ليش الناس يستهزؤا بالكابريس واللومينا ss أدخل وتعرف.....

صدقت اخوي الحيران كلام عين الصواب مع العلم ان هناك اسباب اخرى
وبكل تاكيد كل سياره فيها عيوب وهذا شىء لا خلاف عيلية

هلا بك يا ع البال :)

ازايك يا راجل ؟

لا يمكن تكون السياره فاشله والاقبال عليها بالهبل :)

ع البال .. انت قد رحت للجميح او العيسى ؟ تصدق حتى في ايام الاختبارات بشريه عندهم هناك ؟

وفيه ناس يجلسون فتره عشان يجي اللون اللي يبونه !!

حبيبي .. الحالات النادره هي الحالات اللي تطلع فيها خرابات في اللومينا والكابرس !

خذ مثلاً :

أمس جانا واحد معه كابرس اس اس 2000 أبيض (ماشي 100 ألف) تقاومت معه وقمت عليه بالراحه وسألته ليش عزمك ضعيف قال ما عمري اهتميت بالسياره ولا غير بواجي ولا نظف بخاخات ولا شي ..

قمت سألته هل واجهت مشاكل ؟ لان موديل 2000 طلع فيه خرابات .. قال لا !!

يقول طلعناها من الوكاله تمام !! ما طلعت لهم المشاكل الا يوم صار له حادث عنيف بالسياره والمشاكل اللي طلعت مشاكل تطلع لاي سياره تتعرض لحادث عنيف ..

فيه كثيرين كان معهم موديل 2000 الدفعه الثانيه منه وما شافوا مشاكل !

وناس شروا من الدفعه الاولى اللي فيها خرابات وكانت سياراتهم تمام !

يعني نستنتج من ذلك ان النادر هو كون السياره تخرب كثير !

ومشكور على تواصلك يا عزيزي ..

وعقبال ما نشوفك راكب لومينا اس اس .. اعتقد اللون الابيض يناسبك :)

لووول امزح ;)

الأخ ع البال

ليتك تراجع ردي في أول الصفحة الثالثة

وان شاء الله تستفيد

إذا فهمت ردي وقمت به

فستكسب الأعضاء بدلا ان يكرهوك وتفقدهم وترى ردا من الردود التي لاتعجبك

تحياتي لك

هلا وغلا LuminaSS-2001
انا الحمد لله بخير ونعمة,وانشالله انت بعد بخير.
جميل ردك هالمره:)
عزيزي انا بينتلك وجهة نظري, مثل ما انت بينتلي وجهة نظرك وصدقني اني احترمها, وانا مقتنع بكل كلامي , وانت مقتنع بسيارتك(الله يخليها لك).
وانا كلامي مايخص سيارتك بالذات,لأني ما أدري عنها وانت ابخص فيها, وسيارتك يمكن تكون من الحالات البسيطة اللي فيها تكون اللومينا بدون مشاكل (ومثل ماقلت هالشي بكلامي).

ثم اذا كانت سيارتك ماشية معك تمام فهذا لا يعني انها ناجحه ويخالف الواقع اللي يدل على فشلها بشكل عام.

تحياتي لك ولسيارتك:)........

هلااااااااااا ع البال :)

من زمان عنك .. كيف حالك ؟!

السياره ناجحه بكل المقاييس والشي هذا محسوم سلفاً :)

على كثر الكلام اللي يقولونه الحاقدين عليها في المنتديات .. لا زالوا الشباب يشترونها واعرف شباب ما لقوا الالوان اللي يبونها في الوكاله !! مخلصه :)


وش هالسياره الفاشله .. اللي مبيعاتها تزيد كل يوم ؟

ووش هالسياره اللي امشي فيها 83 ألف بدون مشاكل ونشاطها ما تغير ما شاء الله .. وكل الشباب اللي اعرفهم نفس الشي (تعال اماكن المقاومات واسألهم واحد واحد )

بعدين كتاباتك السابقه كلها ما تغير شي في الموضوع مهما كانت القصص اللي توردها لنا .. لسبب واحد وهو ان السياره معنا اصلاً !! نسوقها كل يوم يعني من 3 سنين !!

واذا كانت 20 لومينا اس اس فيها خرابات .. طيب والباقيات ؟ الاكثريه ؟!

كل السيارات في العالم تجي منها دفعات فيها خلل ومشاكل (الدفعه الاولى من لومينا وكابرس 2000 مثلاً)

وياما سمعنا عن الشركه الفلانيه تسحب سيارات و .. و .. و ..

والصناعيه حقت العروبه في الرياض كلها كامريات وماكسيمات وفورد .. ولا احد قال انها فاشله :)

وصدقني لو تجلس من اليوم الى بكره تكتب عن مشاكل لومينا اس اس فهذا لن يغير في الموضوع شي طالما سياراتنا وسيارات اصدقائنا اللي نعرفهم ماشيه تمام !

