السلام عليكم
انا عندي كابريس صابونه LTZ موديل 96 نظيف وكتب الوكاله فيه موجوده العيوب اللي فيه :
( زر السجارة حطيت فيه بخور ثم دخلته مرة ثانيه وعلى طول الموتر دخن علي من داخل السيارة من فتحات الطبلون والكهرب لعب عندي . وديتها عند ورشه قالوا هذي اسلاك محروقه اللي عند الظفيرة يبي لها تغيير بالكامل والسعر 800 ريال , وقال الظفيرة مافيها شي . )
تحتاج الى 2 كراسي مكينة , طقة بسيطة من جهة الرفرف الايمن من الخلف ( يعني يبي لها شفط وتتعدل بالراحه ) قشرة في شنطة الموتر بحجم كف اليد ( تحتاج الى رش ) الموتر لاياخلوا من الخدوش البسيطة ( بكل اختصار البدي يحتاج الى معجون وتلميع فقط حتى تروح هذي الخدوش وهي بسيطة ) تحتاج السيارة الى بعض الازياك , تحتاج الى وزن أذرعه , تحتاج الى مرايه جانبيه على اليمين , طبلون الديكور متشعر شوي بسبب الشمس ,تحتاج الى اصلاح للقزازة الاماميه الجانبيه لانها ماتنفتح , تحتاج الى إصلاح المسجل لان فيه شريط داخل غلط ,تحتاج الى اصلاح احد الازرار الموجوده على باب السائق .تحتاج الى كفرات جديده . واما الموتر بشكل عام ولله الحمد نظيف جدا والمكيف ثلج والحرارة ماترتفع ( تحت النص ولله الحمد ) ,
الاستمارة جديده مالها 3 شهور والتأمين كذلك , اللون زيتي والداخلي مخمل رصاصي ,والممشى 430,000 الف تقريباً .
الموتر من بعد مشكلة البخور وهو واقف الان له شهرين , مسيوم على كلام راعيه الاول قبل لايوقف بسبب مشكلة زر السجارة ( طبعا هو اول مستخدم له مطلعه وكالة على وقته ) مسيوم بـ 8000 ريال ,
لو بصلح الموتر يمكن يكلف تقريبا حدود 4500 ريال وابيعها بـ14,000 او 15,000 الف بالراحه
السيارة الان بالورشه واقفه ولاعندي صورة لها .
اللي بياخذها بـ 7000 الاف ريال فالله يوفقه ولن ارضى بأقل من هذا السعر ابداً وتذكروا انها ال تي زد وموديل 96 8 سلندر .
السيارة موجوده بالرياض والبيع راح يكون بالرياض ونقل الملكيه وكل شي على المشتري والله يوفق الجميع وعيوب السيارة هذي اللي اعرفه عنها وكتبته , والسيارة مب مفحوصه , وانصح المشتري انه يفحصها لاني مدري هل فيه عيوب اخرى ولالا
الادارة :- يمنع وضع الارقام والجوالات ويمكنك التواصل عن طريق الايميل او الرسائل الخاصة
