كابريس الأداء العالي 2014 HSV Gen-F Grange 6.2

لا عادي ياخوي بالعكس تعجبني المناقشه و توضيح الافكار من الطرفين و منها اكسب منك و تكسب مني معلومات


بالنسبة للكابرس لازم تقارنه بسيارة بنفس السعر
و تكون تنفس طبيعي

اعطيك مثال ....
الجي تي ار 2013 :
حجم المحرك : 3.8 بشاحن توين تيربو
عدد الكامات : 4 كامات
القوه : 545 حصان
صرفية البنزين : الخطوط السريعه 23 ميل لكل جالون .... داخل المدينه 16 ميل لكل جالون
السعر اقل نوع : 100 الف دولار يعني 380 الف ريال



الكورفت ZO6 قير عادي :
حجم المحرك : 7.0 لتر تنفس طبيعي
عدد الكامات : كام واحد فقط
القوة : 505 حصان
صرفية البنزين : الخطوط السريعه 24 ميل لكل جالون ... داخل المدينه 15 ميل لكل جالون
السعر اقل نوع : 76 الف دولار يعني 289 الف ريال


زي ما تشوف الجي تي ار توين تيربو + 4 كامات + سعر اغلى ب 90 الف ريال تقريبا يعني فرق شنيع من ناحيه التعديلات و السعر
و مع ذلك الكورفت منافس شرس جدا للجي تي ار

شوف احد المقاطع
و الجي تي ار اعلى من الكورفت ب 50 حصان و ايضا القومه صفر و هذي نقطه تحتسب للجي تي ار بحكم انه دفع رباعي مو نفس الكورفت يقعد مكانه يحفر و لا يتحرك الا بعدين خخخ

http://www.youtube.com/watch?v=iveZVnohezM

.........

بالنسبة للكامات ما تضر السيارة .انت ركب كام مناسب و القطع المناسبه اللي تجي مع الكام و بس ..
شي طبيعي واحد بيركب كام بدون ما يركب قطع مناسبه تخرب سيارته :)

اي استفسار اخوي انا حاضر :)

مبدع ي boss

يا حبيبي متى قلت انا ان الشاصي الطويل اكثر تماسك ؟
انا أقصد الشفرلية اس اس ( لومينا 2014 ) أكثر تماسك من كابريــس
وهذا كلامي مره ثانيــة

شفرلية اس اس أخف وزن واكثر تماسك واقصر بفرق مو سهل وانسيابية أكثر واستجابة التعليق فيها أفضل بحكم الثقل والطول ولفتها افضل بكثيييييير وبريكاتها اكثر فعالية ( يعني سيارة رياضية بمعنى الكلمة )

أنا اعرف تماما أن الطول يأثر على التماسك وهذا الشي معروف .. بس ما يمنع اسوي سيارة رياضية طويلــة رياضية مثل ألبينـا و AMG .. الخ

بالنسبة لمقارنة الأكورد مع كابريـــس
انا ما حاتفلسف عليـــك أبدآ لكن خذ هذي تجربة مجلة موترترينــد للسيارتين في المنحنيات

أولا الكابريـــس 2012 وزنها أعلى من اللي عندنا بسبب تجهيزات البوليس



ثانيا الأكورد 2013 الشكل الجديد كوبية 6 سلندر



تلاحظ معاية التسارع الجانبي السيارتين محققة نفس القرافيتي !! رغم ان الكابريس وزنه شي يفجع مقارنه بالأكورد وكمان الطول !!
وبحلبة الـ 8 الكابريس قطعها اسرع !!


انتهى الكلام هنا لأن هم أكثر خبرة مني ومنك وكلامهم كله على اختبارات مو مثلي ومثلك

الفرق انــا متأكد انه فقط في الـ confidence factor في الأكورد أفضل بسببب قصرها وانخفاظها وهذا الشي بس يعطيك عامل ثقة للسواق في الملفات .. بس انت قوي قلبك مع الكابريس شوية بتشوف كيف انه مره ثابت

هذا بالنسبة للكابريس والأكورد
________________


الفرامل يا حبيبي اولا الفرامل ماهي لا بريمبو ولا شي
رغم كذا أداءها حلو وشوف فوق مقارنه بالهوندا اكورد الكابريس تفوقت

الرجه ياخي تسير معي بس مع الحرارة الزايدة او ان عمر الفحمات منتهي
عير كذا أدءها مره جيد

