السلام عليكم ورحمة الله
وماشا الله الشباب ماقصروا ابد ...
بس انا ابجاوبك حسب اللي اعرفه
بالنسبة للصدام الأمامي (اللي مركبه الحربي) + الكشافات وطبعا سؤالي عن الأصلي
هل يباع في المملكة العربية السعودية؟
وإذا ممكن تدلوني على المحل أكون شاكر وممنون
الصدام وانا اخوك جبته من ماليزيا بمبلغ وقدره 1000 ريال شامل كل شي ...
طبعا انا شريته من الوكاله مدري هم لعبوا علي او لا بس سعره كان رخيص حتى ولو كان تجاري يعني احسب كم يبي يكلفك هنا ....
اما محلات تجيبه فما اعرف اي محل هنا الا واحد في جده يجيبها ويعرضها هنا بالمنتدى واسمه لكزس كلمه وشوف او المحل اللي يقول عليه مخاوي الاحزان ...
ثانيا:-
بالنسبة للجناح الخلفي هذا:-
رأيته أكثر من مره على سيارات
هل يباع في المملكة العربية السعودية وأين؟
يباع بالرياض بمحل العليان بمبلغ 500 ريال مع التركيب والرش ....
والاخ العزيز يوسف 900 مركب واحد وهو خير من يعلمك عنه وهو ماقصر ...
ثالثا:-
بالنسبة للإخوان اللي مركبين زينون
هل ممكن إني أركب زينون مع عدسة
يعني ودي أركب عدسة + زينون فليبس أصلي + محول أصلي
الإخوان يقولون لن تجده
ممكن أطلبة بالنت إذا عندكم مواقع؟
شف الزينون موضوع خطير ويبي له متابعه ومعرفه للانواع ولازم تعرف وش احسن شي للموتر ....
اما بالنسبه للزنون الفيليبس فصراحه ماعجبني خصوصا اللي شفته عند العليان لونه ازرررررررق وضعيف
فاما انك تركب محولات هيلا ولمبات فليبيس او تركب محولات هيلا ولمبات كوري اللي تركب بدون ترهيم يعني نفس مقاس الاكورد وانصحك بها او تركب محولات هيلا ولمبات في اكس ار او باترول ولكن هذي مكلفه وتحتاج ترهيم كثييير ....
اما العدسات انا لقيتها على اكثر من موقع تباع بحدود 600 ريال مع التوصيل وبيني وبينك اول ماتتوفر الفلوس راح اجيب لي وحده ... احسن من الترهيم وعوار الراس .....
البودي كيت
أو الزوايد (الفيابر) هل هناك نوع أصلي مضمون؟
ووين ألقاه
وهذا النوع هل عندكم فكره عنه؟
الفيابر تتفصل تفصيل او تطلب من برا بس ماحد يضمنها لك لانها باي لحظه مع المطبات ممكن تتكسر لانها قريبه من الارض وخصوصا لا هبطت الموتر تحك بالارض فتبي نصيحتي شل الفكره من راسك والله ماتسوي يعني يمكن يكلفك بحدود 4 لاف ريال وهو يجي بنوعين : اما تفصيل كامل يعني تفك الصدامات والزعانف الشد بلد وتركبه او يتركب على نفس الشد بلد ....
جنوط الأكورد تجي 16
وأنا ودي أركب 18
سمعت أنها تأثر على المساعدات
ألا يوجد حل
------------------
شف هي تأثر على المساعدات بس اذا ركبت يايات رياضيه مثل ماقال يوسف راح تكون تمام بس انصحك تاخذ جنوط 17 شكلها حلو واضمن لك على الموتر
سادسا:-
إشارات الأوبيروس وين تنباع؟
أشتريها من الوكاله ولا كيف؟
ايه تشتريها من الوكاله واظن الوحده بين 200 الى 350 ريال بس ماني متأكد من السعر .....
سابعا:-
شرائح LED الأصلية أين تباع؟
------------------
شرايح الليد تباع عندنا بالرياض ب 1300 ريال مع التركيب بس كل الشغل ترهيم في ترهيم يعني فيها شق للاصطب وشغل كهربا كثييير فانصحك انك تبتعد عنها
وفيه طريقه ثانيه انك تشتري اللمبات الصغيره اللي مثل الليد وانا سمعت انها تباع عندكم بالشرقيه وهي رخيصه مررره ...
بالنسبة للحساسات قريت موضوع ل بالمـــ Sweet ـــرهـ
هل تنصحوني أركبها
ولا تؤثرعلى السيارة؟
ودي اسألك بس ...
وش راح تستفيد من الحساسات ؟؟؟
مجرد تخريب شكل كهربا واذا خربت وازعجتك بالصوت راح تكره حياتك ....
وش تبي بعوار الراس ؟؟؟
واسف على الرد متأخرا ولكن الشباب ماقصروا وانا رديت عشان ماتزعل واكمل الناقص بسسس
وفي انتظار اسألتك عن الاكسسوارات الداخليه باسرع وقت
