ابي سياره شكل رياضي وهيبه

السلام عليكم ورحمة الله وبركاته


انا أرشح لك الموستنج GT ستاندر قيمته حدود الـ 140 الف .

والموتر له هيبته بالشارع .

سبب ترشيحي :-

محركها أقوى من الكومارو SS + التشارجر RT .
صيانة فورد جيدة .
ايضاً الموتر عملي و مرغوب وقطعه متوفره .


من ناحية الدلع و الرفاهية التشارجر RT افضل من الموستنج .
التشارجر سيدان وسيعة من الداخل .


وهذا مقطع بسيط للموستنج :-

http://www.youtube.com/watch?v=Kdlgfe6UWtI



وفي الختام أياً كان اختيارك فاعلم ان الموستنج و الكومارو و التشارجر سيارات رائعة ولن تندم بأذن الله في حال اختيارك اياُ منهم .


والله يكتب لك اللي فيه الخير و يبارك لك فيما اشتريت .

وشكراً

اشكركم على التجاوب ولكن انا اول شيء ماني حق سرعه ولاني حق درفت اللهم تمشيه وفرفره ومحافظه واحب الشكل الرياضي الكوبيه ويكون شكله هيبه و وحش بطريق وانا من ناحيتي واللي شفته من ردودكم كنت حاط في باللي طبعاً اول شيء كامارو ولكن خلوها على جمب شوي حطيت الخيار الثاني تشارجر ار تي ولكن من ردود البعض في هالمنتدى ومنتدى اخر يقولون الوكيل يكرهك بالسياره علشان كذا صار في بالي الحين يا كامارو ار اس فل كامل او التشالنجر ار تي كلاسيكي فل كامل ارائكم تهمني ولكم دعوه بظهر الغيب قولولي وش الافضل من ناحية الجودة وتحمل طبعا ما راح اكرفها مثل ما قلت ولكن جودة الصنع لان الموتر بيقعد ان شاء الله 3 او 4 سنوات علشان الجامعه و كيف وكلائها ومواصفات وشكل والخ .. محتاج ارائكم ونصائحكم بعيد عن التعصب وفقكم ربي

شوف اخوي الفاضل انا راح اعطيك رد مفصل ولك حرية الاختيار

راح اعطيك اسماء بعض السيارات

موستنج 6 سلندر + كمارو 6 سلندر , تشالنجر 6 سلندر , بصراحة صحيح اشكالهم حلوة وكذا لكن مانصحك فيهم , الكمارو والموستنج والتشالنجر يا 8 سلندر يا بلاش والسبب ان القطع تختلف عن 8 سلندر وماهي متوفرة الا بالوكالة وحسب علمي ان ديكوراتها سيئة

كلايسلر سواء 6 او 8 سلندر , هذي السيارة فخمة وانا من رأيي الشخص الشركة اخطات يوم سوت منها فئة رياضية , ابيك تكتب بالنت كلايسلر 6 سلندر وكلايسلر srt8 الرياضية راح تلاحظ الشكلين زي بعض بالضبط انت قلت بنفسك تحب التكشخ وهذي السيارة مانصحك فيها لانها اول فخمة وثانيا حقت شياب مستحيل تلقى شباب يسوقونها الا نادرا وثالثا ان شكلها الخارجي ماهو رياضي ووكيلها سيء جدا وما يوفر القطع والقطع اسعارها نار ناااار

دودج تشارجر , شكلها الخارجي شبابي وجميل لكن فيه عدة اسباب تخليك تكره السيارة , اولها طبعا وكيلها نفس وكيل كلايسلر المتحدة للسيارات وكيل سيء جدا وصراحة اتمنى لو يقفلوا افضل لهم , تخيل تروح عندهم ما عندهم قطع غيار , يطلبونها طلبية وتقعد شهرين تنتظرها !! والسيارة ما تنفع لشوارعنا ديكوراتها تتفكك وتطلع اصوات

كابرس اس اس + لومينا اس اس , هي السيارات الي انصحك فيها وبقوة لعدة اسباب

اولا لها وكيلين ( الجميح + التوكيلات العالمية ) وبصراحة خدمتهم جيدة نوعا ما والقطع متوفرة عندهم واسعارها بالرغم من ان اللومينا والكابرس فئة ss فئة رياضية لكن اسعار القطع مناسبة , والقطع متوفرة بالوكالة وخارج الوكالة , معروف ومعروف جدا ان الشفر له اكبر عشاق في التجمع الشبابي اكتب مثلا تسارع كابرس وشوف كم عدد المشاهدين في اليوتيوب وراح تلاقي مقاومات ودرفتات وكذا يعني لها هيبتها والله انا من الناس الي لو شفت ss سواء لومينا او كابرس اناظر فيها لدرجة شوي واصدم هههههه , + ومن بين الكابرس واللومينا صراحة انا انصحك باللومينا وفيه فئتين في اللومينا , فئة ss وفئة cr8 طبعا فئة cr8 تقدر تكتب عنها بالنت نادرة جدا وما نزل منها الا موديل 2008 - 2009 لها هيبتها بالشارع لانها نادرة ومعروفة جدا وسعرها حلو

اما فئة SS الي يعجبني فيها ان شكلها يختلف تماما عن بقية فئات اللومينا يعني الصدامات والفيابر والجناح والاسطبات والداخلية والطبلون والجنوط والشكامين كلها تختلف عن لومينا LS و LTZ شكلها رياضي بحت وصراحة انصحك بـ لومينا اس اس 2009 وفوق ممتازة جدا طبعا ما راح تلقى الا مستعمل

وشوف شكل اللومينا وقول رأيك

http://www7.0zz0.com/2013/04/18/21/129013879.jpg

http://www7.0zz0.com/2013/04/18/21/107392778.jpg

http://www7.0zz0.com/2013/04/18/21/544580988.jpg


ولو تبي اجيبلك لومينا نظيفة ماشية قليل جدا فل كامل شبه وكالة انا مستعد اجيبلك


تحياتي

السعر 105 جديدة

معارض الجميح


:smile:

اخوي عيسى المستعمل منها موديل ٢٠١٢ تحصلها من ١٤٠ حتى ١٦٠ الف
و الجديد ب ٢١٧ الف ريال :)

و بالنسبة لموضوعك اخوي

الكامارو سيارة عملية للي يحافظ عليها و على صيانتها .. و هذا ينطبق على كل السيارات

كرايزلر ٣٠٠ SRT 2013


.

انتظر ارائكم يا وحوش لان ان شاء الله على الاسبوع الجاي وانا ماخذ الموتر

يعطيك العافيه من خياراتي او من السيارات اللي افكر فيها هي الكامارو ار اس 2013 وش رايك فيها تنصحني فيها هل خراباتها كثيره ! لان شكلها داخله مزاجي ولكن انا ما ابي سياره تهربد وتخرب على طول وانا انسان احب التكشخ وتمشيه وماني حق درفت ولا سرعه