هل أخطأت فورد عندما أوقفت تصنيع كراون فكتوريا لتحسين سوق فورد توروس ؟

"

لم تخطأ الشركة في ايقااف الكراون فكتوريا

بالعكس التوريس اخذت سوقها عندنا في الخليج .. وحتى دوريات المرور عندنا في البحرين الحين توريس

والكراون .. ماكان فيها شي يخليها تستمر ! ماتنباع الا في امريكا وقليل ... و في السعودية والكويت .. لانها سيارة كلاسيكية وعشاقها الحين صاروا قليل !!

اعتقد لو كان هناك تعديل على الكروان فكتوريا .. راح تفقد هيبتها وتفشل فشل كبير لان شكلها لكلاسيكي هو الي كان يميزها .. و حتى الي يعشق هالسيارة كان شكلها واحد من هالامور


شكراً لك ... تم التصويت لم تخطأ الشركة

الكوري يتفوق على التوريس بالقومات وبالشكل وبالسهوله اثناء القيادة داخل السيارة
لكن التوريس مافيه ميزة الا الامان اكثر من الكوري بس ميزة وحده

معقوله التوريس مافيها كاميرا خلفيه !!!؟
مع ان منافسيها من فئتها " ازيرا + كادينزا + مكسيما " فيها كاميرا
شي محير

التورس حقاً سيارة غير رائعة وشكلها الخارجي سيء خصوصاً من الخلف
واذا انت راكب السياره وتبي تريوس وماعندك كاميرا خلفية
لازم يكون رقبتك رقبة زرافة علشان تناظر للخلف

لا والله ما اخطأت. صراحه. قرار تاريخي للأفضل
الفكتوريا. يزوغ باللفات ماهو راسي وعضلاته ضعيفه ومكيفه ماهو بارد. ومع الحفر و المطبات السياره تناقز تقول راكب بوت.
وبالخط عزل ٠ عن الشمال. والفرامل سيئه.

باختصار ددسن. سيدان

وكل العيوب لم اجدها بالتورس. خلال تجربتي لها والله اني نزلتها طريق ردميه ومبطنج. على سرعة ٦٠ عادي ولا تحس فيها بعكس الفكتوريا تخض خض

وأحب أضيف لبعض الأخوان الذين يضنون
انك إذا قلت مثلا الفورد احسن من الكابرس تحدوك بقوة السيارة
وين راحت الرآحة , الرساوة , العزل , الخ فهي ليست على
قوة السيارة فقط بل على عدة نقاط رئيسية

برأيي أن شركة فورد بعد مواجهة الخسائر وما لديهآ من تخطيط
لن تفعل أي أمر بدون تخطيط مسبق وتوقعات لما سيحصل بعد تطبيقه فهي
ليست بهرجة ولعب

كيف الحال

نعم أخطات بكل المقاييس

لأن التورس لا يحل مكان الفوررد ولا في الاحلام والسبب هو

لا تفكر بتفكير الشاب بل فكر تفكير كل الفئات من الاعمار مثل كبار السن فلا أتوقع رجل في عمر أبي وأبيك أن يركب تورس ..يعني فقدنا فئه مهمه من المجتمع ؟؟

ولا أظن أن السواق العائله أعطيه تورس لانه شبابي بزود وغير مرشح لركوب السائق فيه.. هذة فئه أخرى فقدناها ..؟؟

ولا أظن أن الحكومه تستعين بسيارة دفع أمامي في سيارة امريكيه ( ناهيك عن الكامري لانها ياباني )
وهذة فئة أخرى....؟؟

التورس لفئه محدده وهي شبابيه بحته .. وهي دفع امامي غير مرغوبه في الوقت الراهن لشريحه من المجتمع السعودي ..

[COLOR="darkred"]والفورد لم ينقطع بل سينزل في السنوات القادمه بحله جديده مثل الكابرس وستكون هي الرائده في المجتمع السعودي ... توقع ليس ألا؟؟؟
تحياتي[/COLOR]

والله مدري كيف الناس تسب الاسطورة كراون فكتوريا


واللي يقول كابريس LTZ تشق الفكتوريا


ترى الفكتوريا مركب للراحة مدينة سفر للعائلة وللشباب والشيبان


إذا المسألة قوة خلو اس اس ترو على الماردور

اذا المسألة قوة وين الكامرو والكورفيت عن الموستنق شيلبي الجديده 650 حصان


أنا من عشان الكابريس القديم والفكتوريا


واللي يقول ما فيه عزل رح نام احسن

هي اخطات يوم وقفوها

والتورس افضل من الفكتوريا بكثثثير

لاكن سعر التورس عندنا باسعوديه مبالغ فيه

يمكن فورد تقلد جنرال موتورز بنفس الحركة اللي سوتها جنرال مع الكابرس
تدور لها على اي شركة سيارات استرالية والا صينية داخله معها باسهم
ثم اي سيارة سيدان من سياراتهم تاخذه وتغير شعاره
وتنزله الاسواق الخليجية على انه كراون فكتوريا موديل 2015
والسعر 120 ألف وهي ما تسوى ولا 50 ألف
وكبب وليس ... يطلع كويس :wink:

