقول فقط للفت نظر الناس لها :)

مهوب هذا الموتر ؟
http://www.toyota.com.au/ft86?WT.ac=Toyota_GlobalNav_Cars_FT86

يارب ما يغير مواصفاتها ابو جميل و تنزل بلجناح باذن الله ناوي عليها

الجنااح ااه يالجناااح..
اول ماشفت الجناح تذكرت اسطوره الرعب السوبرا..

تويوتا وش ناوين عليه بالزبط ..؟؟
..........................................................................

سؤال ايش الفرق بين نسختي تويوتا وسوبارو من ناحيه المكينه والتعليق ونظام الدفع؟