أخوي لحن المشاعر ،
:)
ما قامت به جي إم من استدعاءات واجب تشكر عليه ،
تساؤلي كان ،
مالذي يجعل الأعطال تتزايد في الجيل الحالي والسابق 2006 - 2014 ؟؟ مع سوء للديكورات الداخلية للجيل السابق ؟
قد تقول ان الأعطال كانت موجودة لكن لم يكن هناك استدعاءات ،
نقول أنه وبالتجربة ثبت أن الموديلات القديم أكثر عملية وأقل أعطال ،
وقد تقول أيضاً أن هذا ضريبة التقنية والحساسية في الموديلات الجديدة ،
نقول ان هذا ليس بعذر لأن كل السيارات الجديدة مليئة بالتقنية ومع ذلك لم نسمع بأعطال متكررة كما هو حال سيارات جي إم ،
نعم نسمع من هنا وهناك بعض الاستدعاءات لكن تردي جودة سيارات جنرال موتورز ثابت بشهادة المجربين وشهادة الصانع !!
وفقك الله :)
العيوب شي .. والعمليه شي اخر
يعني الاستدعاءات هذي .. مشكله وتنحل .. وعقبها احكم ع عمليه الموتر
زي الشاص اللي تضربون فيه مثل الاعتماديه فيه عيب بالمكينه مسمار يطيح اي وقت ويكسر المكينه وتوضيب
الوكاله لاتعترف فيها .. وان شلت المسمار ولحمت مكانه .. وصارت لك مشكله بالمكينه قالو سوء استخدام بسبب التلحيم وتاكلها هوا بسبب شركه لاتعترف ولا تصلح عيوبها بل انت تدفع لها فوق عيوبها !
ولحد الان لم تحل .. شاص وربع واف جي .. بورشه ببريده كل فتره يجيبهم دفعات توضيب .. واللي يبي وصف الورشه يعلمني .. غير العيب الاخر الكرنك لايتحمل الجور وينكسر ع طول
وكل هالمشاكل ولازالو يضربون فيه مثل الاعتماديه .. لكن شركه اخرى مشكله بالرادو مثلا
لا خلاص الشركه تردت وجودتها بالحضيض :a1120(121):
طبعا كلامي ذا مجرد مثال وحاب اوصل لمعلومه
" لو كل شركه تعترف بعيوبها وتصلحها مجانا كان جنرال موتورز كانت افضل السيئين "
ليس تعصبا .. بل عيوب جنرال موتورز ليست مكلفه ابد .. عكس العيوب اللي ذكرتها بمثالي !
غير التجارب الاخرى ل صحاب لي اشترى فورد حوض 2014 فيه عيب بالدبل
الموتر يمشي بالبر بدبل وفجاءه يغرز وتسمع اصوات طقطقه قويه بالدبل وبعدها لايعمل ولايفصل معك الدبل ولازم سحب :confused1:
لاحد يقول انا جربته ولاشفت هالعيب .. بقولك مو شرط العيب يكون بكل الفرود الحوض زي استدعاءات جنرال موتورز ليست لكل سياره صنعوها بل عدد محدود !
عموما حنا كل جيل جديد تتكرر الاسطوانه المعروفه " القديم اقل اعطال وحساسات " فتره وتختفي
ولو جنرال موتورز تعترف بعيوبها سابقا زي الان وتهتم فيها .. كان الان نقول انها افضل من السابق
