المرسيدس E320 موديل 1992 مدهوك من كثرة الشغل
جبت فيها الـ 100 خلال 7.5 ثانية وخلال 8 ثوان وأحيانا خلال 8.8 ثانية بس مو أكثر من كذا أبدا... ومدري ايش هو السبب؟؟!! أحيانا والله أخاف من قوته وأحيانا أحسه ثقل شوي!!!
مرة من المرات عند الإشارة دعست عشان أجتاز الصف الأول وأسقط على كل السيارات وآخذ لفة، كانت أقوى سحبة يمكن لو كملت وكنت جالس أحسبها كانت طلعت 6 ثواني!!! انذهلت من الموقف ومن سرعة الانطلاقة العجيبة وذيك الفزة اللي اعطتني انطباع اني داخل فيلم ماشي بالحركة السريعة بالفيديو...
السيارة شد بلد، بس يمكن الجربوكس فيه خلل من كثرة الدهك وأحيانا يعطي قوة فوق الطبيعية وأحيانا يثقل؟!
وأرجو أي أحد عنده نفس هذا المرسيدس يقلي في كم ثانية يوصل للـ 100 وأكون شاكل له
واللي متأكد مه إن هذا المرسيدس يقوم على الماكسيما بجميع موديلاتها سحبة وخط دون نقاش، رغم حبي للماكسيما ولكن ما أبي أهضم حق هذا المرسيدس العجوز
