مقبل على شراء جيب مرسيدس G63 لكن لدي بعض الاسئلة من اهل الخبرة

عذرا لم انتبه للمقطع لانها لاتظهر في التصفح من الجوال ...

تغير السيارة في الفيديو ليس بالتغيير الجذري من الخارج ولكن حسب مايبدوا لي ان التغيير الجذري من الداخل

تغير السيارة في 2018 زاد الامر حيرة اكثر

ايه طبعاً ، اجل انا وش ذكرت لك في الرد الاول، وضعت لك فيديو للشكل الجديد و صورة للداخلية الجديدة و هذه أمور معتمده من مرسيدس، الشكل راح يظهر في هذه السنة ان شاء الله و يباع كموديل 2018

راح يتغير شكله و اغلب التغيير من الداخل و راح يخففون وزنه اكثر و هذا امر مطلوب فيه

يعني حسب ما افهم من كلامك الجيب المرسدس بيتغير في 2018؟

لكن احب اقولك كإضافة فكر في خيارات ثانية .. و لا تحصر نفسك بين هالسيارتين..
ممكن تعجبك أكثر.

الرنج روفر فوج قيادة مريحة و ناعمة و مميز و تشعر ان المبلغ الي راح تدفعه ما راح عبث.

عندك خيارات ثانية مثل :
رنج روفر سبورت سوبرتشارجر أو SVR لو حصلت.
فورد رابتور F150 الجديد 2017
جيب جراند شيروكي SRT سنة 2016 او 2017

و ان رجعنا لخياراتك..
انا انصح في الـ G63 رغم انه قديم تصميمه اعتبره, و لكن لأنه اكثر تميز و لمجرد التغيير, لانك مالك للرنج روفر.

و لا تاخذ كلامي عن قدم التصميم بأني شخص اهتم للمظاهر, لا طبعاً .. و الا ما قلت لك شوف اللكزس LX570 على هالسيارتين.

لكن والله تصميمه و تقنياته تعتبر قديمة بالنسبة للكزس او الرنج روفر, قديمة يعني فعلاً قديمة, و كانك راكب مرسيدس 2007 بطريقة الازرار و هذا شئ انا شخصياً لا اقبل فيه مقابل سيارة يتجاوز سعرها 250 الف مستعمل و 500 الف جديد , اللكزس مثلاً جداً عملي و قدراته في الاوف رود لا تصدق, يجلس معك سنين بدون خرابات و جودته عالية للغاية, جيب من افضل الجيوب الي ممكن تحصله في السوق الآن ( بغض النظر عن الي يشوهون سمعته مثل بعض الشباب حقين الشيلات و الهولات الله يهديهم )

نرجع للمرسيدس, كل شي مميز فيه و قوته و تحمله و تقنيات الـ Off-Road الي فيه, و اقدر اقولك حضوره بين السيارات المميز, يغطي على هذا العيب بنسبة كبيرة.. و نعم اعتبره عيب لان تصميمه قديم لدرجة الملل لو نظرنا لمنافسيه..

و نعم ان كنت في مكانك و انا قلت لك اني مالك للرنج روفر مثلك, يعني عندي نفس شعورك الي يتمثل في انه ودك تستمر مع رنج روفر لفخامته و تشتري الجديد, و انك ودك تغير شوي و تخرج من اطار رنج روفر و تجرب شي جديد, وش نلقى افضل من G63 كمثال... أنا على هذا الوضع راح اجرب الـ G63 و اختاره على الرنج روفر لمجرد التغيير و التجربة, و فوق هذا لقوته و تميزه
يعتبر ايقونة من ايقونات عالم السيارات صراحة..

بصراحة مقارنتك صعبة الحق يقال :)..

و مثل كلامي الي فوق , هذا في حالة كنت مخير فقط بين G63 و رنج روفر فوج للأستعمال اليومي..
شخصياً راح اتجه لخيارات اكثر عملية و أكثر راحة, لاني راح استخدمها يومياً , مثل اللكزس LX570 مثلاً أو البورش كايين توربو
أو الجراند شيروكي SRT 2016 و الرنج روفر أكيد.
لان الرنج روفر في الراحة و الفخامة و الكلاس لا يمكن ان يهزم ..

هذه نصيحتي لك و قلت لك كل الي في خاطري بخصوصه, و السيارة سمعتها طيبة وكل الي جربوها ما اشتكوا الا من حاجتين.
قدم التصميم و ثقل البدي.. حتى الراحة قالوا عنه مريح و تجاوزو هذه المسألة و لكن قدم التصميم الكل اشتكى منه
في 2018 مع الشكل الجديد هذه ما راح تكون مشكلة بالنسبة للـ G Wagon ان شاء الله

الفيديو الي وضعته لك راح يساعدك اكثر ان شاء الله

ان كنت حصرت هالسيارتين في بالك .. فانا اقولك توكل على الله و أشتر المرسيدس
سيارة جداً مميزة, و لها حضور اكثر تميز من الرنج روفر, و الداخلية ماشاء الله جميلة جداً

و انت مجرب الرنج روفر, فـ التغيير مطلوب و جيد.. و ان مليت منه او ما أعجبك أو تغير شكله بعد سنتين, تقدر تبيعه بسعر طيب جداً وتتجه للرنج روفر مرة اخرى..

الـ G63 ممتاز جداً و عملي, و مثل ما قلت لك لها حضور مميز بالشارع اكثر من الرنج روفر و يتحمل و عملي بأذن الله

و لكن لازم اقولك انك ما راح تجد راحة الرنج روفر في المرسيدس, و لا نعومة قيادته..
و لكن راح تجد سيارة اكثر قوة و اكثر تميز في الشارع

شوف هذه المقارنة الكاملة راح تساعدك ان شاء الله في اتخاذ القرار.

https://www.youtube.com/watch?v=3NlaOS3Vxrg

تصميم و تميز الـ G63 يجعل اي شخص وده يقتنيه حقيقة, و كثير أقتنوه.. و لكن قدم تصميمه هذا الشي الي يردد الكثير عنه, و انا منهم رغم اني جداً معجب فيه, يعني مثلاً التصميم الجديد 2018 راح يأخذ من داخلية مرسيدس S الجديدة, و هذا شي جداً ممتاز له و راح يتم تخفيف الوزن فيه و هذا مطلوب خصوصاً ان وزنه جداً جداً ثقيل, الي جربه يعرف و يشكي من هذا الشي.

قوة المحرك تنسيك الثقل هذا و الثقل هذا يكون ميزة في بعض الاحيان مثل قوة البدي..

الي اوصله لك ان كل شي فيه مميز الا قدم تصميمه.. و الرنج روفر فاخر من بريطانيا المعروفة في الفخامة, و لكن طالما عندك الفرصة انك تغير, فجرب شي مختلف و ان ما اعتدت على الوضع ارجع للرنج روفر و انت كسبان خبرة و ان شاء الله بدون خساير

اللكزس ممتاز ولا يوجد فيه عيوب

ولكن العين على الجيب المرسدس والرنج روفر الفوج فقط

الكايين جربته مع اخوي ولا اعجبني قيادته
لكن بالنسبة للناغي انا مجربة ومتعامل معهم في الصيانة متعبين جدا والموظفين في الصيانة معترفين بالشي هذا ان عندهم تاخير

تقبل مروري