تسلم اخوي CAMRY2K على الموضوع المفيد والمتعوب عليه
واذا ممكن تقولي الفرق بين محول الفيليبس اللي يكون لونه الخارجي اسود و الفضي ؟
و اذا عندي زينون على الواطي و بقلبه على العالي هل احتاج الى محول خاص ولا بس شمعات؟
وهل لون شمعات ال 6000 كلفن مثل لون شمعات اللاندكروزر J المطور ..واذا لأ ياليت تقولي مثل لون شمعات اي موتر ؟
وبالمره اذا تعرف محل بالرياض يمدحونه لا تبخل علينا
اعتذر على الاطاله وجزاك الله كل خير
أخوي COOOL_DEVILKIN حياك الله
بالنسبة لمحول الفيليبس ماعمري شفت إلا الفضي اللي عليه ملصق أسود وهذه صورته
http://www.xenonvalot.com/xpic/philips_lvq212.jpg
وخذ هذا الخبر الصاعقة مني..
محولات الفيليبس هي محولات هيلا ملصق عليها شعار الفيليبس ،، يعني بالعربي فيليبس ماتصنع محولات وإنما تشتريها من هيلا وتضع ملصقها عليها وهذا اتفاق بين الشركتين
وعشان تتأكد اشتر محول فيليبس ثم قم بإزالة الملصق الأسود الخلفي ستجد أسفله شعار الهيلا
وهذه الصورة توضح ذلك
اوكي؟
أوكي
طيب بالنسبة لتحويل لمبة الزينون من مكانها في الواطي إلى العالي مايحتاج تشتري محول خاص للعالي ،، فقط افصل المحول من النور الواطي وركبه من جديد على النور العالي ،،
أما بالنسبة للون الفيليبس 6000 كلفن فهو لا يوجد له شبيه في السيارات الأخرى ،، وهذه صور لمازدا زوووم مركب لمبات الفيليبس 6000 كلفن تفيدك في معرفة اللون التقريبي وهو زهري فاتح على بنفسجي فاتح
بالنسبة للمبات الـ GXR-j مدري كم كلفن بالضبط وتقدر تسأل الوكالة عليها
أما سؤالك عن المحلات بالرياض فهي كثيرة لكن يوجد محل مبدع في التركيب ،، يسوي لك الأسلاك بنهايات طرفية معدنية مذهبة تتحمل قوة الزينون ،، بعكس محل الاقصى اللي نصب علي بالتركيب اي كلام وكأنه يركب أنوار للعبة أطفال ..!!
اسم المحل للأسف ما أتذكره ولكن اسم العامل (( علي )) وأسعارهم أعلى من السوق لكن خذ شغل نظيف في التركيب والتوصيلات ،، بادلك عليه بالوصف..
إذا وقفت عند اشارة الجفالي بوش ثم اتجهت جهة شارع الغرابي تجيك اشارة الحوشاني رح يسار ثم ادخل أول شارع حارة يمين ،، ثم طول قداااام الين ينتهي الشارع خذ يمين ،، ثم يجيك تقاطع اقطعه راح تحصل المحل ثاني محل على يدك اليسار ،،
أوووكي؟
أي خدمة
تحياتي
CAMRY2K
