السلام عليكم اخواني,,
عندي تاهو 2011 سعودي، فيه مشكلة تضايق كثير، ولها أكثر من سنتين، وديتها لعدة فنيين ولم يقعوا على تحديد الخلل.
هي مشكلتين ويبدو لي ان لهم علاقة ببعض.
الأولى: السيارة في تسارع دائم! بمعنى ما تقدر تتم على سرعة 80 مثلا، السيارة تستمر في التسارع الى ما ارفع قدمي عن دواسة الوقود!
يعني اللي يشوفني يقول مستعجل على طول، والحقيقة السيارة هي المستعجلة وأنا مجبر معها!
المشكلة الثانية: السيارة ترجع نمرة باستمرار، تقريبا كل 20 ثانية لابد ترد نمرة، وتقعد ثواني معلقة على النمرة الأقل ثم تعطي النمرة الللي بعدها!
فصارت سواقة السيارة متعبة جدا وتسبب التوتر، تسارع مستمر والقير يرجع نمرة ويحن ويطلع نمرة ويرجع بعد 20 ثانية يرجع !!
داخل المدينة مضطر طوال الوقت أدعس شويه ثم لابد أرفع عن البنزين لأن السيارة تزيد سرعتها وأمامك سيارات فلابد ترفع عن الدواسة كل شوي.
وديتها فحص كمبيوتر مرتين ولا يوجد أخطاء، والغريب بعد فحص الكمبيوتر تزبط السيارة ويختفي خلل ترجيع القير تماما وتخف مسألة التسارع
لمدة أسبوع تقريبا أو 10 أيام، ثم ترجع لحالتها الأولى.
فصلت البطارية عدة مرات، ونفس الوضع يصير تحسن نسبي ثم ترجع هذه المشكلتين.
هل أحد مر بمشكلة مشابهة أو عنده فكرة عن مكان الخلل؟
