مالفرق بين الاكورد السياحي والفل كامل

بالنسبة للفروق
1) الجنوط
2)مقاعد جلد
3)من الداخل تخشيبة كاملة
4)المكيف الكتروني مزدوج (حار وبارد في نفس الوقت) ممكن اشرحلك اذا اردت
5)مثبت سرعة
6)أهم شي المسجل 6 اسطوانات مع بعض بعكس اقل نوع اسطوانة واحدة
7) ازرار المكيف تختلف كليا
8)مقعد السائق يتحرك الكتروني
9) في السقف توجد حافظة للنظارة وشكلها جذاب
10)فتحة في السقف
11)السعر وعلى فكرة ارتفعت كثيرا لانها كانت ب 76550 والان على ما اعتقد ب 81
على العموم سيارة رائعة بكل معنى الكلمة واسئل مجرب وأنا تحت أمرك

الجنط الواحد بالوكاله بـ1300 يعني اربعة جنوط بـ5200والفل كامل يجي خمسه جنوط الاستبنه حاطينها جنط خامس وتبي تركب تخشيبه بأقل تقدير بأف ريال و تبي تحط فتحه اقل شئ بـ2500 المجموع 8700 ريال اظف الى المواصفات المذكوره بالاعلى وما كملتها بموترك مثل مثبت سرعه ومراتب جلد و مرتبه كهربائية و مشغل السيديات يقبل 6 سيديات .. وشاشته تختلف عن النوع السياحي ..
المكيف الكتروني وازرار المكيف تختلف عن النوع السياحي ،
الدرج الاوسط يتحرك والمكيف مزدوج في الفل .. بمعنى إن التحكم في الحرارة مفصول بين الراكب والسواق ,,
وفيه اشياء يمكن ما ذكرتها والفرق بين الفئتين بالوكاله فئة السياحي (بفتحه) والف اوبشن من 10000 الى 13000 ريال ,,,

مشكورين أخواني على الرد :)

سؤال : لو أخذت سياحي وركبت للسيارة جنوط أكورد وكالة

كم راح ايكون سعر الجنوط؟؟:rolleyes:

خذلك فل 6 سلندر وريح ريح .

والله ما عندي فكره

اهنيك على اختيارك للكورد انا معاي فل كامل (جلد) اربعة سلندر طبعاً ما راح ازيد على الي قال الاخ أكورد الا شئ بسيط وبعض التعديلات ،
1 - المكيف مزدوج في الفل .. بمعنى إن التحكم في الحرارة مفصول بين الراكب والسواق .
2 - مرتبة السائق على كهرب ( على ما أظن ) (الا اكيد السائق بس والـ6 سلندر السائق والراكب .
3 - المساحات لها درجات مختلفة (مافهمتها)|5|
4 - مراتب جلد(بالنسبة للون الاسود الفل كامل الجلد البيج يختلف عن السياحي )
5 - تخشيبة ( زي تخشبه البي ام والفياجرا 2004 شكلها حلو مره )
6 - مرشح هواء . ( عند انعدام الرؤية بالمطر للزجاج الامامي تظغط زر وتصفى لك الزجاجه الامامية والزجاج الجانبي )
7 - جنوط وكفرات اعرض من السياحي جنط 16 والسياحي 15 .
8- مثبت سرعة فقط وتحكم بالسي دي عن طريق الدركسون للـ6 سلندر فقط
9 - مشغل السيديات يقبل 6 سيديات .. وشاشته تختلف عن النوع السياحي ..
10 - المكيف الكتروني وازرار المكيف تختلف عن النوع السياحي ،
11- الدرج الاوسط يتحرك اعتقد انه في الفل كامل بس :p.
ويمكن فيه فروق ما ذكرتها بس ان شاء الله هذي كل الفروق واذا تبي نصيحتي وتقدر تزود شوي 10 الاف وتاخذ فل اوبشن والله ترتاح ما تحط فيه شئ من الوكاله ،،
واذا تبي اي معلومات انا حاااظر ...

مرحبا أخواني محبي الأكورد


إيش هو مرشح الهواء وإيش الفرق بالضبط بين الفل أوبشن والسياحي فتحة :)

تحياتي...

أخوي اكورد وبس
مرتبة السائق كهرب،والتحكم بالمسجل من الدركسون لا توجد في الاربعه سلندر بس موجوده في الـ6 سلندر.

أنا من نظري اقوووول ماشالله على رساوتها راسيه بكل ماتعنيه الكلمه، والعزم اعتبره ممتاز ومااعتقد فيه سيارات من نفس فئتها بنفس قوتها وراح تلاحظ قوة المكينه مع انها 4 سلندر.