_______________

لا تقارن كابريس مع M3 ولا جي تي ار

لأن السيارتين أسعارهم +350 الف والكابريس بـ 140 بس

جيب لي سيارة بنفس سعر الكابريس الماني او ياباني وتعال نقارن مع بعض :xyxthumbs:

_______________

على فكرة كابريس 2014
تحسن نظام التعليق فيه بشكل كبير
أخف بالوزن
صارت الطارة كهربائية بحسب المود اللي تبيه تشد معك :xyxthumbs:




يآ حبيبي
لو تبي نقارن محركات الفورد مع شفر تعال
اذا السعه عالية بالكورفت
ترا محركات فورد فيها صمامات ضعف عدد صمامات الشفر 16 و 32 ؟
عدد الكامات 4 مقابل 1
؟؟؟

بالنسبة لمحرك الكورفت ؟؟ الجديد
تدري ان lt1 صرفيته 18 بالمدينة و 30 بالطرق السريعه !!!! اتحداك تجيب لي محرك من بي ام دبيلو قوة محركها +400 حصان بنفس صرفية محرك الكورفت الجديد !!! شوفني اتحداك :bigggrin:

وزن المحرك ما يهمك ولا أبعاده طيب شوف شفر في ايش يهمها ::

the new LT1 engine is 40 pounds lighter than a competitor’s twin-turbo 4.4L, DOHC V-8 with similar output. That weight savings not only improves the Corvette’s power-to-weight ratio, but also contributes to a near-perfect 50/50 weight balance for enhanced steering response and handling.The new LT1 is also four inches shorter in overall height than the competitive DOHC V-8. That also improves handling by lowering the center of gravity while enabling a low hood line – contributing to the Corvette’s iconic profile, as well as ensuring exceptional driver visibility.


زي ما يهمك كبر سعة المحرك مقارنة بالقوة المستخرجة

فيه شي ثاني يقول

وزن المحرك مقارنة بالقوة المستخرجة ههههههههههه


شفت كيف يهم وزن وطول المحرك !


>>>


آخر شي هذي هدية لك مني


محرك lt1 الجديد 460 حصان 465 عزم تنفس طبيعي

محرك bmw شاحن توربيني 4.4 لتر 405 حصان 444 عزم





شوف بالله من أفضل في صرفية الوقود





:bigggrin::bigggrin:

ياحبيبي معليش
لا مدارس افكار ولا شي
اقلك 6.0L 360hp ليش ياخي على ايش 6.0L
اجبلك سيارة امريكة حتى مو الماني
الموستنج 5.0L 420hp
الشلبي 5.8L 662hp
السوبر سنك 5.8L 840hp

ممكن الكورفت راح تكو اسرع في المطارحات بسبب وزنها الخفيف نص السيارة فايبر مو كاربن فايبر
وانسيابية اكثر من الموستنج
المهم موضوعنا كان على المحرك مو شكل السيارة

في الختام
محرك الكورفت الجديد
تقولي بغض النظر عن صرفية الوقود لا بالعكس في امريكا بسبب سعر البانزين الغالي
يشترور سيارات 4 او 6 سلندر
فا عشان كذا صرفية الوقود شي مهم جدا

وعلى محرك bmw twinturbo انا ماهمني وزن المحرك ( على كلامك ممكن بسبب وزن التيربو ) مقارنة بي صرفية الوقود واضح من عدد اليترات انها اقل بكثيير
لكن في نفس الوقت عندي احصنة زيادة بفارق 110hp تقريبا
هاذا على محرك الكورفت الجديد والbmw m6

شكرا ومعليش اذا طولت عليكم :xyxthumbs:

اول شي كل العادة السلام عليكم ورحمة الله وبركاتة

انت تقول انو السيارة الشاصي الطويل اكثر تماسك
وييين ياحبيبي بعدين انا جربت كابرس LS V6 واخوي عنده accord coupe اقسم بالله رساوة الكابرس معدومة بشكل مو طبيعي الهوندا افضل 100مرة
( ممكن عشنها LS انا مدري ) ومشكلة الفرامل لمن تمشي بسرعة وتبغا توقف الدركسون يرج رج والسيارة تنتفض بسبب الاقمشة والهوبات للمعلومية موديلها 2010

قلت لي انو ss ارسى من افالون كلامك صحيح مانختلف باعتبار انو سيارات تايوته بعدين انت لا تقارن لسيارات اقل مستوى قارن بسيارات اعلى مستوى

