لماذا اللومنيا اس اس هي السياره الاكثر في المنتدى

محمد321321 لا زال يفحط في كلامه ويتخبط ..



بكر أزهر رئيس تحرير مجلة سعودي اوتو سووا مسابقة سيارة العام عام 2000 ..
شارك في المسابقه مجموعة سيارات وبكر ازهر المعروف انه خبير سيارات قال ان اكثر سيارات عجبته من بين الـ10 سيارات المشاركه في المسابقه :

1-لومينا اس اس

2-كابرس اس اس

3-اودي اي-8

ويقول ان اعجابه الاكبر كان بكابرس اس اس ..


الشي الثاني نفس بكر ازهر جرب لومينا في استراليا ويقول السياره ممتازه وراسيه وكل شي ..


الشي الثالث لومينا اس اس فازت بجائزة أفضل قيمه للمال من مجلة لبنانيه ..

الشي الرابع انا حقتي 2001 يعني ما شريتها عام 2000 مع اني عارف بوصول السياره قبل ما تنزل ..

كنت دايم اسأل اللي معهم 2000 وكانوا يمدحون السياره وفعلاً انا جربت وشفتها تمام التمام ..


بتقولي ساب ؟ يا عمي ساب مين وبطيخ مين الله يرحم حالك .. لو يركبون في الساب هذي EJECT زي حق الطيارات الحربيه ما راح احد يبيها ولا راح تنتشر ..


تتكلم جد يا عزيزي يا محمد ؟

عزيزي كلنا عارفين ان السويدي والالماني لا يعلى عليه في الجوده لكنه غالي ..


لومينا اس اس جباره والامان فيها معقول لدرجه كبيره ولا تفكر انها بتصير زي الساب في الامان لان كل شركه معروف عنها شي معين..

الفولفو معروف بالامان ويتفوق على البي ام والمرسيدس ..



يكفينا ان لومينا اس اس فازت بجائزة افضل قيمه للمال .. يعني سياره مواصفاتها قويه وبسعر ممتاز جداً جداً ..


عزيزي محمد انا احترمك واحترم رايك لا تفكرني اتكلم كذا عشان اقهرك او شي .. لا بالعكس ..

عزيزي كلنا عارفين ان لومينا اس اس ماهي افضل سياره في الكره الارضيه ..

فيه احسن منها ..

اعيد واكرر يا ناس يا عالم لومينا اس اس ليست افضل سياره في العالم فيه احسن منها ... اوكي يا محمد ؟ :)

لكن يا اخي العزيز نتكلم عن القيمه مقابل المال ..

سياره قويه .. مريحه .. اعتماديه .. سمعتها بين الشباب قويه جداً ..

وين ما تروح الناس تناظر فيك ..



يعني يا محمد لازم نمشي 190 وندخل دوار ونطلع بالسلامه عشان السياره تكون حلوه ؟

جاوبني ؟

ولا تزعل مني ومن كلامي ..

وخلنا نشوفك في المسنجر عشان يكون النقاش على الهواء ...

مشكور وما تقصرون
اقنعتوني صراحه
بعد كذا ما اقدر اقووووووووووول شي
اخوكم
مستشار التفحيط

يابابا

اقرأ اسم الموضوع زين

الرجال يتكلم عن اللومينا وكثرها في الخليج مو بس بالمنتدى

تجي تقارن بسيارة نادرا ما اشوفه في الشوارع؟؟؟ ساب المانية ( تيربو )
السيارات الالمانية معروفة
مايبيلها كلام

اسأل اي غبي ايش احسن السيارات في كل شي بغض النظر عن قيمتها
بيقولك السيارات الالمانية
مع انها غالية الا انها من احسن السيارات عشان تقنياتها ومواصفاتها وووو.. انتوا ادرى بالالمانية

وانا احب السيارات الالمانية ونشالله اخذ بي ام دبليو ...السبب كل شي في السيارة الامان و...الخ

بس انت جاي لهالموضوع وتقارن السيارة المنتشرة بشكل كبييييييير في الخليج ( لوميينا)
تقارنها لسيارة المانية تيربو؟؟؟؟؟؟

خل السيارات الالمانية مع اهلها

وقارنها بمستواها

اللومينا مو ب200 الف ريال عشان تقارنها بألمانية

الزبدة لاتبعد الموضوع بعيد

خلنا على اللومينا

وانا عرفت من كلامك انت والشباب الي يمتلكون الومينا ان السبب الرئيسي
لشرائهم الومينا فقط دون التفكير في الرساوه والامان والجوده الا وهو سرعتها ولكن من يفكر هذا التفكير مع احترامي
الله يشفيه ...........

