السلام عليكم ورحمة الله وبركاتة
صبحكم الله بالخير أخواني
حبيت أعرض لكم تجربتي المتواضعه في امتلاكي للتحفه الألمانية فولكس واجن باسات 2014
طبعا انا من عشاق الكوري وإلى الآن استعمل الكوري والحمدلله سيارات ما شفنا منها إلا كل خير
آخر سيارة كانت عندي هي التحفه جينيسس كوبية 2013 سته سلندر 3.8 ،، طبعا هذي السيارة غنيه عن التعريف صراحه
وانا انصح كل واحد يبغي ياخذ كوبية بسعر معقول وعزم وسرعه وأمان عليه بالجينيسس كوبية صراحه سيارة بمعنى الكلمة
المهم جا نصيبها السيارة وانباعت مع إني ما بغيت ابيعها لأني كنت مستمتع فيها لأبعد حد ،، كأني طولة عليكم خخخخ
فا قررت بعد الإستخاره إني اشتري سيارة ماعمري امتلكتها وتكون غير عن باقي السيارات إلي كانت عندي طول السنين
فا وقع الإختيار بعد الإستخارة على فولكس واجن باسات ،، رحت جربتها مرتين خخخخ ازعجت الموظف في الوكالة مسكين
بس عشان آخذ قدر الإمكان الإنطباع الكامل عنها
الحمدلله شريتها بسعر طيب 80000 ريال كاملة مع التسجيل والتأمين
انطباعي عن السيارة ::
المميزات :
1- نعومه في القومه وفي الخط وعلى المطبات ما تسمع صوت الحفر في راسك خخخخ
2- ثبااااااااات ياربي عليها بس (( ما شاء الله تبارك الله ))
3- عزل الأرض أعطيه جيد جدا
4- عزل الهواء أعطيه جيد
5- الجودة العالية للمواد المصنعه منها السيارة سواء في الداخل او الخارج
6- السياقه فيها ممتعه لأبعد درجه وهذا يرجع لوضعية الكرسي والدركسون والدواسات كلها متناسقة مع بعضها البعض
7- السيارة واااااااااااسعة وأعني ما اقول واااااااااااسعة بمعني الكلمه من الخلف
8- شنطة السيارة وااااااااااسعه وتذكرني بالكراون فكتوريا
9- المسجل انا أعطيه جيد جدا
10 - المكيف باااااااارد ما شاء الله بس في ملاحظه ، في ناس يقولون لك دفعه ماهو قوي لكن صدقوني يا جماعه ان هندسة السيارة من الداخل ما تخلي اشعة الشمس تسيطر على السيارة من الداخل فا ما تولد حرارة كبيرة فا من كذا المكيف ممتاااااااز
11- متانت بودي السيارة يعني تحس بالأمان الألماني فعلا
12- في شي بالنسبة لي أعتبره ميزه مادري عن غيري ،، ان النوافذ تترفع وتتنزل اووتو يعني كبسة وحده فوق ترفعها وكبسه وحده اسفل تنزلها وهذا يعطي اريحيه لصاحب السيارة
13 - ميزة الأمان في النوافذ اذا أحد حط صبعه والزجاج يرتفه يرجع تحت لحاله وهذي ميزه راااائعه للي عندهم أطفال نفس حالتي
14 - الأمان الأمان الأمان الألماني غييييييير ،، الباسات إلي عندي هي أقل نوع لكن فيها 6 وسائد هوائية نظام ABS نظام الدركسون EBD نظام ال ESP مانع الإنحراف ونظام TRC مانع الإنزلاق يعني خمس أنظمه اساسية للأمان في سيارة ما يتعدى سعرها ال 80000 ريال !!!!
المميزات كثيرة صراحه بس مابغي أطول عليكم أكثر
نجي للعيوب :
انا عن نفسي أكتشف عيب واحد فقط حاليا
الدركسون يصير ثقيل في حالة الباركنج او الوقوف في المواقف يعني على سرعة بسيطه لا تذكر ،، وهذا عيب كبير نوعا ما في السيارة بالنسبة لي ،، كانو يقدرون يخلون الدركسون يصير خفيف على السرعة البسيط وثقيل على السرعة العالية لكن كل شركة وسياستها
نجي للمحرك والعزم والقير بوكس :
1- المحرك : 5 سلندر يولد قوة 170 حصان وعزم 173 ، السيارة طبعا ليست سريعة جدا جدا لكن المحرك شايل البودي والسيارة تحسها خفيفة
2- القير بوكس : 6 نسب ناااااااعم يستجيب بسرعة لأي دوسه طارئة وهذي ميزه انا شخصيا أحبها في السيارة
هذا إلي اقدر اقوله عن هذي التحفه وإن شاء الله لي تقارير جاية إذا السيارة وصلت 15000 كيلو
في النهاية سامحوني ياجماعة إني صدعت راسكم بالتقرير الطوييييييل بس والله اتمنى إني اقدم شي حق هذا المنتدى الرااااااااائع
وأي استفسار انا حاضر ومن عيوني :xyxwave:
