رابطـــة..ملاك فكتوريا وماركيز..أخبار×نقاشات×إستفسارات×إكسسوارات

السلام عليكم

عندي ماركيز 2003 ستاندر سعودي بيكمل ميتين الف قريبا
بسوي له صيانة كالتالي

تغيير الفحمات الامامي والخلفي مع خرط الهوبات
تغيير المساعدات الابعة
تغيير فلتر وزيت القير
تغيير ماء الرديتر
تغيير فلتر البنزين
تغيير البواجي والسيور
تغيير فلتر الهواء
تغيير زيت المكينة وفلتر الزيت

هل من نصائح اخرى او قطع يلزم تغييرها كالجلد مثلا او اليايات الامامية
ووين هالجلد بالضبط الذي يجب تغييرها

شكرا للجميع

السلام عليكم ...
عندي استفسار لاهنتم

اللي هو عندي ماركيز 2009 وصار عللي حادث حدني واحد وزحفت السيارة وخشيت

بنخللة من البااب اليمين المهم صللحت السيارة بس الشاصي فيه و السيارة تحذف يمين

من الصدمة اللي بالباب مع العلم اني ما كنت مسرررع فياليت اللي عنده خبرره لايبخل

عللي ولكم جزيل الشكر

على طاري الطقطقه

موتري فكتوريا 2009

أول ماأطفي السياره أسمع فيها صوت طقطقه ؟ ليه ؟

السلام عليكم اخوي المستشار/ وكل عام وانت والمسلمين بالف خير
عندي سؤالين الله يعافيك. الأول عندي ماركيز 2003 ابغى اسويله تربيط وش افضل الورش في الرياض اللي تنصحني اروح لها؟
السؤال الثاني: هل طبيعي يطلع صوت طقطقة من قدام مع المطناج والا فيه مشكلة مع العلم اني رحت لميكانيكي قالي طبيعي لكنه مقلقني. تحياتي

شباااااااااااااااااااب عندي اقتراح وش رايكم نسوي تجمع بالشرقيه

السلام عليكم

يعطيك العافيه أخ مستشار .. حبيت أسجل ضمن الرابطه :)

أخوي أنا شريت فكتوريا 2009 جديده وكاله ومضطر أسافر عليها تقريبا ً 700 كيلو

أيش رايك للعلم الموتر توه جديد عادي اتعدى الـ 100 فيه ناس يقولون تحت الميه علشان ماتمرن

على العموم نبي نصايحك اللى مانستغنى عنها في الموتر بشكل عام ووش البنزين المناسب لها .. وياليت تعطينا صوره عامه لأني أجهل قليل فالموتر الأمريكي

ولك وافر الشكر أخي الكريم

السلام عليكم ورحمة الله وبركاتة

اخواني حبيت اسئل كم سعر صدام الكراون فكتوريا امامي مع الرش موديل ٢٠٠٩
وكالة

السلام عليكم يا اخوان
اين اجد افضل ورشة لفحص السيارة في جدة
لأن انا ناوي اشيك علي السيارة من الصدام الي الصدام وخصوصا تشييك ميكانيكي
السيارة صار لها سنتين معي من يوم شريتها وودي اشيكها تشيكة كاملة كل سنتين والا تنصحوني اوديها للوكالة؟
مشورتكم يا اخوان ويهمني مشورة الاخ مستشار

عندي سؤال يا شباب


[/CENTER]

مشكور الله يعطيك العافيه

يا أخوان أنا سيارتي كراون فكتوريا موديل 2008 رقم الشاص 2fafp73v38x140634

أبغى اعرف :
1- وشو مواصفاته (73) مواصفات LX بس مهو مكتوب عليه ها الرمز
2- عندي لمبة صفراء على شكل كفر مبنشر ما تطفي وأظن انها حساسات الكفرات عبيت الكفرات 35 ولا طفت وش الحل ؟؟؟
3- فيه زر بعصا القير لما اضغطها تولع كتابة بالطبلون اظن انها كذا dv/off الظاهر إذا ماني غلطان . وش معناتها .
3- فيه عندي ازرار بالدركسون مدري وش وظيفتها مكتوب عليهن resum on of + - set ضغطتن ولا طلع شيء ممكن تفهمون وش هن ؟؟
4- مثبت السرعة وينه ؟؟
5- فيه لمبة خضراء وانا ماشيء ضغطت أحد الأزرار اللي بالدركسون وطلعت بالطبلون زي العداد هل هذا مثبت السرعة ؟؟
6- أبغى أركب ريموت للسيارة فما أفضل ريموت يصلح لها وهل يوجد بالوكالة ؟؟ وكم سعره ؟؟ وهل أجده بالمدينة المنورة وحائل ؟؟؟