هاهاهاهاهاهاهاهاهاهاهاهاهاهاهاه ظحكتني بقائمة وسائل الامان
المهم انا كتبت كلامي هذا فقط لابين ان الناس عقولهم متحجره ما يفكرون ما ادري ليش
يشترون لومينا مع في الاحسن منها بكل شي واحب اضيف الى معلوماتك ان الساب بجميع انواعها 4 سلندر تيربو وهي انواع في 185 حصان و 200 حصان و 250 حصان
وهذا الي انا اتحداك تقوم عليه طبعا انا اتكلم عن قوة 5-9
الومينا ما فيها امان واتحداك تثبت صحة كلامك بمقارنه مع الساب
وبعدين القصد من كلامي ان فيه ما هو احسن منها لكن مصممين على الومينا ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مثلا الساب واذا بغيت تعرف من الاحسن لا تقعد تتفلسف وانت ما تعرف السياره
روح شوفها وجربها وبعدين ارجع كلمني
وعن الرساوه الي مش موجوده في الومينا و =0 انا مستحيل ان امتلك سياره غير راسيه زي سيارتك يعني انا لما اكون مسافر وماشي 200 تبغاني اقعد ماسك الدركسون بيديني وارجولي واسناني زيك لا انا ابغا ارتاح ولو سقط عليك واحد ايش بتسوي اذا لفيت بقوه بتحوس عليك السياره واذا مشيت سيده بتصدم فيه ولا تقولي يعتمد على السواق .انا ركبت مع واحد سوى حركة بالساب ولا مية لومينا تسوي زيها دخلنا الدوار واحنا ماشين 150 وطلعنا من الجهه المقابله للدخلنا منها اتحدااااااااااااااك تسويها هذي لافن السواق ولا رساوة الومينا تسويها
يا اخي في اشياء كثيره تنقص الومينا من امان ورساوه والجوده
بينما هذه المواصفات متوفره في سيارات اخرى غيرها وترى اهم شي عندي في السياره الرساوه لانها تريحك وانت تمسي بسرعات عاليه واتحداك تسوي حركه ثانيه سويناها في الساب وانت ماشي 140 فك الدركسون وادعس الفرامل على الاخر
وشوف ايش بيصير فيك السياره بتحوس عليك لكن في الساب والله الذي لا اله الا هو
انها وقفت في مكانها بدون ما تروح لا يمين ولا يسار
باختصار ترى الساب فيها رساوه عجيبه وامان وراحه وفخامه فوق ما تتصور
وترى الشركه الي تصنع كراسي الساب هي الي تصنع كراسي الروز رايز
كلمه اخيره (لا تتكلم عن الساب غير بعد ما تجربها وتعرف تفاهة الاسترالي واذا انت مقتنع بالتفاهه الي تملكها احب اقلك انها تافه وسياره كثير عليها عاديه وفي الاحسن منها بمليون مره وروح جرب رساوة الساب و شوف كيف تاخذ الفات على السرعات العاليه وبعدين تعال اتفاهم معايه على التفاهه الاستراليه )
لا تنسى تجربها وخاصه النوع 5-9 ايرو 250 حصان 4 سلندر تيربو
واتمنا انك ما تزعل مني لاني ما بيني وبينك شي لكن حبيت ابين لشباب اشياء ما يعرفوها وان ليس اهم شي السرعه ولكن المهم الراحه والرساو والامان مع ان السرعه متوفره مع جميع ما ذكرت في الساب ولا ايش فايدة السرعه من غير رساوه
عشان اقعد اقاوم فيها بس لا انا ابغى سياره سريعه لكن راسيه في الخطوط مو كل ما مريت من تريله تهفك الى الجه الثانيه زي الومينا واسال مجرب وتاخذ الفات وهي مرتاحه ولا في امل 1% انها تزحف زي الومينا
واتمنى ما يزعل مني اصحاب الومينا ........... وشكرا للجميع

سلام ..

