عطوني رايكم.. آخذ أوبل..

والله ياشباب اشوف الكل خرج عن الموضوع وعموما أنا صاحب الموضوع الأصلي وإلا الكل يقول له اخذها او لاتاخذها عموما لاتعبوا حالكم لأني اخذت السياره واهي معاي زي العسل والحين خلصت عندي 5 شهور والله تمام السياره وانصح إلا ماجربها يجربها ومشكورين .

خذها توكل ولاحد يلعب براسك |3|

هههههههههههههه

الله يسامحك عزيزي love caprice ss في الميزة الثانية الي ذكرت 2- لانها قوية بس مو ديك القوة

انا اقولك يمكن جربت أوميغا طراز صغير وماجربت الطراز القوي 3.2

أقول أخوي عاشق الكورفت

السيارة مافيها شي بس أنصح ولد عمك أنه ياخذ الفل الكامل والطراز الكبير لأنه قوي وفخم وفيه مواصفات حلوة من تلفون وحساسات وأذرعه رياضية ... ألخ وغير قوة الماكينة الجبارة عند القومه وتسارع

وأذا كان يبي ياخذ الطراز 3.0 أو 2.2 الي اقل نوع وأقل مواصفات أنصحه أنه لاياخذه لأنه قوتها مو كل هذا

خذ 3.2 وشوف القوة والفخامة


((( لو سمحت شباب الي ماجرب أوميغا 3.2 لا يتفلسف من راسه ويخربط بالكلام )))


تحياتي
نسيم الصمت
[email][email protected][/email]
www.kh2003.8k.com

انا ودي اعرف من اقدم شركة اوبل ولا فلكس
بعدين ياشباب صراحه خاشه مزاجي بقوه الأوميقا وودي اشتريها بس خوفني انها توقف انتاجها يعني هل من الحكمه اني اشتري الحين اوبل اوميقا2004 مع انه معروف انها 2003 ميب 2004 ومعرف انه توقف انتاجها؟
وهل قطع الغيار راح تكون متوفره على المدى البعيد؟؟
اتمنى القى لذا الأسله الى تخوفني جواب

فيه نقطة مهمة ياشباب....بالنسبة للجودة تراها مهمة جدا للطرفين للصانع والمستهلك يعني مو معقولة شركة مثل أوبل لها سمعتها تجي تصنع سيارة اي كلام علشان توهق الناس فيها...وين عايشيين؟؟!! اذا سوت كيذا مصيرها اربع سنوات وهي مقفلة..
يعني بتخسر كل شيء..والله انا اشوف فيها جودة كبيرة يعني تشوف فيها مواصفات السيارة الألمانية...غير كيذا يوجد في المانيا هيئة رقابية قوية على الجودة يعني ما تصنع على كيفك وتصدر للعالم....
وبالنسبة لأخ CIA..
تقول السيارة حدها سنتين أوثلاث ..
انا مع ولد عمي أوبل أوميقا موديل94 اللي شكلها قريب من الشكل الحالي.. والحمدلله
مافيها اي مشاكل ..بس مرة صار عنده مشكلة بالدنيمو ..وركبله قطع من مرسيدس..!!
لأن الوكالة غالية..
وشفت اوميقا موديل 1989 مستوردة من المانيا ماشية اكثر من اربعمائة الف(مع عامل سوري ..ويقول ممتازة ومافيها شيء)..
وغيييييييييرهم كثير..
لكن الله يهديك بس...
وانا ماقول شي بالفولكس ويجن .. الصراحة انها رائعة..
لكنها لاتخلو من المشاكل ...مثل اي سيارة ..
اعرف لك واحد معه باسات واجه مشكلة بالقير بالأف الأولى ..
واعرف ناس آخرييين ماواجهو مشاكل ...
وآخر معه بولو الصغينونة (اللي كنها قولف اكلت حبة وصغرت)..
هذا اكثر واحد اعرفه واجهته مشاكل بالسيارة (خرب عليه الفرامل ولمبات الفرامل والعة دائماً,والتماس كهرب ,وآخر مرة طفت عليه السيارة فجأة بطريق العليا العام
ووداها للوكالة بسطحة لكن مادري وش المشكلة؟؟,ومشاكل النوافذ)))..)
بصراحة ياشباب الموضوع طول واخد اكبر من حقه (قفلوا على الموضوع)
مع تمنيــــــــــــــاتي للجميع بالتوفيق.......