بعدين ابغاء اسئلك سؤال انت لو معك باص وتبي تكسر منحنا قوي يمديك مستحييل
لو كلامك صحيح كان شفت كل السيارات الايطالية تتعدى 5 متر مثل الكابرس

اما للمحرك المعذرة كلامك غير مقنع ابدا لعدت اسباب

يالحبيب انت تبي تقولي انو السيارات الامريكة افضل من الالماني من ناحية المحركات
لو كلامك صحيح كان شفت bmw لو تحسب الاحصنة بالنسبة لعدد اليترات تستغرب
bmw m6 560hp 4.4L twinturbo
ممكن انت تقول ضعيفة مقارنة بالكورفت
صحيح
بس مو بسبب المكينة بسبب وزن السيارة الثقيل

الالمان انا اشوف اتفوقو على الامريكان براحل من ناحية
الامان
الفخامة
المحركات المتطورة بتقنية twinturbo
يعني بالعربي
روح جرب ss
وروح جرب bmw m3 او audi او mitsubishi evo او GT-R
وراح تشوف الفرق راح تقول انو الكابرس سيارة جدا بسيطة من كل الجهات
اللهم حاطين فيها مكية قوية وبس

وشكرا

أخوي BMW M
المسأله في تصميم المحركات مدارس وأفكار وكل العالم بالأخير يتجه بالأخير في انتاج محركات بقوة معقولة وتكون صديقة للبيئة من حيث هدر الطاقه والانبعاثات .. الخ

تخيل محرك LT1 الجديد سعته 6.2 وتدري ان أبعاده وحجمة ووزنه أقل من محرك BMW 4.4 twinturbo
هذا بغض النظر عن صرفية الوقود اللي في lt1 افضل بفرق مو سهل
ومع العلم ان محرك lt1 قوته اكثر وعزمه اكثر
هاه اش رايك في الكلام هذا ؟

انا عندي كابريـس 2011 وربي كلامك بطل الجزئية الأولى

الكابريس طويل واتوقع اي واحد معاه الكابريس يحس بطوله الزايد رغم انه ما شاء الله من الداخل وسيع

على العموم في أستراليا السيارة فئتها Long base والسيارة تقريبا سوقها اغلبه رايح للنقل الخاص شركات ورجال اعمال وكذا

أنا من ناحيتي لو بس ينزلون شفرلية اس اس عندنا راح تلاقيها تاكل السوق أكل :xyxthumbs::xyxthumbs: بس غباء سياسة شفرلية عندنا
شفرلية اس اس أخف وزن واكثر تماسك واقصر بفرق مو سهل وانسيابية أكثر واستجابة التعليق فيها أفضل بحكم الثقل والطول ولفتها افضل بكثيييييير وبريكاتها اكثر فعالية ( يعني سيارة رياضية بمعنى الكلمة )

طيب كنت باقولك انه رغم ان الكابريس طويل الا ان سواقتها باللفات أسهل مما تتوقع وهذا الكلام مقارنة بأفالون اللي أقصر منها ورساوتها افضل بكثير من افالون مو شوية كثير كثير

كابريس بالشاصيه الطويل نزلت في أمريكا بوليس وكم مجلة عملت لها تجارب ونتايجها جدا مقنعة مقارنة بالسيارات اللي تعتبر رياضية بنفس السعر

أما مسألة المحرك فكبر المحرك ماهو مشكلة 6 لتر او 6.2 لتر
لو كان مشكلة او غباء كان شفرلية طورت الجيل الخامس بسعات اقل لكن كان فكرتهم واضحة ان السعات الكبيرة أفضل أداء وأفضل عمر وأفضل استهلاك وقود

محرك الكابريس من الجيل الرابع وهذا الجيل خلاص على نهايته من التسعينات
الجيل الخامس بالطريق ان شاء الله

عليكم السلام و رحمه و بركاته

اللومينا اس اس هي السيارة اللي حجمها مناسب على كلامك :)

صحيح الكابرس سيارة طويله و محركها كبير و كل محركات الشفر كبيره بشكل عام ..

لازم تعرف ان الكابرس قوته 348 حصان فقط و حجم مكينته 6 لتر و camshaft واحد فقط في المكينه
و اذا كان بينزل الجديد اللي بهذا الموضوع 425 حصان و حجم المكينه 6.2 و camshaft واحد فقط في المكينه
و الموستنق مكينته الجديده قوتها 420 حصان و حجم المكينة 5.0 لتر و لكن عدد الــ camshaft في المكينه هو 4 !!!!

