اكسبلورر 2014 & مازدا cx9 2014

بالنسبة لسوء التنظيم عامل مشترك بين معظم الوكالات

بالنسبة لليوكن ما عندي خلفية عنه ابدا ما احب هالموتر لله في الله

بس له شعبية جيدة وكثير مدحه لي قبل شراء الاكسبلورر و اغلب من مدحه قالي قوي و مريح لكن داخليته لك عليها شوي

خيار جيد و استفد من نزول اسعاره الآن اذا ما تهتم بالشكل الجديد

و موفق اخي العزيز

اليوم رحت لمعرض الحاج حسين على رضا وبصراحه شاهدت سوء تنظيم وعدم اهتمام هذا وانا للان مااشتريت
كيف بكره بالصيانه ،،، انا متردد كثير بالمازدا لكن هالسبب غير رائي عنها

الخيار الان تغير لليوكن باذن الله
نسال الله الخيره والتوفيق

شكرا لكم جميعا على نصائحكم وتفاعلكم وجزاكم الله خيرااا

انا اشوف مراتب المازدا أوسع من الاكسبلورر
لاني شفت السيارتين على الطبيعه

مبرووك والله يوفقك بسيارتك الجديدة

شكرا على الإضافة

بالنسبة للعزل اكثر السيارات فيها ملاحظات ونادر ماتحصل سياره عزلها ممتاز

فيه اشخاص اعرفهم اخذو اكسبديشن ويعاون من سوء العزل

كلامك منطقي وفي محلة
المميزات اللي احتاجها والممكن تتوفر لي هذي من الأوليات
لكن بالمقارنه لازم نحسب كل سيارة وش فيها ومافيها علشان نحدد السعر العادل

مميزات المازدا جميعها احتاجها مثل الزينون والفتحه والجلد والشاشة والنافيقيشن وهذي ماهي متوفره بالإكسبلورر

تحياتي وشكرا على الإضافة

الفل من الاكسبلورر حلو لكن سعره مبالغ فيه كثيييييير
اهم شي عندي هو قوة وجودة السيارة (( يعني ماتهرقل بعد كم سنه ))

اشكرك على الإضافة ونسال الله الخيره فيما يختاره

مشكوور على الإضافة

هل البرودة تصل للمرتبة الثالثة بشكل ممتاز ام لا ؟؟

السلام عليكم
CX9 كانت خياري الأول, لاكن بسبب ضيق المراتب وعدم وجود مكيف للصف الثالث ,تحولت الى الباثفندر الجديد..

السلام عليكم

بس حبيت اقول ان المازدها تملكها شركة فورد والسي اكس 9 ان ماخاب ظني شاصيه هو نفس شاصي الفورد ايدج بينما الاكسبلورر شاصيه شاصي فولفو بحكم انو فورد كانت تمتلك شركة فولفو
بالنسبه لمقارنتك الاكسبلورر اكيد انه افضل لكن المشكله انه ستنادرد والمازدا فل كامل وانا بقولك ياخوي ترى بعض مواصفات الفل كامل ماتحتاجها بالعكس ممكن تكون عبئ عليك بينما الاكسبلورر والامريكي بشكل عام مواصفات الاستنادرد تجي مثل مواصفات النص فل الياباني واحيانا الفل مثلا عندك مثبت السرعه هذا اساسي عموما انا اللي ابي اوصله لك انك تشوف مواصفات الفل كامل بالمازدا هل تحتاجها او لا لاتمشي ورى كلمة " فل كامل " شف وش احتياجاتك وقرر
بالنسبه للعزل بشكل عام الامريكي افضل من الياباني والمازدا تحديدا كثير اشتكوا من سوء عزل المازدا 6 الجديده ادخل المنتدى الياباني وبتشوف الموضوع هناك
وبالاخير اهم شي الاستخاره والله يكتبر اللي فيه الخير
بالتوفيق،،،

حياك الله اخي
ارجع و اذكرك اخي بان كلامي كله عن مازدا6 و اتوقع ان الاكس سي 9 نفس الوضع