خذوها على بلاطه ياللي حاقدين على لومينا اس اس .. لو تخرب السياره علي في اليوم مئة مره .. وتحذف في اليوم مئة مره .. راح تبقى لومينا اس اس سيارتي المفضله ولو بعت اللي معي بشتري الموديل الجديد منها ..

لو تنقلب علي الـ اس اس وهي واقفه .. ما راح اغير رأيي :)

ولو تحذف السياره وانا ماشي عشره وتخش في عمود .. نفس الشي بروح اصلحها و تستمر معي ..

لوووووووووووووووووووووووووووووووووووووول


الهادئ :

شكراً على هالكلام الحلو :)

كلامك يدل على (وعيك) و (ذوقك) .. بينما على الجانب الاخر ناس تتكلم بلا وعي وما تدري وش السالفه ..


حمودي 321321 :

انت لا زلت (تفحط) في مكانك ولا تبي تعترف بالحقيقه ..

عزيزي .. منتشره لجمال شكلها .. اعتماديتها .. قوتها .. سعرها الرخيص .. سمعتها عند الناس .. وعد واغلط مميزات .. شف كيف الناس تناظرها اذا مرّت ..



سيارة الموت اجل ؟ طيب اي سياره رياضيه في العالم اكيد بتكون خطيره اذا انت مشيت فوق الـ 180 ..

نسيت حادث الفيراري الحمراء اللي تقطعت ؟ اكيد كلكم شفتوا صورتها وانا ان شاء الله بحطها في المنتدى هذا .. فيراري تقطعت ما بقى منها شي ودماء السواق على الازفلت ..




ايه 8 سلندر .. وش فيها لو قامت عليها سياره 4 سلندر توربو ؟

عندك لانسر ايفولوشن (4 سلندر-توربو) فيه نوع منها تسارعه من 0 - 100 في 4,9 ثواني ..

ليش نستغرب لو قام على لومينا اس اس ؟

ويمكن يقوم على بي ام دبليو ام -5 (من 0 - 100 في 5,4 ثواني) ..

التوربو موضوع ثاني .. ركب توربو في اللومينا وشف وش يصير ..

واحد من الشباب ركب سوبر تشارج في لومينته وقام على ام-3 ..

فلا يضر السياره لو كانت فيه سياره ثانيه 4 سلندر توربو تطلع عليها لكن تأكد انها بتطلع في البدايه بعدين اللومينا بتطير لان كفراتها تحوس في البدايه ..



بالنسبة للساب مره كنت عند محل حق زينه سيارات بشتري شغله منه وقابلني راعي ساب وقعد يسألني عن اللومينا ويقول ان سيارته تطرح الـ اس اس ..

المهم اتفقنا في مكان وقاومته ورحت عليه .. واذكر ان حقته كانت توربو ..



مهما كانت درجة الامان السرعه قاتله يا عزيزي ..

فيه شبحات ماتوا اصحابها بعد حوادث قاتله ..

لا تسرع وما راح يصير لك الا الخير ان شاء الله :)

لومينا اس اس فيها ما يكفي من انظمة امان بالنسبه لفئتها وسعرها ..

خذ مثال : لوتوس (بريطانيه) طراز M-250 بيعت بالكامل اول ما نزلت ..

السياره فيها قوه عجيبه لكن الشركه نفسها تقول :

السياره ما فيه انظمة سلامه وتحكم ! كل شي متروك للسواق ..

يعني لا تراكشن ولا شي !!

كل شي متروك لمهارة السواق ..

واللوتوس هذي من 0 - 100 في 5,5 ثواني .. وقيمتها 190 ألف ريال سعودي ..


لومينا اس اس مهيب مثل اللوتوس ولا هي في مستوى لوتوس .. لكن لو قارنا بينهم في مجال السلامه لقينا لومينا اس اس تتمتع بقائمه طويله من اجراءات السلامه ..




محمد .. تقولي كم واحد مات بسبب الاسترالي ؟ ويين صار ايدز هذا موب سياره ؟

طيب قبل ما تجي لومينا وكابرس عام 2000 .. رح شف احصائيات الحوادث وبتلقاها موزعه على الياباني والامريكي والالماني والكوري ..

الحوادث ليست مقصوره على لومينا وكابريس ..








وفعلاً : لومينا وكابرس ملأت الدنيا .. وشغلت الناس !

