بسم الله الرحمن الرحيم
السلام عليكم ورحمة الله وبركاته وبعد
هذة المشاركة الاولى لي في المنتدى وامل منكم اخواني اعضاء المنتدى الاجابة على استفساري بكل حيادية
كلفني الوالد الله يحفظه بشراء سياره له وحدد النوع ان تكون باترول طبعا كان ينوي على جديد
لكن انا حسب خبرتي المتواضعه رفضت فكرة الباترول الجديد السياراة فخمة ومريحة ولايعيبها سوى سعرها الغالي
سبب رفضي انا اشوف ان القديم افضل وفيه من يخالفني بالراي
اولا نجي لاسباب رفضي الباترول الجديد
1 الوالد راعي طلعات ورحات وجيات ويبغى سيارة تتحمل وحقت بر وسفر وكلش وانا ارى ان الباترول الجديد اكثر رفاهية وراحة من كونه اوف رود حقيقي
2 حجمه كبير والوالد ماباع الجمس الا منزعج من حجمه
3 يرغب في ناقل حركة يدوي وانا اشوف ان الجديد ماله داعي كل ذيك الفخامه وفي الاخير عايدي
4 اذا نوى على باترول جديد فهو مجرد ارمادا خذ ارمادا ارخص وبالنسبه لي انا افضل
ثانيا اسباب اختيار الشكل القديم
1 شكله افضله على الجديد تحس انه فعلا لايق عليه اسم باترول بالشكل الي اعتدناه للباترول
2 ارتفاعه عن الارض ووجود محور امامي وخلفي صلب عكس الجديد
3 تحمله اشوف انه اكثر صلابه من الجديد الي احس ورق
4 اوف رود بمعنى الكلمة
انا كان لي وجهة نظر اما باترول قديم او ارمادا اذا كان لابد من النيسان
انا طرحت الموضوع عشان تقنعوني حسب تجربتكم ايهم افضل ولمذا
هل الباترول الجديد اوف رود ام اس يو في نسخة طبق الاصل من الارمادا مالفرق بينه وبين الارمادا كقدرات دفع رباعي وليس محركات لان الارمادا انا اعتبره مثل الجمس مصمم للطرق المعبدة اكثر من الوعرة
لاخفيكم اني تعبت وانا ادور باترول 2009 ماحصلت شئ نظيف واسعارها مبالغ فيها خاصه في الامارات قلي احد الاخوان انها موجوده هناك في بعض المعارض مخزنه وحصلت واحد ب 180 الف درهم موديل 2009 ماشي اصفار علما ان موديل 2011 قير عايدي ب 187 الف ريال صحيح اني افضل القديم ولكن الفرق فقط 8 الاف بين 2009 و 2012 شئ غير منطقي اني اخذ القديم
فتكفون عطوني رايكم في الانسب لوالدي كاستخدام
ودمتم