بالنسبة للمكيف أبد لم اشتكي منه لكن زميلي معه موديل 2009 و يشتكي من ضعفه و دايم يشتكي من الكمبروسر فاظن ان مشكلة المكيف في موديلات دون اخرى او عند اشخاص دون آخرين
بالنسبة للبنزين ما عندي خلفيه لأن الجيوب تصرف اكثر من السيدان و اتوقع لو فيه احد من الاخوان عنده خلفية ما راح يبخل بالمعلومة

لكن ما دام ما تهتم لمسألة الدبل و السرعة و قوة المكينة و قيادتك للسيارة هادية و داخل المدينة فهي خيار جيد خصوصا ان الفل منها فيه مواصفات جميلة بسعر معقول لكن افضل انك تجربها اول و تجرب الاكسبلورر حتى تاخذها عن قناعه تامة
لأني بصراحة اخذت الاكسبلورر فل كامل و انبسطت فيه جدا لأن قيادته ممتعه و تحس انك في سيارة سيدان من خفته و سهولة التحكم في السيارة على الرغم من تحذير الكثيرين منه الا انه الى الان اشوفه جيب ممتاز

و اهم شي تعمل قائمة بالامور اللي تهتم فيها و لابد من توفرها في السيارة و حدود ميزانيتك

و لا تنسى الاستخارة و موفق أخي العزيز

مستوى البرودة رائع ولايوصف ..

شكرا ويعطيك الف عافية على التوضيح والنصيحه
من كلامك اخوي استنتج ان المازدا افضل
لان الخرابات اقل والجودة اعلى
والشكل احلى بكثير

بخصوص الدبل والسرعه انا ولله الحمد مالي فيها كثير ونادرا أوصل سرعه 150

طيب كيف مكيف المازدا وهل فيه ملاحظات
هل صرفية البنزين المازدا اقل من الاكسبلورر

شكرا لك مره أخرى

بسم الله الرحمن الرحيم

راح أكلمك أخي العزيز من واقع تجربتي أنا حاليا امتلك مازدا6 موديل 2005 و اكسبلورر2013 رغم اني ما امتلك اكس سي 9 بس اتوقع انها قريبة كثير من جودة مازدا 6
بالنسبة لي لو خيرت بين مازدا سي اكس 9 و الاكسبلورر أخذت الاكسبلورر لأني أهتم لقضية الدبل كثير ودبل الاكسبلورر افضل بكثير من دبل المازدا
بالنسبة للمازدا تتميز عن الاكسبلورر بالشكل الخارجي و المواصفات الداخليه في الفل ممتازة بالنسبة للسعر المدفوع فيها وراح تنبسط من اعتماديتها لانها افضل و جودتها افضل و خراباتها قليلة و القطع الاستهلاكية راح تحصلها و اسعارها معقوله ليست غاليه جدا و لا رخيصة و لكن اذا غيرت قطعه تنسى منها بالنسبة للقطع غير الاستهلاكيه كنت اطلبها و تجلس اسبوع و تصل بالنسبة للصيانه في الوكاله حرامية كانوا يأخذون واجد وشغلهم مو بذاك الزود فصرت اشتري القطع و اصلح برا و الحمد لله امورها عال العال فيه مشكلة الزجاج يخرب بدون سبب فجأة بعد اربع سنوات من شراء السيارة او خمس علق الزجاج و لا رضى يرتفع و رحت لقيت هالمشكلة شائعه في المازدات و شريت قطعه و ضبطت . يعني سيارة ما راح تتعبك بالاعطال اذا كانت بنفس جودت مازدا 6 و انا كنت حاطها من ضمن خيارات الشراء بس تركتها لاني ابي اغير موتر ما ابي من نفس الشركة مشكلة السي اكس 9 اذا كان تبي الفل الكامل الدفع الرباعي راح تلاحظ ان الدفع الرباعي مستمر و ما فيه وضعيات تتحكم فيها و فيه مشكلة ثانية اللي هي ان السيارة تحدد على سرعه 160 غير كذا اظن السيارة ممتازة جدا وطبعا كلامي عن القطع عن مازدا6 و ليس سي اكس 9 لكن اتوقع ان الزيادة بتكون معقولة