أكيد أخطأت ، لأنها سيارة مريحة ، الواحد يسافر ويوصل للمكان اللي يبغى وهو ماحس بالتعب ، خصوصاً اللي يصطحب أبوه وأمه ، لازم يركبهم في سيارة مريحة ، هذا أقل الِبر بهم ، وتوروس يقولون ماهي مريحة ، فنصيحة لاحد يشتريها ، خسارة الواحد ينكب فلوسه في سيارة ماهي مريحة ، أتمنى من جميع الذين يتقنون الإنجليزي أن يطالبون شركة فورد بإعادة تصنيع كراون فيكتوريا ، ويوقفون توروس ، لاتنسون الجميع وليس واحد ، لأن المثل يقول "اليد الواحدة ما تصفّـق" إذا جاتهم طلبات كثيرة بإعادة تصنيع الكراون فيكتوريا ربما يوافقون ، أتمنى نقل نسخ الموضوع مع التعليقات ، ووضعها في منتدى فورد العربي ، شاكر لك هذا الموضوع الحلو

بالفعل أخطأت فورد بإيقافها المفروض تطور السيارة و ما توقفها و يتم التركيز على نقاط القوة الوسع البساطة و تقوية المكينة و زيادة الثبات كان ممكن تكون سيارة خارقة و تحقق أرقام صعبة أم ايقافها و احلال التورس الفاشلة مكانها و بأسعار مبالغ فيها هنا المصيبة

^^^^^^

ليش يقدرون يحطون فيها تقنيات بس ما عندهم سالفه

يا اخوان الشركة لم تخطئ في قرارها بالعكس قرارها صحيح لأن الكراون فيكتوريا صارت قديمة اكثر من عشر سنوات وهي موجودة يعني من ايام التسعينات خلاص الشركة تبي تتطور يعني سيارات التسعينات يبون يتلفونها انتم ما تشوفون التقنيات اللي نزلت على سياراتهم مثل نظام الـ Parking التوقيف الآلى اللي موجود في الفوكس 2012 او نظام الـ ESC للحفاظ على ثبات السيارة هذه الانظمة ما كانت موجودة في الكراون وبعدين جات بدالها التوروس وانا عارف انه الكراون كانت سيارة قوية واعترف بقوتها واسمع عنها كثير بس لمن شافت فورد الشركات الباقية مثل كيا او هيونداي او صديقتها شفروليه هذه الشركات كلها تتطورت وتركت السيارات القديمة ونزلت سيارات جديدة لمن شافت السيارات الجديدة اخذت موقف من الكراون انها هي الوحيدة القديمة من بين سياراتها فأتلفوها ولمن تقولوا ليش الشرطة والتكاسي بيأخذون الكراون لأنهم اخذوها من قبل ما تعلن الشركة عن إتلافها وهم اخذوها لأنها ارخص واريح واقوى سيارة من فئتها ولكن بأقولك استنى كم سنة وتلاقيهم كلهم غيروها
وصلى الله وبارك على سيدنا محمد

انا مع ايقاف تصنيع السيارة لانها من 12 سنة الى الان لم يتغير فيها قطعة واحده

بالاضافة الى انها تصرف كثير و الامريكيين الان همهم الاول التوفير . بالاضافة الى ان

اغلب شركات السيارات اخذت تركز على الجوانب الترفيهيه و التقنيات العالية و التصاميم

الشبابية الرياضية مع عنصر الامان و مع الصرفية القليلة للبنزين . و حتى لو تم تطوير السيارة من حيث التصميم الخارجي و الداخلي فلن تلقى اي نجاح

لسبب ان الناس تعودوا على الشكل الحالي فترة طويلة 12 سنة و من الصعب ان يتم اقناعهم باي شكل جديد للسيارة

و شكرا لك عالموضوع

التشارجر و الـ 300 نزلوا بأشكال جديدة و الكابريس راح ينزل في 2014

يعني فورد ما حسبتها صح ، التشارجر و الـ 300 بديت أشوفهم بكثرة لأن الفكتوريا توقفت

من ناحية أن فورد أخطأت في الايقاف ، نعم أخطئت خطئاً فادحاً ولكن هذا الخطأ رحيم ورؤوف بحالنا لانتشالنا من وحل التخلف الذي يجعل العميل يدفع 100 ألف على سيارة خالية من المواصفات على اعتبار انها ما تطورت ولا تغير فيها ولا شي ، والمفروض ترخص قيمتها.

بالنسبة للتكاسي والشرطة ، أعتقد انه ما هو مقياس على السيارة لأنه الاستخدام الشخصي مختلف عن استخداماتهم.

ومن ناحية القوة والرساوة والعزل ، القوة بس بالتسارع وتفيدك في الخطوط في حالات التجاوزات. الرساوة ضعيفة خصوصاً لما يكون في هواء ، وبالنسبة للعزل لو انك فاتح الشباك كان أهون.

أتفق مع أحد الاخوان الي يقول انه الاستخدام حصري بس بالسعودية والكويت ، وهذا صحيح لأنها أساساً وقفت من 2006 ، لكن الطلب العالي للخليج وعدم توفر سيارة بديلة من فورد تحل مكان الفيكتوريا ، خلاهم يعيدون تصنيع السيارة عشان يمشون مبيعاتهم ، خصوصاً انهم ما تأثروا بأي أزمة من 2008 ، الله يخلي قريشاتنا الي فزعت لهم مثل ما فزعت في سوق الاسهم أيام الطيحة.

^^^^

يا شيخ الصابونه شي ثاني ولكن تبي صراحه السيارتين يمتازون بالراحه