السلام عليكم
انا من وجهة نظري اشوف داخلية البحريه احلى لون الجلد حلو مرره وتكايات الفياقرا حلوه (على فكره انا كنت مسوي تكايات فياقرا على ماكس قبل سنه ونص وماشفت احد علق عليها وعجبته غريبه الحين عجبتكم ؟)
ماعليه طلعنا برى الموضوع :rolleyes: نرجع لموضوعنا الدركسون تبع البحريه شوي موب مضبوط ثلاثه الوان ؟ يعني لو يصبغ الايرباج نفس لون الجلد احلى يعني زي ماسوى العنابيه
العنابيه داخليتها حلوه بس ناقصها تكايات الفياقرا ويشيل اللي فوق القير
ـــــــــــــــــــــــــــــــــــ
من ناحية الالوان لون البحري احلى بالنسبه لي
ـــــــــــــــــــــــــــ
من ناحية الجنوط عندي البحري احلى الجنوط مميزه وكروم جنوط العنابيه الاودي شوي معروفه يعني شفت سيارات كثير مركبين مثلها
ـــــــــــــــــــــــــ
الواجهيه كلهم حلوين صراحه بس احس العنابيه احلى يعني احس البحريه تعب نفسه كثير على الاصطب يعني ركز اكثر شي على الاصطب ولافكر يغير الشبك
ـــــــــــــــــــــــــ
الخلفيه اممم صراحه عندي العنابيه احلى (ماعجبتني حقة الرانج )
وعلى فكره انا ودي اتفلسف شوي واقول شي بس اتمنى ماحد يزعل مني
لما نقول ان السياره العنابيه مثلا احلى من البحريه او العكس يعني موب معناتها ان البحريه موب حلوه او ان حنا نعيب بالبحريه لا لا بس حنا نقول ومن وجهة نظرنا ان العنابيه تفوقت على البحريه او العكس وطبعا بالاخير الناس اذواق يعني مايحتاج يجي احد ويدافع عن اي سياره وكأننا ارتكبنا غلط
هذا الموضوع زي ماقال كاتبه راح يفيد راعين الكوامري انهم يشوفون ارآء الناس ويطبقونها على مواترهم بس اهم شي ينتقد باحترام وبدون تجريح ومايكون قصده التحطيم وبس لان في ناس كثير مايعجبهم العجب وتلقى كل كلامهم تحطيم عشان والله مايقدر يضبط زي البحريه او العنابيه او عشان مثلا راعي العنابيه او راعي البحريه صاحبه يروح يحطم بالسياره الثانيه
اعذروناا على التطويل
