آخر أنواع السخافه ..... الأمريكية
السلام عليكم جميعا
خبر قريته اليوم وحبيت انقله لكم وأشوف رأي المتعصيبن للسيارات الأمريكية
هل يوافقوني الرأي بأن المحركات الأمريكية تقلد الألمانية واليابانية ..... بسخافه ؟؟؟؟
:c0214:
وإلا يعتبرون ان هذا عصر التوفير والاقتصاد في كل شي حتى لو على حساب سمعة سيارات العضلات الأمريكية المشهووووورة بالسلندرات الثمانية والسعات الكبيرة والصوت المرعب ؟؟؟؟
:confused1:
الموضوع باختصار هو ظهور كمارو 4 سلندر تيربو !!
:a120(115):
حسب المقال ، آخر ظهور لمحرك 4 سلندر على الكمارو كان بالجيل الثالث بسنة 1980 ، كان تنفس طبيعي بسعة 2.5 لتر وكان ينتج .....90 حصان فقط لا غير
:a1120(121):
أما الآن ( أو قبل سنة تقريبا ) ظهر فورد موستنق بمحركات الايكو بوست ، ووضعها على سيارة الموستنق الرياضية
محرك الفورد موستنق 4 سلندر 2.3 لتر
ويولد 310 حصان
أما محرك الكمارو الجديد فهو 4 سلندر 2.0 لتر تيربو
يولد هذا المحرك 275 حصان عند 5500 دورة
و 295 من عزم الدوران عند 3000 دورة للمحرك
السيارة تكون مجهزه بقير عادي مؤلف من 6 سرعات بشكل قياسي
ويمكن طلبها بقير اوتوماتيكي مؤلف من 8 سرعات بشكل اختياري وبزيادة 1500$ دولار
الكمارو المزود بمحرك 4 سلندر سيكون أخف من الكمارو المزود بمحرك 6 سلندر بمقدار .... 100 باوند فقط !!؟؟؟
يعني أقل من 50 كيلو
والنتيجة : توفير بالوقود يبلغ 3 ميل/ جالون عن سيارة كمارو 6 سلندر
أما التسارع من صفر ألى 100 سيستغرق 5.4 ثواني
وستقطع الربع ميل خلال 14 ثانية بسرعة 100 ميل بالساعة
( طبعا هذا كله أقوال جنرال موتورز ومافي تجارب رسمية لغاية الآن )
السيارة لن يتوفر لها العادم الموجود على سيارات 6 سلندر و 8 سلندر ، سيتوفر لها عادم آخر ... بصوت آخر
إرررررررررررررررر
وجنوط بمقاس 18 انج بشكل قياسي أو 20 اختياري
طيب مو مشكله خلونا نشوف السعر
سعرها سيبدأ من 26,695 $ دولار وهو أقل من الكمارو ذات محرك 6 سلندر بمقدار ...... 1495 $ دولار فقط لا غير !!!؟؟؟؟
:a1120(121):
يعني لو تطلب كمارو 4 سلندر اوتوماتيك بيكون سعرها مثل 6 سلندر قير عادي
ملاحظة مهمة:
الموستنق 4 سلندر يولد 310 حصان بينما 6 سلندر يولد 300 حصان
أما الكمارو 4 سلندر يولد 275 حصان بينما 6 سلندر يولد 335 حصان
يعني فورد لما قررت انتاج موستنق 4 سلندر كان أقوى من 6 سلندر
أما الكمارو 4 سلندر اضعف من 6 سلندر والفرق بالسعر يكان يكون معدوووم !!!
:a120(115):
والمشكلة الحين بيجيك واحد يقولك واااااااااااااو سيارة خرافية ومشروع ناجح وأفضل من غيرها الاوربيات واليابانيات
:c0038:
شرايكم ؟؟؟
هل فيكم واحد يقبل يشتري سيارة عضلات أمريكية كمارو الجديدة ذات محرك 4 سلندر ؟؟؟
طبعا معروف اعذار المتعصبين على طول بيقولون ان هذي السيارة مصنوعة عشان توفر بالبانزين وان دول اوروبا وأمريكا بانزينهم غالي ومش عارف ايش وهناك عدة اختيارات يمكن تختار منها و و و و
ادري واعرف هذي الاعذار من قبل ما تكتبونها لكني بعرف هني بمنطقتنا بالخليج هل تقبلون بشراء هذي السيارة ؟؟؟
ما تلاحظون التقليد الأعمى للشركات الاوروبية والألمانية خصوصا في صنع محركات صغيرة ؟؟؟
:c0038:
لما بدأت بي ام ومرسيدس واودي بصنع محركات صغيرة وتزودها بالتيربو في ناس قاموا ينتقدونهم ويتطنزون عليهم ويتباهون بمحركات 8 سلندر ..... والآن ؟؟؟؟؟؟
:c0214:
طبعا أخونا حسن الظفيري له تجربة لفورد موستنق 4 سلندر في قناته وكان يمدحها ويقول انها جيده ، لكن لما سألته منو تفضل تكون سيارتك 4 سلندر ولا 8 سلندر كان جوابه
طببببببببببببببببعا 8 سلندر !ّ!!
:xyxthumbs:
https://www.youtube.com/watch?v=v47f2FaGFh0
مع العلم ان سعر الموستنق 4 سلندر أغلى من 6 سلندر وقريب من 8 سلندر ( هذا بالإمارات مادري عن باقي دول الخليج )
فهل سيكون سعر الكمارو نفس سعر الموستنق ؟؟
هل السيارة القادمة ستكون دودج شالنجر .... 4 سلندر ؟؟؟
:tongue:
الله يستر الله يستر عسى ما يصنعون كورفيت 4 سلندر
:a1120(82):
تحياتي