معروف camshaft هو اللي يعطي السيارة العزم الصحيح

و اقرب مثال موتري انا كابرس 6 لتر ... من وكالته 348 حصان

بمجرد استبدال camshaft الوكاله الى رياضي ارتفعت قوه السياره فوق 70 حصان زياده !!!! مع اضافه القزوز و الفلتر الرياضي و برمجه السياره المكينه جابت فوق 530 حصان !!
و تذكر السيارة الى الان تنفس طبيعي و camshaft واحد فقط :)

فلو نفترض ان شفر فكرتك تنزل محرك 6 لتر ب camshaft اثنين مو واحد كيف راح تصير قوه السيارة ؟؟

مثال فيديو للفرق اللي يسويه الــ camshaft ... :
الفيديو هذا تم تصويره من سيارتي .. و هي تجربه مستوى السيارة بعد تركيب الكام مع سيارة بكام الوكاله
السيارتين كابرس و نفس التعديل الاختلاف فقط ان سيارتي عليها camshaft رياضي و صاحبي الــ camshaft حقه وكاله اضف الى ذلك ان معي حمل و راكب بالسيارة و البرمجه لم تبرمج بشكل كامل ( 40 حصان ناقصه ) بعد القومه تم تعديل البرمجه و المكينه جابت فوق 530 حصان

http://www.youtube.com/watch?v=dyZ7vmY0WOA

و هذا مقطع اخر
يوضح صوت السيارة قبل تعديل البرمجه
ماشاء الله تبارك الله

http://www.youtube.com/watch?v=pLqZ-ixrE64
______________

صحيح ممكن الكابرس ما ينفع يكون سيارة رياضيه ... لكن ما دام فيه المكينه 6.0 لتر اكيد راح يكون رياضي :)
و بالنسبة للدودج للاسف دايما نسمع مكاين و احصنه لكن مستواها بالحقيقه سيء بمقارنه باحصنتها .

____________

بالنسبة لصرفيه البنزين ... احدث محرك شفر انتج هو lt1 و هو على الكورفت 2014
خلينا نقارنه مع الموستنق من ناحيه صرفيه البنزين و الحجم و الــ camshaft

الموستنق قير عادي
المحرك : 5.0 لتر
القوة : 420 حصان
عدد الكامات : 4
صرفيه البنزين بالميل : على الخطوط السرعيه 26 ميل لكل جالون .. داخل المدينه 15 ميل لكل جالون

الكورفت الجديد قير عادي
المحرك : 6.2 لتر
القوة : 450 حصان
عدد الكامات : كام واحد فقط
صرفية البنزين بالميل : على الخطوط السريعه 29 ميل لكل جالون .. داخل المدينه 17 ميل لكل جالون

اخالفك الرأي ..
الكابرس من يومه معروف انه طويل ( اطول من اليوكن )
و انت تقارن موستنق و هي كوبيه و تفرق عن الكابرس اشياء كثير :)
لو ينزل الكابرس هذا بالسعوديه راح تكون نقله نوعيه كبيره .. لكن العيب الكبير ان HSV قطع غياره غاااليه جدا

السلام عليكم ورحمة الله

السيارة جدا جميلة لكن عيبها الوحيد انها جدا طويلة ولو تلاحظو مثل bmw الفئة السابعة تقريبا و s class و audi a8 ما احس انها من جد super sport مثل منهم كاتبين عندنا كابرس ss

المفروض يصنعو للss هيكل جديد اكثر انسيابية واصغر مثل bmw m3 او bmw m5

ويوجد عيب ثاني في السيارة حجم المكينة الكبير 6.2L على الفاضي لو تروح للموستنج 5.0L و 420hp صراحة قمة في الابداع
والشلبي 5.8L 662hp محرك جبار بمعنة الكلمة

وشكرا على الموضوع

وكم سعرها مليون الا شوي

لكن اتمنى ان تكون منافس ل الدودج و طقتها

هذا الموتر يالبا شكلة

سيارة جبارة فعلاً :xyxthumbs:
و شكل العدادات رائع فعلاً ..

أن كانت هذه هي الكابريس الجديدة فـ GM وفقت في التصميم الجديد :)

شكراً لك على الخبر