السلام عليكم
اخواني سيارتي شفروليه كروز 2011 ماشيه بس 37000 كم والسياره ما شاء الله عليها كان ما فيها شئ وانا محافظ على الصيانه بالمواعيد
المهم فجاه وانا واقف على اشاره ما رضيت تمشي على ال D او على التبترنك لكن ترجع ريفيرس عادي وما في اي اشاره على التابلوا . وقفت السياره وسحبتها للبيت بسطحه واخذت موعد عند الجميح المهم الجميح قالوا تبي توضيب قير بمبلغ وقدره قلت ما راح اصلح عندكم ورحت اخذت السياره وانا اشك ان الجميح اصلا فحصوها.....
المهم لما رجعتها نزلت تحتها لقيت في تعريق زيت على القير من تحت تعريق كبير... شغلتها وصرت اضغط بنزين بقوه وفجأه طلع مؤشر شيك انجن و نتعت السياره ومشت على D واختفى التبترونك ما يطلع الا D والسياره تمشي بدون عزم وضعيفه لحد ما توصل لسرعه 30 او 40 بعد هاي السرعه السياره تصبح تمام وتسحب زي الفل ولا نتعه ولا اي شئ ولا كانه فيها شئ وتسرع ووصلت فيها سرعه 120 ..... ولكن لما اوقف على اشاره او شئ يصبح عزمها ضعيف مره ثانيه لحد ما اوصل لسرعه 30 تصبح تمام
ولما اضفيها واشيل المفتاح وارجع اشغلها الاقي الشيك انجن طافي وترجع لحالتها الاولى لحد ما اضغط بنزبن بقوه ويضوي الشيك انجن وترجع تمشي... اما اذا ما شلت المفتاح وشغلتها ما يطفي الشيك انجن وتمشي بدون عزم
يا اخوان ايش ممكن تكون المشكله لانهم بقولوا بدل القير من التشليح ولكن والله السياره والقير ممتازين وانا خايف ابدل القير ما تنحل المشكله واخسر القير حقي
اسف للاطاله لكن املي بالله وفيكم انكم تفيدونا
