لاهل السوناتا 2014 ارائكم وخبراتكم

انا جربت لا .. ولو ماهي ممتازه ما انتشرت للامانه ,

لكن عني انا ابدا ما افكر فيها .. اغلب اللي اعرفهم يعانوا من البانوراما وهربده وديكورها ركبت السياره بكل امانه ممل وما اعجبتني اانا ابدا .. ,

وصراحه اللي نكبها اكثر وانت ماشي ماعاد تعرف وش موديل اللي قدامك من لعب الشعب بالاصطبات وغيره ف ضاعت شوي هوية السياره ,

السوناتا بدات تاخذ مسار الكامري للامانه ,
شف الفيوجن و الاكورد والالتيما كخيار اخير .. ,

السيارة اعتقد انها استخدام داخل مدينة مشاوير نوعا ما قصيرة

عملية و قطعها متوسطة و الصيانة الدورية عند الوكيل غااالية

احلى شي فيها الداخلية جدا رايقة وخاصة العدادات

اكثر عيب الكراسي مهي مريحة

انا امتلك سوناتا 2012 فل كامل
ماشاء الله السياره من افضل ماتتوقع الدعسه ممتازه و الجوده الداخليه جيده جدا
الايجابيات
دعسه جيده جدا
رساوة السياره جميله جدا
نعومه في القياده
جودة المواد الداخليه جيده جدا
...............
السلبيات
العزل الارضي سيء
البانوراما فيها طقطقه
................
المشاكل
سيت السائق اخترب الكهرب بس الحمد لله تم التصليح
هذا ملخص التجربه
اتمنى اني افدتك
تحياتي

اخوي مجروح المشاعر كفى ووفه
ازيد عليه انه الفل كامل فيها جميع وسائل السلامة .
بس لو سعرها وصل 95 الف فل كامل
شوف ازيرا نص فل 6سلندر فرق 6 الاف
والسوناتا في الكرف :xyxthumbs: تجربة استاندر
واهم شي الاستخاره

من تجربة السيارة ستين و130 الف كيلو(مشاء الله تبارك الله ) نصف فل
وكيل المجدوعي- الاحساء
الصيانه :
1-اغير الزيت كل 5.000 كم خارج الوكالة
2-وعملت صيانه في 75.000 كم وغيرت الفحمات وزيت القير وفلتر المكينه والمكيف والبواجي فقط ب2000 ريال
وكان فيه تهريب زيت خفيف طلع من الصوفه غيروها لي على الضمان من ضمن صيانة 75.000 كم
مع العلم اني اخر صيانه معاهم ع15.000 كم
3- صار عندي انحراف في الكفرات الخلفيه واتوقع انه من السرعه العاليه والمطبات مما ادا الى تاكل الكفرات من الداخل صلحته خارج الوكاله ميزان كمبيوتر ب300 ريال
4-صار عندي صوت هواء في الفتحه وصلحته عند الوكيل لاكنه رجع يبان على السرعات العاليه من 120كم وفوق
5- غيرت البطاريه بعد سنتين بعد ملاحظة ضعف البطاريه
الوكيل مقارنه مع الوكلات الاخر اشوف انه افضل
السيارة تعتبر من السيارات الاقتصاديه متوسطه الحجم
مقارنه مع السيارات نفس الفئه اتوقع انها تميزت عليهم وخاصه بالنورما والسعر واتوقع قطع الغيار ارخص
البنزيل جدا رائع :xyxthumbs:100%
فل وهي على E ب30 ريال توصلك اكثر من 600 كم براحه على سرعه 120 كم
الرساوه والصوت والهواء :
اعطي الرساوه 70% وخاصه على السرعات العاليه وصلت فيها 220 كم/س
اعطي الصوت والهواء:60% وخاصه على السرعات العاليه مع فتحة البنورما
التبريد :
اعطي التبريد 75% التبريد على الطرق السريعه افضل من داخل المدينه = تبريد السيارة متحركه افضل من هي واقفه
ملاحظات على المكيف :
1- المكيف لا يفصل (مني متاكد)
2- فلتر المكيف ضعيف تدخل علي بعض الروائح الخارجيه والتهويه مقفله
3- الكمبرسر يعمل عندي ضغط اغلب الازرار المكيف حتا لو تبي تتحكم بدرجة حرارة الهواء يشتغل وهذا يسبب مشكله وخاصه اللي عنده اطفال يلعبون بالازرار اثناء حركة السيارة
الامان
الامان 45% اتوقع لا يوجد في السيارة مانع انزلاق ولا اي نظام فرامل والاربقات فقط للسائق والراكب
(ممكن الفل كامل انضمت الامان افضل )
اشتسعار حزام الامان جيد (عجبني)

المواد الداخليه : 65%
ارى ان الجلد مجمل في السيارة افضل من القماس ( فخامه - نظافه - راحه - رائحه )

القياده والمساحه الداخليه :
ارى ان السياره ذات طابع شبابي وسبورت وخاصه مع تحويل لتغير اليدوي والتغير خلف المقود ومساحات التخزين واماكن الاكواب ممتازه والديكورات الداخليه منسقه وخاصه مع وجود الشاشه
والتحكم بقيادة السيارة جيدا من ناحية المناورة والسرعه والفرامل
والمساحه الداخليه للركاب جيده


سعر السيارة اثناء البيع ينزل الشي الكثير
اختلاف المواصفات والاسعار لجود ثلاث وكالات مختلفه للهونداي غير المعارض والسيارات الخليجيه المستورده

امل اني افدك وجميع القراء
وشكرا

ااسﻻم عليكم اخوي انا من خﻻل إطﻻعي على السوناتا في الصور الفيديوهات المسربة أرى أنها اصغر بدي طبعا 2015 اتكلم
حسيت انها نهجت نهج تويوتا في الكامري .فصار ما في خلفية انا اقولك انتظر ممكن يعدلون مكينها المخيسة صراحة عاالاقل
تصير 2500 سي سي وتكنلوجيا افضل احسن من ال2400 سي سي و ممكن يعدلون رساوتها ﻻن رساوتها 0%
مع الاسف والله يوفقك للسيارة الطيبة

مااقدر افتي فيها لاني ماجربتها
بس اهم شي يكون فيها وسائل الامان من مانع انزلاق وايرباقات جانبيه اذا ناوي تشتريها
من رايي انا السيارة بيتغير شكلها تقريبا بعد سنه

بصراحة تكلمت عن تجربتي مع السوناتا في كثير من المواضيع

الظاهر بعض الشباب لو شاف ردي بيقول لي ازعجتنا ^_^

عموما صرفية البنزين جدا ممتازة ولا فيها أي زيادة ..

الفل بحوالي 28 ريـال يمشيك فوق 400 كيلو داخل المدينة ^_^

وطالما بتاخذ فل فجميع وسائل السلامة راح تكون متوفرة

مع اني أتمنى تشوف الأزيرا ولا راح أزيد على هالكلام

والله يوفقك للسيارة الطيبة ..