واللي تقول لنا عنهم طلعت لهم مشاكل .. الله يعينهم ويوفقهم .. ما راح ابيع سيارتي عشان 10 ولا 20 خربت معهم سياراتهم واستخدامهم سيء .. واجي اقول عنها فاشله ..

بعد المشادات الكلاميه اللي بموضوع (الرد على من يقول ان اللومينا خراباتها كثير) واللي كان حجه على اصحاب اللومينا واللي جبت فيه انواع الادلة على فشل هالسيارة وتجارب ناس كثير ذكروها أنا وغيري .
راح اتكلم بهالموضوع لكن ما أسمح لأي أحد يغلط بالكلام او يفتقد للذوق في ردوده.

انا ملاحظ ان المتعصبين للومينا اذا جبنالهم دليل على كثرة خراباتها أو واحد صارتله مشكله فيها يقوم ويرد ويقول انا اعرف واعرف وواحد من اخوياي وما ادري ايش من هالكلام الي كله سواليف ,مايقدر يرد بالمنطق على الكلام او اي يقول شي مقنع نقدر نصدقه فيها.
الشي الثاني ان اكثر الشباب اللي يشتكون من سياراتهم هنا يشتكون من اللومينا خاصة الـ ss.
انا قبل ثلاثة ايام كنت اسوق لومينا 2003 ss وطيت مطب وكنت امشي 70 وما دريت الا والمكينه تحن , لقيت القير صار على الفاضي !!
واحد كتب موضوع يشتكي من عمود التوازن في اللومينا,وواحد يقول ان البطاريه دايم تخرب عليه وطبعا اذا خربت او فظت ما يقدر يفتح السيارة ابد.
وواحد يقولي انت يا ع البال غير مرغوب فيك بالمنتدى الامريكي! تصوروا صار له المنتدى وانا ما ادري. وواحد يقولي انت حاقد مسكين ما تقدر تشتريها ,وواحد يقول اتركوهم لا تردون عليهم خذوهم على قد عقولهم . شوفوا كيف وصلت مستوى حواراتنا وتفكيرنا. بمجرد اني اقول تجربتي او اخالف في الرأي هذا ما يعطي الحق بالهجوم علي بهالطريقة.

السيارة بشكل عام فاشلة مقارنة بالسيارات الكثيرة اللي عندنا, لكن مايمنع ان تكون فيه حالات تكون فيها السيارة بدون مشاكل تذكر. وأرجوا انكم تنتبهون لهالنقطة.

اخذت فكرة عن اصحاب اللومينا(المتعصبين) لسياراتهم انه من خلال كلامهم وردودهم ودفاعهم عن سيارتهم اللي تسوى عندهم الدنيا, انهم يفتقدون للمصداقية في الطرح والكلام.

في ناس في التميرررن يجبووها 250

هلااا اكورد صديقي :)

ما قلت شي غلط في ردي :confused:

ما احتقرنا احد ولا سفلنا باحد ولا كذبنا احد !!!

واذا كان الشي هذا حصل فما كان قصدي احتقر احد حتى لو بطريقه غير مباشره ..

واسف اذا كنت اسأت لاي واحد من الاعضاء :)

ياخي الومينا مافي بعدها والي يقول ما تنفع وش اشتري اشتري مكسيما ولا موستنق ولا ايش بس اذا بعتها واشتريت وحده من ذول يقولو مجنون يبدل احلى سياره بسيارات ما تجي جنب كفر الومينا قولولي
(متعاصب للغايه)

يعني الكامري واكرسيدا ماشين 400 600ألف كيلو
ولا عمرها أختربت لااله ألا الله

هذه السياره ضد الخراب
في الدنيا هذه مافي شي مايخترب حتى الأنسان نفسه يخرب
وسلامتكم

يا ما كامري وكرسيدا ماشين 400 الاف 600 الاف كيلو

والمكينة ما فيها شي

يا ما شفنا مستبيشي في ماليزيا كله منعطفات ومرتفعات
ما شي 500 الاف كيلو
ولا فيه شي

(شفته لمة سافرت )

فلكس ويجن بيتل القديم من عام 1960 و 1950 الى حد الحين ماشية في شوارع

سوريا والاردن والعراق والمغرب وتونس و مصر
البيجو في مصر والمغرب العربي من متى وهو شغال

تقولي للومينا

حق سنتين الى خمس سنوات

لعبين عليكم فيها

أكورد وبس حقك علي بس الصراحه أنا بعد أنقهرت من سالفه المرتفعات ذي
والعموم أحنا في موضوع مناقشه مانبي نوصل ألى الزعل
والسموحه من الكل أذا كنت غلطان

والله انك صادق اخوي حيران لكن زي ماقال اخوي ابو الجنوط كل سياره وفيها عيوب لكن عالعموم مشكور اخوي الحيران على موضوعك الجيد والى الامام..

تحياتي .................

أخوي الحيران ..

بإمكانك تشوف رد الأخ الفاضل والصديق العزيز LuminaSS-2001

أنا أحترم الاخ .. لكن أسلوبه خلاني أكتب الرد هذا ..

