لومينا 2004 بحاجة لوجهية

تمت مطالعة الصور. أتمنى أن يكون جرم الشمعات سليمة و ما سكة زين في الجسر.
أخوي , إذا أخذت هذا القطع بـ 700 ريال و كانت تشمل الجسر فهذا ممتاز. باقي الصدام. و قلت لك تقدر تاخذه تشليح أصلي إذا لقيته غير مصدوم أو تجاري. لكن أفضل الأصلي. و أضطر أن أذكر موقع أخر و أحيلك إلى منتدى (إس إس عربي). عندهم موزعين معلنين عن قطع كابرس و لومينا.. لعلك تجد ضالتك بسرعة بإذن الله.
و أجرة يد الي شفته حاول تنزله إلى 1000 أو أقل و لو أنها معقولة الـ 1200 على هذا الشغل. الشغل الأصعب و الأدق هو تلحيم الجسر , لأنه لو يضبط فإن الشمعات و الكبوت بتطلع في مكانها صح , و إذا شغل غير دقيق بتخرب واجهة السيارة كلها. فلازم تشوف سمكري محترف مو أي كلام.

شف الصور نزلتها

هذي هي الصور يبغال وجهية كاملة لقيتها في التشليح كاملة الوجهية مع الكبوت ب700 بس بدون صدام والوجهيه ماتفك لازم قص يعني سيارتي بيقصون وجهها ويركبون الجديد انا مدري كم ياخذ شغل يد التركيب كم تعطون توقع ووش تنصحوني اصلحها في اي ورشة انا ساكن في الشرقيه الجبيل الصناعية اذا احد يعرف ورشة زينه في المساندة ولا العريفي يدلنا عليها
وترا السياره تشتغل وتروح وتجي بس لو يشوفني المرور يوقفوني وانا الحين مسفطها في الورش لها يومين

عندي الصور بس ماعرفت انزلها كيف

اتركهم غالين ماتتعدى 800 ريال انا مرتين معي كسنت واغير القطع هذي من جسر وصدام وشمعه وحتى الرفرف سمكره لي كلها ب800 ريال مع اني جيت ورش اللي قال 1500 واللي قال 2000 وتركتهم اسعار اللومينا ماعرفها بس غير تجاري يطيح النص وهو مافيه فرق بعدين السياره متعرضه للصواديف بهالطريق لاتكلف اكثر من اللازم

هذه القطع غير التركيب هي تحتاج طلاء أو إعادة طلاء إذا كنت جايبها تشليح. لهذا قد يكون 1200 ريال منطقي في حال نوع الدهان جيد و ضمان سنة عليه. لا تنسى أن بعضهم يعطي ضمان سنة على الدهان و عدم تفسخه بسبب المعجون.. هذا للسمكري الذي يثق في عمله و جودة مواده.
لكن أخي الكريم أظل أنتظر صورة للصدمة. ربما أنا متخيل صدمة شديدة جدًّا و هي أهون مما أتوقع.

اعوذ بالله اخوي وش هل الاسعار النارية اذا انت بالرياض كلمني ادلك على ورشة و نشالله ما تدفع الا اللي بخاطرك

كل شيء سليم من الرديتر والاشياء الميكانيكية والسياره تمشي حتى اني رحت للورشة بالدعمه ولا فيه اي مشكلهوالتصوير ان شاء الله بحاول اصور باقرب وقت علما بان راعي الورشه الاولى قالي شغل يد ب 1200 والورشة الثانيه ب 2000
هل اسعارهم معقوله لان شغلتهم الحين بس تركيب قطع بدون سمكره

أخي, إذا قدرت تصور وجه السيارة و ترفعها لموضعك فهذا يساعد في التقدير.
التشليح أغلبه ماخذ ضربة بالوجه. إذا وجدت سيارة بوجه سليم فلا تتردد. قطع اللويمنا غالية , فلا بأس بالتشليح و بإذن الله تجد شيء نظيف.
و المستعمل النظيف هذا أحسن لك من التجاري خصوصًا الأشياء الغير معندية , و إلا لو كبوت و صدام لا بأس بالتجاري.
ما عندي فكرة عن الأسعار , لكن أقدر أن من التشليح تقدر تجيب صدام و كبوت بحوالي 400 ريال. و الشمعات ممكن الثنتين 500 ريال لأن الأصلية غالية حسب علمي باللومينا و الكابرس. و الجسر ما يتجاوز 400 ريال. و الصدام حول 200 . يعني لو كل ما ذكرت ما يتعدى 1500 ريال فهذا جيد.. و إن شاء الله أقل لأن الموديل قديم.
هل رديتر الماء و رديتر المكيف سليمين؟