لو رحت لو جيت ما احد يقدر يتكلم عن الفلكس ويجن

أخ أوتنقر .... أول شي أشكرك على ردك العقلاني ... ثاني شي حبيت أقولك عن الكلام الي جبته من مخي على كلامك ايش هو عشان أحاول أجيبلك المصادر (ولو أحس انها صعبه) لكن ... بالنسبه لمعلوماتي التقنيه ... فهي جدا متواضعه كمعلومات هاوي و ليس خبير ..... وبالنسبه للفولكس واجن فهي مصنفه من نفس فئة الأوبل حاليا (سيارات عمليه + تقنيه جيده) لكن الفرق هو الاداره و المبيعات ... فولكس واجن تملك أكبر مبيعات في أوروبا على مستوى السيارات الصغيره (جولف + بولو + لوبو) اذ قد يصل معدل المبيعات الي 600ألف سياره من الجولف وحدها شهريا !! ... لذلك لديها امكانات ماديه هائله + قياده ناجحه (بقيادة فريدناند بيتش سابقا) ... بالتالي أكيد سيارات ذات تكنولوجيا و مستوى رفيع ... و بالنسبه للفايتون ... فأنا عن نفسي والله أمس جربت ال W12 .... صدقوني ما تستاهل سعرها .... مش لأنه مافيها تكنولوجيا ... بل لضعف خبرة الشركه في هالمجال ... و للحديث بقيه ..

تحياتي ..

sHm0oKh
طيب اخوي مدام انت تقول اللي عنده معلومات قيمة يفيدنا بها ولا يجيب كلام من مخه ، ايش تسمي اخر ردين الك؟؟
انا شخصيا ما ذميت في الاوميجا لدرجة اني سويتها ذات سمعة سيئة مثل اللومينا مثلا!
لا بس اقول اللي اشوفه صحيح من وجهة نظري ، وسالفة الدفع الامامي والخلفي وتحكمها في الرساوة اسمح لي اقولك انك بينت لي انو ما عندك خلفية تقنية في الموضوع
او تعرف حبيبي الاصح انو نشيل سوء التفاهم بشي واحد ، وهو ايش مفهوم الرساوة او ايش معناه عند كل واحد عشان نقدر نتفاهم ونبيت عيوب ومميزات اي سيارة
انا اقولك من حكم امتلاكي للباسات لمدة 3 سنوات ونصف ، اقولك من العيوب اللي في الجيل الحالي هي استخدام عمود خلفي التوائي بدل التعليق المستقل اللي حتى سيارات هوندا من عام مدري كم فيها!! طبعا ما عدا ال 4motion
بس ايش الحكمة من هالشي الله اعلم ، اكيد في شي ، ومع ذلك فالعمود في الباسات والجولف افضل بمراحل مثلا من الموجود في الماكسيما او السيارات الباقية المعتدة على عمود خلفي للتعليق ، واللي عنده خلفية وشاف السيارات راح يفهم اي قاعد اقول انا


بانسبة لموضوع فولكس واجن فخمة ، فهالشي صحيح ، كلامك واقعي اكثر الاوربيين والامريكان ما تقبلوها اول الامر ، لكن مبيعات الفايتون في المانيا غيرت هالكلام
وعموما هذي خطة تسويقية لا تعتقد انها راح تتغير بين يوم وليلة ، ولكن بعيدة المدى وتدخل فيها دراسات مالية عالية المستوى ودراسة للسوق الاستهلاكي وكيف ممكن تغير مفهوم الناس عن ماركة على مرة الوقت

ارجو تقبل كلامي بمنطقية وتفهمه ومافي داعي للمهزلة! واللي يحب يرد علي يا ليت يرد نقطة نقطة ونتفاهم ونقتنع! مافيها شي لا عيب ولا حرام ، وانا استمتع بالنقاش الهادف |3|