منتشره بسبب قوة مكينتها فقط مع انها اتفه سياره شفتها لا رساوه ولا امان
ولا جوده سيارة الموت لكن الشباب يحيو يسمعو عن عن بس عشان يطفو محنتهم
مع العلم انها 8 سلندر لكن قامت عليها سيارات 4 سلندر زي السيات ليون
و الساب 5-9 والساب فيها امان ورساوه وفخامه الومينا ما تحلم تجيب ربعها
لكن الناس عقولهم ما ادري كيف تفكر ........
كم من واحد مات ولا جته اعاقه بسبب الاسترالي لانها غير امنه ولا راسيه مع انها
سريعه جدا لكنها غير امنه ابدا

مرحبا أخوي ،
الحقيقة اللومينا سيارة شكلها جدا راقي ،
وتصميمها يفوق تصميم الماكس والكامري والاكورد ،
خصوصا موديل 2003 وما بعده

أضف إلى أنها تحقق مطلب كثير من الشباب من ناحية القوة والسرعة

LuminaSS-2001 كلامك صح 100%

انا قبل ماطلعت اللومينا كنت اعرف بعض الشباب عندهم لومينات بس مامشيت معاكم كثير
من طلعتها وكلهم يمروني ويسلمون علي وتعرفنا اكثر وتجمعنا اكثر
مو بس راعين اللومينا

لا وفي ناس ماعرفهم عندهم لومينا اس اس يمرون ويدقون البوري
واليوم لثاني نوقف ونسولف ونتعرف اكثر

السيارة هذي تعطيك شعبية كبيرة وتخليك مشهور
في ناس ماعرفهم لكنهم يعرفون اسمي

سلام ..

فيه شي لاحظته مع اللي معهم لومينات SS ..

انهم (يمونون -بالنون- ) على بعض بسرعه .. انا رحت مره شارع المقاومات في الضباب ومن ثاني يوم صرت اعرف حوالي 10 معهم اس اسات ! وعرفت ارقام جوالاتهم !

وصار شي عادي امشي في الشارع ويجي يشر لي راعي اس اس ثانيه واتقاوم معه :)

يعني عادي اللي معه اس اس يخش في عين الثاني :) ويتم التعارف بسرعه !

تحس ان اللي معهم اس اسات عندهم اخلاص وولاء للسياره .. وحب للسياره وللثانيين اللي معهم نفس السياره !


الشي هذا ما قد شفناه في سيارات ثانيه !!!

الحين اي مكان مقاومات اروح له اطلع منه وانا متعرف على 2 على الاقل ! ومعرفه قويه يعني نصير نتلاقى بعدها اسبوعياً في اكثر من مكان ..

السياره لها شعبيه قويه جداً ومحد يقدر ينكر الشي هذا ..

سواء في المنتدى هذا او غيره ..

قبل كم يوم كنت ماشي في التخصصي في المسار الاوسط وما دريت الا اس استين وحده يميني ووحده يساري خففوا سرعتهم ومشوا بنفس سرعتي .. ما اعرفهم ولا شي اول مره اشوفهم .. وتقاومنا من سرعة 70 تقريبا ً..

يا زين السياره اللي كذا !


ما اتوقع السيارات الرياضيه الثانيه فيها كذا؟ انك تتعرف على ناس كثير بالسرعه هذي وتصير مشهور ومعروف !!!




يابوي هذي SS :)

كاااااااان عندي لومينا اس وصرت معروف بالحارة عشاني الوحيد اللي مطلعها بالحارة بعدي شفت 6 لومينات اس اس بحارتي
وسويت فيها كل انواع التفحيط والقومات لدرجة الناس يتكلمون عنها

والحين طلعت اس اس 2002 صرت معروف مو بس بالحارة
وين ما امشي العالم يناظرون السيارة من الصدام الى الصدام والجنوط بعد
ويقولون هذا اللي ساكن بحارة وكان عنده لومينا اس واسمه الفلاني

واي حركة جديدة تسويها تخلي الناس يتكلمون عنها

عندي واحد يقربلي عنده فورد ظللت سيارتي كتم كااااامل وحطيت ستكرات وغسلتها
ماكمل ساعتين بالحارة دق علي وقالي انت سويت كذا؟؟ قلت شدراك قالي كل الحارة يدرون ويتكلمون عنه