بالنسبة للاكسبلورر السيارة ممتازة و مريحة العزل فيها جيد التكنلوجيا اللي فيها متطورة جدا و لو قدرت تاخذ نص فل و لو موديل 2013 افضل لان الموديل الجديد ما اختلف كثير عن الموديل السابق وراح تستمتع بقيادتها و تحس بخفتها و نعومتها على الطريق فيه بعض المشكلات الاولى احيانا يكون فيه صوت هوا بسبب القطعه البلاستيكيه اللي في الزجاج الامامي وهذي تتغير ع الضمان المشكله الثانية لما تدوس بنزين راح تشم ريحة كربون خفيفه في السيارة وهي للحين مالها حل و الوكاله تقول الريحة هذي طبيعيه وكل ملاك الاكسبلورر عندهم نفس المشكله المشكله الثالثة الاصوات سواء من الابواب او عند صعود الارصفة الخ الخ اذا كنت من الاشخاص اللي ما يحبون الاصوات في السيارة راح تتضايق منها المشكلة الاخيرة الكهرباء في السيارة احيانا تتعطل بعض الانظمة الدبل او مانع الانزلاق و غالبا اذا طفيت السيارة و شغلتها تترجع تضبط ونادرا يكون فيها مشكله فعليه و لازم تزور الوكالة بالنسبة للبنزين انا الحين استخدم اكسبلورر بنزين 91 و يمشيني اقل من 500 كيلو في المدينة و السفريات بس دايم اعبي قبل لا يقرب التانكي على الانتهاء فما ادري كم يمشي بالضبط بس اشوف انه يصرف لاني كنت استخدم سيارة سيدان و لا فيه مقارنة في الصرفية
بالنسبة للسي اكس 9 ما ادري كيف صرفية البنزين
و بالنسبة لقطع غيار الاكسبلورر للحيم ما احتجت قطع لكن عند السؤال عنها كانت معقولة الى حد ما

انا تعاملت مع الوكالتين اشوف ان الجزيرة افضل للحين مع اني ما اختبرتهم بشكل كبير بس اكثر العايلة تتعامل معه و ما فيه ملحوظات عليه الا مسألة الزحام و ضرورة حجز موعد

لو كنت مكانك اول شي اصلحه اجرب السيارتين سواء باستئجار او تاخذ سيارة احد الاقارب اللي يمتلك السيارة يوم وجربها بعدين اعزم واستخر و الله يكتب لك التوفيق.

مازدا cx9 فل كامل

شكرا لك اخوي على الإضافة
لكن الاكسبلورر XLT سعره 153 الف
المازدا فل ابشن 127 الف
يعني فرق 26 الف ريال

وحتى مواصفات الاكسبلورر اكس ال تي ماهي نفس الفل ابشن للمازدا

بصراحه امر محير مع اني اميل للمازدا اكثر
لكن متخوف من الوكيل وخدمة مابعد البيع

الإكسبلولر أعتقد تقدر تاخذ XLT بقيمة المازدا CX9 فل كامل ..
لو كان XLT , أنصحك في أكسبلولر

أما لو كان ستاندرد , فأكيد أنصحك في المازدا

و الله يوفقك أن شاء الله :)

جزاكم الله خير وشكرا على التجاووب

نسال الله الخيره والتوفيق من عنده

استفد من عرض الجميح للسيارات

من وجهة نظري وامكن البعض يخالفني لكن العرض الحالي مغري بصراحة للي ما يهمه تغير الشكل في الموتر 2015 ويبغاه استعمال شخصي

التاهو 134900ريال / اليوكن 144900ريال

اذا المازدا فل والاكسبلورر ستاندر
أنصحك بالمازدا وبقوووووووة

مع أفضلية وكيل فورد توكيلات الجزيرة على وكيل المازدا

تحياتي