انت قولي لماذا نزلزا الباسات 8 سلندر كم يوم عند الوكلاء و بعدين شالوها ؟؟؟ و على فكره الشركه عرضت أوبل أوميقا مكينته 5,7 ليتر 345 حصان في بعض المعارض الدوليه ... و خلوا تصنيعه عالطلب و بعدين لغوها .... ما في اقباليه ... و بعدين على حد علمك انه الفلكس واجن معناها سيارة الشعب !! يهني انسى الفخامه ... حاجه تماشي بها حالك ... و الحين اتجهوا للسيارات الفخمه و مع ذلك تسمع كثير من الألمان يستهزئون اذا قلتلهم في فولكس واجن فخمه!!!!

شباب رجاء الي عنده معلومات قيمه ممكن يشاركنا ... لكن الي يجي و يقول كلام من مخه بس لأنه يحب السياره رجاء يخليه له ...

تحياتي

الموضوع صار سخيف و كل واحد يميل للسياره الي يملكها و يمدحها و يخليها مايباخ ..... بس حلوه هذي قصة المرسيدس و البي أم راح يصيرون دفع أمامي ... كثـــر منها يا الطيب .... يا رجال سمعت انه الفراري و اللامبورجيني كمان بيصيرون دفع أمامي و قير في الاستيرنق (قير عادي طبعا) ... يعني مثل الددسن لأنه يد السايق تكون قريبه من الاستيرنق فما ينشغل كثير في التبديل ....

و سمعت ان الفراري راح تاخذ من خبرات الفولكس فاجن عشان تصنع سيارات دفع أمامي فيها رساوه أكثر من الدفع الخلفي

omega2002
انت ما جربته صدقني انا متأكد!! لانه قير اوتو مو قير عادي مثل ال SMG حق البي ام!! بس الزبدة هي انك تتحكم اكثر بالسيارة اذا تعرف وش قاعد تسوي!


مجنون أوميغا
بعد انت مجنونها!! كيف المفروض نرد عليك؟؟
وسالفة مقارنة الباسات بالكامري ، شوف سعر الباسات وشوف سعر الاوميجا!! دائما السعر يعكس البرستيج والمستوى حق السيارة ، الاوميجا هي في سعر الكامري مش الباسات اخوي الكريم



تحياتي ، وترى الجنون فيسيارة صدقني مو زين!!

شباب يالي قاعدين تذمون في الاوبل والله انا متاكد 100% انكم ما جربتو قيادتها فانا اقول لكو اقطع الشق بليقين وجرب قيادتها


بعدين المكيف ايش فيه انا اتحدا اذا مكيف الباسات مثله اكيد ما عرفتو كيف تشغيله
المكيف لحاله يحتاج لموضوع لوحده
ويكفي انك تختار درجة الحاراة الي تبغاها وغيرها من المميزات

مالك امل انك تغارن الاوبل الاميغا مع الباسات
يمكن الباسات تقارنها مع كامري علا اني اعتقد ان الكامري تتفوق عليها

اخوي اوتنقر انا ماسبيت التتيربونيك لاكن ماافضله لأن مشاكله كثيرة..
ولافيه متعة العادي يعني مافيه كلتش واحساس العادي...
لكن يفضل انه يكون في الجيوب ..

omega2002
اخوي عمرها GM ما طلعت قير عدل!! عشان لا تفلس
والتيبترونيك اللي تسخر عليه ترى هو قمة المتعة!! ومتوفر في الباسات من عام 98!! ما ادري متى الاوبل بتستغني عن قيرها الاربع سرعات!!
وصدقني لو تعرف تسوق وتدخل منعطفات وتستمتع بالسيارة مثلي راح تعرف قيمة التيب ترونيك!!

