فيه صوت في سيارتي الفورد أكسبديشن2009 ..صوت في المكينه من يعرف أو مرت عليه هذا الصوت

الله يحييك
سيارتي كانت موديل 2009 وجلس معي 4 سنوات بالضبط ولكن طلع صوت في المكينه ويقول المهندس لازم تغير تروس التيمنق 2 ومهندس آخر يقول لازم تغير الجنزير والشدادات وبكرات وحاجات ماعرفتها المهم شفته انه بيكلفني كثير وخصوصآ إذا فكوا المكينه اكيد بيطلع حاجات كثير وحتى ولو هي نص عمر بيقولون غيرها ما دام فكنا المكينه وانا بضطر إني اغير وش اسوي ويقول ان سبب الخراب هو تأخيري في عدم تغيير الزيت انا اغير كل 9000كم و8000كم...المهم طلع في راسي اني اغير الموتر كله من ناحية الموديل واللون .
السياره رووووووعه في الخط ومريح والبنزين لاباس اعبيه ب60 ريال ويكفيني 8 ايام بالراحه والمكيف حلو ولا حظت فيه شي .
من حبي له شريت واحد نفسه جديد

الف مبروك والله يعطيك خيره يارب لكن ايش رايك في الاكسبديشن خلال فترة استخدامك من 2009 الى الان هل لاحظت سلبيات فيه او واجهتك مشاكل عليه كيف السيارة معك بالخط الطويل و المكيف اعتذر اذا ثقلت عليك بالاسئلة انا ناوي اشتري اكسبديشن وابغا نصيحتك فيه الله يوفقك بإنتظار ردك

الله يعطيكم العافيه ما قصرتوا
بس انا بدل ما افك واغير وخرابيط قلت اغير السياره كلها

والحمد لله شريت واحد نفسه بالضبط 2013 وبيطلع من الوكاله بعد 5 ايام عشان التشييك يقولون زحمه عندهم

وعليكم السلام ورحمة الله وبركاته

روح لميكانيكي وقله فك سير المكينه بعد فك السير شغل السيارة واسمع الصوت راح او لا
اذا اختفى الصوت فالخلل من حول السير من بكرات وشداد وغيره
اما اذا ما اختفى الصوت فأبداء بالخطوة الثانيه وهي :
الفورد فيه ليات مشبوكه حول الثروتل اذا كان واحد منها يهرب هواء تسبب صوت الترتره وكذلك صارت مع اخوي في ماركيز 2003 ترتره قويه
وبعد تنظيف الثروتل ورش البخاخ المنظف داخل احد الليات المشبوك بالثروتل او انبوب الثروتل بعد فصل اللي (الهوز) ترش البخاخ بداخله والسيارة شغاله
طبعاً الانبوب المراد الرش بداخله يكون يشفط الهواء ورايح للثلاجه
هذا مقطع لقيته لك بيفيدك ان شاء الله
http://www.youtube.com/watch?feature=player_embedded&v=Kzj4qkskxv4#at=46

وآخر حل خله في الاخير وهو فك صدر المكينه للتشييك على الجنزير واللي حوله


موفق اخوي

عليكم السلام
صعب تحديد مصدر العطل بدون معاينه
في الغالب من الاجزاء المتحركه حول سير المكينه

المنتدى واخص به الورشه في حركه مستمره ولا فيه الا العافيه

موفق

السلام عليكم

اذا كان الجنزير ربل احتمال يحتاج تغيير لان غالب الجنزير الربل يحتاج تغيير كل 80 او 100 الف حسب نوع السيارة

الله يعطيك العافية يا اكورد



غرررررررررررررررررريبة المنتدى ميت له فتره