وعلى العموم .. ترا ما بيننا شي .. بس .. لا نحتقر الآخر ونسفل بهم ..

أشكركم على التفاعل مع الموضوع وخاصه الأخ لاندكروزر vxr وLuminaSS-2001 وجميع الأخوان ماقصروا

بس حبيت أقول ألى أكورد وبس أنا ما أعرف شي في الهوندا ولا عمري سقتها وكلمت عشره من الجماعه وقلت لهم أكتبو عن الهوندا كثيره خرابات
ووووو
هل أنت بتصدق هالكلام؟ أكيد بتكذبهم للأن الكلام على الهوندا لو كان غير الهوندا بتقول صح السانك صحيح كلامك مافي شي أحسن من الأكورد والباقي كله خرابات

وثاني شي أحنا لافينا مكابره ولاشي بس حبيت أناقش السمعه السيئه الي ماخذها بعض الشباب

أنت تقول :
الحين يجيكم واحد ويقول لكم هذا اللي حصل معي وتكذبونه ..
أحنا ماكذبناه بس معقوله يعني واحد يركب مرتفع تنفجر السياره
أتوقع تنفجر في حاله واحد أذا كان يبي يعمل عمليه أنتحاريه في نفسه


وسلامتكم

والله إنكم فيكم مكابرة يا أصحاب اللومينا ..

يا شباب .. إذا كنتم ما حصلتوا خرابات في سياراتكم فإن هذا ما يعني إن الناس ما تخرب معهم ..

الحين يجيكم واحد ويقول لكم هذا اللي حصل معي وتكذبونه ..

عجيب والله .. !!!

وإذا افترضنا إن اللي قال الكلام هذا واحد نصاب ما معه لومينا بس وده يشوه سمعتها فإنه ممكن يكون كل الموجودين في المنتدى الأمريكي ما معهم لومينات وجايين يمدحون فيها وهم ما يدرون ..

يا شباب .. ليش نكذب الناس ؟؟؟

الناس يقولون حصل لنا كذا وكذا .. تقولون لا ..

إذا ما حصل معك شي فاحمد ربك .. ولا تخلي تجربتك فرض على غيرك ..

السلام عليكم ..

الاخ t H E BOOS :

الحين ما ادري انا والشباب نتكلم باللغه العربيه ولا اللغه الفرعونيه ...

نقول لكم ما واجهنا مشاكل والسياره ماشيه تمام .. ومع ذلك تجون وتردون وتعيدون الاسطوانه البايخه (خراباتها كثيره) ..

طااايب ما شفنا شي يا الربع ! بسم الله ما شاء الله لا اله الا الله السياره اعتبرها افضل سياره سقتها الى الان :)


بس بيني وبينكم .. مسألة ان القير ينفجر في المرتفعات .. هذي تنفع نكتة نرسلها لاخويانا رسالة جوال !

هذي احلى من نكتة صاحبنا (قرصان الجحيم) اللي يقول ان الماكسيما قير عادي تقوم على لومينا اس اس في قومة 400 متر .. عليم الله اني ما عمري اعتبرت ماكسيما قير عادي منافس لي .. حتى في شارع المقاومات ما عمرهم صفّوا مع راعين الـ اس اسات .. لكن اخونا قرصان الجحيم كان حاب يترك بصمه له في المنتدى وقال النكته :) انا صفيت مع 3 ماكسيمات قير عادي وقمت عليهم بفارق ربع كيلو تقريباً !

مشكور يا غالي


على المعلومات الحلووووووووووووووووووه




تحياتي0000000000000000000000000000000000000000

إضافة بسيطة :

إلى كل من ينقد على اللومينا والكابريس ويعيبها

ليتكم تمتلكون ذرة فقط من الحياء

الناس تتعب وتشقى علشان تشتري السيارة وانتم تعذربون فيها وتكرهون السياره

في قلبه ...................

أشتريها بـ 100000 ريال شقيت علشانها ليل نهار وتجي تقول السيارة كذا وكذا

ياأخوان ماتخجلون على نفسكم ترضون واحد يعيب سيارتكم اللي دافع أبوك فيها دم قلبه

ليتكم تخجلون وتبتعدون عن هذي الأمور .....

بدال ما تباركون له السيارة وتقولون له يعطيك خيرها ويكفيك شرها تطيحون فيه

وتقولون ليه تاخذها هي عند سعد تعطلت الماكينة و عند سعيد طاح القير

ذا كلام يتكلم فيه ناس عندها أصول ومربين أحسن تربية وذوق في التعامل مع الاخرين

يا أخوان أنتم مو مجبورين على اقتناء السيارتين لذا احتفظوا بأرائكم لأنفسكم

ولاتكرهون أصحابها فيها

خلونا ناس نعرف نتعايش مع بعض ونتوائم بشكل يغار من الاخرين مو نتعادى علشان

يفرحون علينا

الله أصلحهم

تحياتي لك