بالنسبة للمكيف الياباني بالباسات!! ايش تبغى بعد احسن من جذي؟!!
جابوا احسن مافي السيارات اليابانية اللي هو المكيف وحطوه لك!! اشوفه شي جدا جدا منطقي! واخوي القطع الاكسسوارات اللي زي هذي الشركات الكبيرة ما توجع راسها وتصنعها! في شركات متخصصة مثلافي التبريد تسويها
زي اللي يبني فيلا ، معقولة يسوي كل شي في الفيلا حتى الاثاث عند المقاول اللي يبني؟؟ ما يصير
بالنسبة لتوزيع الوزن
خذ لك اخوي الكريم طلة على باسات ستة سلندر مش اربعة سلندر الخفيفة ، لا ، ستة سلندر شوفها من تحت وتتبع توزيع القطع وراح تتعجب كيف القير في سيارة دفع امامي محله محل قير سيارة دفع خلفي!


عموما عشان اختصر عليكم السالفة الاوميجا اثبتت فشلها الذريع فاستخدموا قاعدتها للكمودور الاسترالي بانواعه من الونيت الى الكابرس ، و اوقفوا انتاجها!
صدقني ما راح توصل اوبل الى 10% من سمعة VW في اوروبا! وخاصة مع الاسترا الجديدة اللي تعبوا عليها ، بس الجولف لها بالمرصاد وهي اكثر سيارة مبيعا في اوروبا لسنيييييييييييييييين وهي اللي اصلا اخترعت شي اسمه هاتش باك اللي الدنيا كلها قلدته

من الحاجات اللي تضحكني في سياسة GM الهبلة هي تسويق اوبل تحت اسم فوكسهال في بريطانيا!! ليييييييييييش ما تدري؟؟ نفس السيارة اذا صار دركسونها يمين صارت فوكسهال ، اذا يسار اوبل! هع



مع تحياتي لمحبين الاوميجا ، زين تعدل الجو هاليومين المكيف راح يمشي الحال! الله يعينكم

اخي الكريم الباسات متقدمة اشواط عن ال opel يكفي انهم قاموا بانزال محرك w8 على الباسات و بالمقابل تم ايقاف تصنيع Opel Omega ???!!!!
ويكفي ان الباسات تابعة لمجوعة Vw ,والتي بدورها تمتلك شركات ضخمة مثل lamborgini,Audi,Bugati,bently,Seat,Schoda ,Porche بينما ال opel الان مملوكه لgm وطبعا تعتبر ارض للتجارب بالنسبة ل Gm
وشكرا

شباب اسمحولي اتدخل....
اللي يقول الأوبل مافيها جودة...كلامه مردود عليه...
هذا مو كلامي ...هذا الكلام جاي من دراسة اجرتها مجلة دي جي باور ...
وأثبتت الدراسة أن الشكاوي قلت من الزبائن للسيارات الأوروبية الحديثة
وحصلت أوبل على المركز الأول متفوقة على كل من مرسيدس والبي ام والفولكس فاجن...من ناحية الجودة والنوعية ...(والله العظيم هذا كلام المجلة)...
وقرأت هذا الكلام منشوراً في المجلات بالسعودية.
ومن تجربتي لاحظت الجودة العالية في الأوبل من سماكة الحديد وجودة الأكسسوارات
لكن ماانكر ان مافيها مشاكل لكن بسيطة ...تكون في اي سيارة ..(والمشكلة الأكبر الوكيل)...
وأوبل تصنع بجودة وتبيع بسعر معقول وهذا اللي خسرها وتسبب في تدخل جنرال موتور وشراء ثلاثين بالمائة من حصة اوبل (كلام مجلة).
وانا مانصح بالباسات لسبب وحيد وهو قيرها (تتيربونيك)..لأن مشاكله كثيرة ولا له داعي اصلاً...ولا انصح بأي سيارة فيها القير هذا..يكفي التوماتيك..
والله يوفق الجميع لما يحبه ويرضاه....

مشكور أخواني على المشاركه..

ولكني أوافقكم الرأي بأن الباسات أحسن من الأوبل.. وأنا قلت له أخذ باسات بس مو راضي يقول خلاص بناخذ أوبل..

وقال لي بعد خلاص قول للي في المنتدى أني شريتها.

لن أهو خلاص أسبوع وأهوه شاريها والله يوفق الجميع..

عاشق الكورفت