هذا واحد من الاسباب
اذا تبي سبب يقنعك انت؟؟؟؟؟؟؟
سوقها وبس

جرب سواقة اي لومينا اس اس وامشي فيها بالكورنيش وادعس
كذا تقتنع على طوووووووول

هلا شباب

انا عارف انه استراليه وش فيها الاستراليه

مقدمه سيارات ولا اروع

يعني الكابرس شينه

اكيد لا

وياشباب

اللومينا سياره جميله ولا فيه احد ينكر هذا الشي

خلاص شباب يكفي هذا الكلام

كل منتدى الاميركي لومينا لومينا

اذا بغى العضو يظهر نفسه بالمواضيع الروعه

زي اخوي

موستنق سيهات

mastenng

best

كورفت ال شيفروليه

اعضاء روعه بالامريكي

مافيه مره قال شي يكتب مواضيع يثبت ان السياره هذي احسن من هذي

معليش شباب

يعيطكم العافيه على الردود
الجمييييييييييييييييله
وسكتوني صراحه ودخلت مزاجي
اخوكم
مستشار التفحيط

السلام عليكم ..

لومينا اس اس تعتبر واحده من اروع واجمل السيارات الرياضيه (السيدان) في العالم بشهادة خبراء السيارات حتى في الدول التي لا توجد فيها لومينا اس اس !

القوه الهائله والاستجابه الفوريه والحضور الجذاب والسعر الزهيد من أهم العناصر التي تميز لومينا اس اس ..

الراحه والرحابه والاعتماديه وروعة التشغيل في كافة الظروف تضاف كلها لمميزات نجمة السيارات الرياضيه في الشرق الاوسط لومينا اس اس ..

يضاف الى المميزات ان لومينا اس اس اشتهرت بتسارعها (قومتها) العنيفه (من 0 الى 100 في 6 ثواني ) ومقارعتها لاقوى السيارات الرياضيه العريقه :)

وفعلاً مثل ما قال الاخ الازوري السياره لها حضور جذاب وقوي جداً ..

انا سيارتي بيضاء موديل 2001 .. حطوا خط تحت 2001 يعني الحين فيه شكل جديد نزل ومع ذلك وين ما اروح ووين ما اجي نظرات من كل الجهات حتى اللي معهم مواتر قويه تشوفه يناظر الجنوط وهي تمشي :)

وواحد من الشباب حقته برتقاليه 2000 (القديمه) ويقول الناس تناظر كني توني شاري السياره وكن الموديل توه جديد !!!

لأن اللومنيا فيها وفيها وفيها

وبرضو كان فيها ولما صار كذا ماعاد صار فيها

وطبعاً موديل 2004 فيه وفيه وفيه وزاد عليه أشياء مثل اللي كان فيها



<=-========== لحست مخ ها
ههههههههه






ملك الموستنجات

رجعنا لموضوع اللومينا الشائك
ياجماعة الخير جزاكم اللله خير
اللومينا سيارة محترمة وسيارة لها شعبية كبيرررة سواءا في المنتدى ولا في الشارع
والحقيقة انها تلفت الانظار اذا مرت بشكل غير طبيعي
انا حصل لي موقف ما انساه

كنت ماشي ورى لومينا اس اس موديل 2002
اللون : اسود
خااالعه
والللله ماشي ورااها ودخل من حي وكان فيه شباب كثير صاافين
وانواع التحيه له يعني البي ام وراه ماحد ناظر فيه مثل مايناظرو في اللومينا
ولمن راح وانا اسمعهم يقولو الللللله يلعن ام اللومينا ياشيخ

بصراحة

سيارة حتى لو ماتمشى الا سنة وحدة كفااااية عليها تصنع جيل من السيارات
وراح زمن انك تشتري السيارة قوة وتحمل فيها اسمنت وتعمر عليها
واللله لو تمشي فيها يوم وباقي السنة خربانه ماهي حرام فيها

واللله يخليها لكم

تحياتى مع ان معاي بي ام

السياره ماعليها كلاام ... لا تقولي استراااليه ولا هنديه ... السياااره فضيييييييعه

صاروخ للشباب..
رزت راس..
جمال واناقه..
رووعه في القيااده

وبصراحه السياره ماعليها كلاام

حبيت اقولك مع انه هالموضوع اتكلمنا فيه واااااااااااااجد ان اللومينا اس اس استرالية ليست امريكيه
سلام.
مع تحيات عاشق LUMINASS