تقبلوا تحياتي

عندي فورد كراون فكتوريا 2007 خليجي استاندر

المهم فيه عداد المسافات شاشة مستطيلة بوسط العداد توضح مسافة المشي على الزيت و الممشى و رقم 351h او 354h فما معنى 351 و 354 ؟

و كذلك المسجل فيه زر مكتوب عليه باللانجليزي SAT فما معنى هالكلمة ؟

عندي بعض المعلومات يمكن اغلبكم عارفها
وهي مشكله جرس الحزام وها الطريقه الى راح اذكرها مكتوبه في الكتلوج تبع السياره
1 اول شي تشغل سلف السياره على اخر شي بحيث يكون لمبات السياره جميعها شغاله بدون ماتشغل السياره طبع فيع لمبه الحزام راح تكون والعه بعد تقريبا 1دقيقه راح تطفي افصل الحزام واشبكها 9 مرات بسرعه وبعدها راح تشوف لمبه الارباق الصفراء اشتغلت بكذا تشبكه وتفصله وتكون المره 10 بهاذي العمليه بعدها راح تشر لمبه الارباق بسرعه ثم تطفي وبعدها وداعا لصوت الحزام
انا سويتها 3مرات لين نجحت الخطه الحمدلله

الطريقه الثانيه2
برمجه ازرار الباب او البايكه باب الكراج
1 اضغط 2 من الازره ضغطه طويله بعد مدة تقريبا 1دقيقه راح تشر المبات اذا اشرت وقف وها الطريقه تمسح البرمجه القديمه
بعدين نمسك ريموت الباب ونضغط الزر الصغير الى فيه مع احد الازره ضغطه طويله لين تشر المبات وبكذا تكون ضبطت العمليه
انا جربتها وظابطه معي الحمدلله
وسمعت احد الاشخاص يقول مو كل الابواب تقبل البرمجه انا بابي تبع ابواب (الموسي)
ادري قد تكون معلوماتي قديمه لا كن قد يجهلها البعض
مع العلم ان سيارتي ماركيز فل كامل سعودي2003

أخوي مستشاركيفك طيب مبارك عليك الشهر <<<<((بدري:confused1:


س 1:أخوي أنا يطلعلي صوت في المكينه وأنا ما شي والضاهر أنه يطلع أذا ما حميت السياره الشاهد في الموضوع أنه لما أوقف أو أهدي في مطب وأنا فيــ (D) تنطفي السيارة

س2:أنا لمبة البنزين الصفرا شغاله عندي طول الوقت حتى والبنزين فل

س3:أخوي عندي الدعسات (( يعني ماكن أرجول السواق)) فيه حراره قويه مره لدرجة مرات ما أقدر أتكي أرجولي عليها

معليش كثرنا عليك لكن أنت الخبير عاد وشكراً

نوع السياره :( كراون فوكتوريا))
الموديل: (1999))

السلام عليكم ورحمة الله وبركاته...

عندي فورد 2007...

المشكلة اللي عندي ...إنه يطلع صووت مزعج وخفييف لمن ألف السيارة يمين ...الصوت هذا ما يطلع إلا لمن ألف يمين ...لكن لو لفيت يساار ما يطلع ....

صوت أشبه بصوت الإحتكاك...ما ادري وشو هو

ياليت أهل الخبرة يفيدوني

السلام عليكم يااخوان
اني عند ماركيز 2007 جي اس مطور
عندي لمبه الاير باغ تلوع وتطفي حوالي ثلاث مرات ثم تثبت شغاله على طول
اتمني انكم تفيدوني بحل هاذي المشكله
ولكم مني جزيل الشكر والعرفان..........

مستشار اسعد الله صباحك اب اسلك وشلون القير الارضي فيكتوريا ومشاكله لني مقبل على شراء واحد والناس مابين مويد ومعارض يقولون مشاكله كثيره ابي رايك
موديل 2003 استخدام
ابي رادك جوالي 0544447224