أقدر أركب مكينة أقوى على أفيو 2009 ؟

تقدر تركب مكينه

cr8 بدون توليف والقير نفسه نفس قير الافيو

و مكينه srt8 للتشارحر , لكن يبي لها حوسه والقير لازم تغيره لقير موستبيشي

ومكينه L77 وهذي الانسب عشان

تتناسب المكينه تناسب طردي مع السياره من حيث الوزن والقير قير كامري 2002 ، سته سلندر

انصحك تركبها قيمتها 15 وشكرا

صعبة جدا ومكلفة بنفس الوقت

ممكن تزيد العزم باضافة فلتر يزيد 5 حصان غالبا

اشتري سيار اقوى احسن و اقل تكاليف ومشاكل

أخوي مانصحك بالهخطوة لأن ببساطة لو بتغير المكينة بتدخل في متاهات مالها اول ولا اخر وتكاليف وحتى المحركات اللي انت فكرت فيها تعتبر اقتصادية ومافيها عزم والشغلات البسطية ممكن تزيد من عزم السيارة لكن لاتتوقع فرق يذكر

أفضل حل لو متعبك الوضع انك تبيع السيارة وتشوفلك سيارة أقدم بسعر أرخص لكن بمحرك أقوى وأفضل

أو أنك تمشي حالك بشغلات البسيطة من بواجي رياضية + فلتر رياضي هذي ممكن تاثر تاثير بسيط

ولو تبغا شيء افضل أشوف انك تفصل نظام هوائي جديد او تغير بعض القطع من انتيك او اكزوست او هدرز

هنا ممكن يكون الفرق ملحوظ أكثر

وبالتوفيق

الله يعطيك العافية سوبر سفاري بس شكلي على ماقلت بخليها على حالها

او يمكن اسوي لها برمجة اذا يجي عليها

ترهيم مكينة مختلفة لا يتم كما كان سهلاً في التسعينات ؛ بسبب ارتباط كمبيوتر المكينة بالكمبيوتر الداخلي , و كلهم مبرمجين على بعض.
و كمبيوتر المكينة لا يصلح إلا لنفس الميكنة , حتى لو توفرت نفس نوع السيارة السيارة بعدة محركات فليس بالضرورة توافقهم على بعضهم. و بعض السيارات تقبل ذلك كما أعرف عن شخص محترف صيانة مرسيدس , سيارته مرسيدس E280 موديل 2007 ركب لها مكينة 350 لكن أقول مو دائمًا تضبط بأي سيارة.. و هو عارف شغله صح بأدق التفاصيل الإلكترونية.
للأسف التصنيع بوجود الكمبيوتر و تقييده يصعب هذه المهمة و لا أقول مستحيل. بس مين يقدر يبرمج كمبيوتر سيارة على ميكنة مختلفة! و كيف يربط حساسات المكينة على هذا الكمبيوتر؟! تتوقعون أن ذلك سهل؟!
لا توجد عندنا ورشات بهذه المهارة , و أساسًا المسألة غير مجدية فنيًّا و لا منها نتيجة مستاهلة.
أيضًا محرك اليارس ضعيف (حجمه 1.3) كيف خطر في بالك؟ الباقي معقول يعني بحجم 1.6 ماشي الحال.
اترك السيارة على حالها.. أو خطط لسيارة ذات محرك أكبر.
حل ثاني: يمكنك تعديل أشياء بسيطة تفرق معك العزم. مثل بواجي بلاتين , فلتر رياضي و بس. ما أنصح تزيد على ذلك علشان ما تخسر المكينة كليًّا. أشياء مثل هذي بتزيد العزم شيء لا بأس تقريبًا 15 حصان.

مشكووور اخوي يوسف 20 على الرد

ونشوف باقي ردود الاعضاء