تقشر البويه بسبب السرعه والرمال

مراحب بك أخوي 430 وأشكرك على طرح هالموضوع الجيد..

بالنسبة لي أنا أستخدمت البرقع وبصراحة فكه وتركيبه يرفع الضغط وبعض الأحيان يضغط على البودي أو الصدامات ويسبب لها بعض التشويهات. غير أنه يرفع حرارة السيارة. وتخاف إنه يتمزع ويطير عليك..

أما بالنسبة للفيري أو الصابون أنا أستخدمت الفيري وبصراحة أشوفه أهون لي من البرقع..أما بالنسبة للشمعات أخوي أبو بندر حسب نوع سياراتك تحصل غطاء للشمعات أما بلون أسود أو لون شفاف أنا سيارتي كورولا ومن شريتها وانا مركب فيها هالغطاء وهو شفاف وماتلاحظ إنه موجود حتى تقرب للسيارة وتشوفه..
وماأخفيك أخوي أبو بندر الغطاء هذا حافظ على شمعات سيارتي لدرجة إني إذا نزلته تشوف الشمعه كنها جديده ماجتها ولا طقّه.. وقيمته قرابة 100 ريال وفيه بعض المحلات تفصل إذا ماحصلت في السوق نوعيات جاهزه. أنا أعرف محل بالدمام مقابل أسواق العرفج بالحياة بلازا أسم المحل الماجد تقريبا إذا ما خانتني الذاكره..


تحياتي لكم جميعا

هالمشكلة هذي ذبحتني خاصة ان لون سيارتي اسود

صرت احط فيري

صحيح انه ينفع لكنه ما يلغيها تماما

خصوصا الشمعات ما تقدر تحط عليها صابون وان خليتها مشكلة

حتى البراقع ما تجي الا على سيارات محددة

يعني الباقين يا كلون تبن

انا انصح بتركيب الغطاء الامامي
هذا الغطاء يتفصل عند محلات التنجيد يتكون من جلد وبلستك شفاف عند الشمعات
وقت ما تبغى تسافر حطه ولما توصل نزله وارميه في شنطة السيارة
وشكرا

أنا جربت صابون في السيارة وأمشي 120 وكان الشارع لا تستطيع رؤيته من كثر الرمال والغبار لما وصلت نزلت أشوف
السيارة والصابون كله طار مع الصبغ حتى الزجاجة الأمامية صار فيها حفر مثل اللي يكون في الأنوار ولا أعرف ماهو الحل
لكن أسمع كلام أن زيبارت و في كوول تركب على السيارة طبقة شفافة عازلة تمنع تأثر صبغ السيارة لكني لم أجربه

ادهن مقدمة السياره بصابون لولو او فيري او اي منضف سائل يكون لزج وانتهت المشكله واضن الشي اللي مزعج الكثير تكون "الطوز"على الليتات و اختفاء ارقام لوحة السياره :)

شكرا على الموضوع الجميل وسامحونا على القصور

سلاااااااام

ممكن تحط صابون بس شحم ما ادري اعتقد صعب تشيله خاصة الزوايا او فصل برقع
الصابون مو دايما ينفع اعرف واحد حط صابون ونزل من الرياض للشرقية ونزل عليه شوية مطر في الخط صارت مغسلة هاهاها...

عند السفر تضع فيري او شحم في مقد مه السياره

مرحبا
صحيح ان هذي مشكلة
بس لين سافرت خذ صابون لوكس وحط على الصدام منه بكميات كبيرة وانشالله مايصير شي في الصبغ
اخوي ماكنه الشحم ياثر على الصبغ؟؟يخلية يصير باهي مع الايام
تحياتي

اخي الكريم لي قريب كان يعاني من نفس المشكله تقريبا
راح الصناعيه في جده عند محلات السمكره وعملوله تلميع ب 500 ورجعت السياره جدييييييييييده

مشكورين شباب على المشاركه لاكن هل في حل لازاله التقشعات ؟!

الحــــــــــــل
عند السفر تضع فيري او شحم في مقد مه السياره
واسر ع في الجو الحار و المغبر وامشي 200 وعلى مسوليتي