بطلع اقصاد سوناتا .... نصيحتكم ياهل الخبرة

أبو مي @user_258754 · 26-02-2012

السلام عليكم ...

انا ودي اطلع سوناتا 2012 اقصاد منتهي بالتمليك واللي أبي استفسر عنه ...

1 / وش الشركة اللي اقصادها تكون ميسرة انا حصلت شركة تاجير وتيسير هل فيه غيرهم ؟؟

2 / هل تعرفون شركة تطلع اقصاد بدون دفعة اولى ؟

3 / لو بغيت ابيع السيارة والاقصاد مانتهت كيف الطريقة ؟

انا فكرت ماحصلت سيارة حلوة ومناسبة الا السوناتا ... النترا واكسنت مابيهم

انا اول مرة اطلع لي سيارة وابي مشورتكم وتجاربكم يا اهل الاقصاد :bigggrin:

الراقي.. @user_246795 · 08-03-2012

ما انصحك في التأجير المنتهي بالتمليك
اذا بتبيع بعد فتره !

بالتوفيق ..

Bader-M @user_3304 · 05-03-2012

هل البنك أرخص من الايجار المنتهي بالتمليلك ؟؟؟

البنك العربي ياخذ نسبة 5.25 % عن كل سنه و يشترط 10 % مقدم من قيمة السيارة

mr.3do0ol @user_147722 · 05-03-2012

^
نظام التاجير يكون اما عن طريق الوكاله او البنوك

الوكاله نسبة الفوائد كثيره
البنوك نسبة الفوائد اقل من الوكاله وتختلف من بنك لبنك

أبو مي @user_258754 صاحب الموضوع · 05-03-2012

هل البنك أرخص من الايجار المنتهي بالتمليلك ؟؟؟

بلووط @user_281176 · 29-02-2012

اشوووف لو تطلعها عن طريق البنك تكون الفايدة اقل من الشركات او الوكاله

الملكة ازيرا @user_281129 · 28-02-2012

التاجير المنتهي بالتمليك

1- السياره تكون مؤمنه تأمين شامل .
2- تستطيع ان تاخذ السياره وحتى لو كان عليك التزام في البنك ( قرض ) .

فيه نقطه مهمه جدااا انك تنتبه لها اول شي لازم تسال هل الكيلوا الزائد محسوب عليك
مثلا هل الشركه المؤجره تعطيك كيلوا معين في اليوم وتحتسب عليك الكيلوا الزائد بسعر اخر كما في بنك الاهلي اذا كان كذا لا تاخذها من عندهم لانك راح تلقى نفسك في مأزق كبير ويزداد كل ماطالت المده وتنتهي الازمه بعد ان تتملك السياره .

الشي الثاني اسال عن لو لا قدر الله صار على السياره حادث وراحت السياره تشليح لا قدر الله هل ترجع لك الدفعه ولا لا ؟ ولا يروح عليك كل شي الدفعه والاقساط .

الشي الثالث السوناتا فيها عيوب واحد منها الحذفه قويه جدا في الجهه اليسرى وهاذي المشكله طلعت عند مالكين للسياره كثير ولم تطلع لدى اخرين يعني حظك نصيبك

وبشكل عام وخذها نصيحه من اخوك لا ترتبط مع شركه الا وانت ماخذ العقد ودراسه دراسه وافيه من ناس فاهمين في الموضوع هذا
واحب افيدك انك ماراح تلاقي شركه تعطيك تفاصيل العقد الا بعد مايربطونك معهم وتتورط

يعني لا تستعجل في شراء السياره بنظام التاجير المنتهي بالتمليك الا بعد دراسة الموضوع بشكل كامل وخاصة العقد وبنوده وتعرف اللي لك واللي عليك .

انا طبعا معي ازيرا مااقدر افيدك في العيوب بشكل واضح لكن عندي واحد من الزملاء عنده سوناتا وراجعنا الشركه بخصوصها ولقينا بعض المشاكل الخفيفه في السوناتا حذفه ومثل كذا

Bader-M @user_3304 · 27-02-2012

وعلكيم السلام
اذا كنت تنوي بيع لا انصحك بالاقساد المنتهي بالتملك
بنسبة لافضل بنك اعتقد ان البنك العربي يعطيك نسبة 5.25 % عن كل سنة
ويشترط عليك 10% من قيمة السيارة اذا كان حسابك في بنك اخر
الاهلي و الرياض اعتقد 7 %
اتصل بالنك للحصول على معلومات اكثر دقة
تحياتي اليك