أخذت هوندا أكورد 2005 واريد نصايحكم...

i-VTEC 2005 @user_12864 · 19-12-2004

السلام عليكم ورحمة الله وبركاته
...
أخيرا ياشباب أخذت هوندا أكورد 2005 فل مخمل.... والحمد لله السيارة 100% وكل شي فيها تمام..
....
بس ياشباب تعرفون السيارة جديدة وخايف عليها وخاصة هالأيام هذي لأنه موسم المطر والخير....
....
اريد نصايحكم بخصوص ايش أسوي للسيارة حق أحافظ عليها وتدوم وخاصة البدي والبوية ومن تحت السيارة ...
....
وايش أحسن شركة في التضليل ( في كول أو زيبات ) ؟ وايش هي أحسن درجات التضليل ( 01 أو 02 أو 03 ) بحيث انه يخلي شكل السيارة جميل وأنيق وبنفس الوقت مايكون غامق ومكتم ؟
...
تحياتي
MR.JACK |118|1

الأسطورة مستمرة @user_17032 · 22-01-2005

أخــــــــــــوي MR.JACK بالنسبة للقيادة في الأمطار أنصحك لاتسرع إتعض مني في المطر حاست علي السيارة بغيت أشيلي
5سيــــارات معي لولا ستر ربك.

والتظليل لوكان اللون أبيض<<<عسلي 01 وإذا كان أسود<<<أسود 01 وإذا كان عسلي<<<أسود 01 وإذا كان سيلفر<<أسود 01

وبالنسبة للنوع فأنا أفضل V COOL عشن شغلهم نظيف ومضمون وسلامتــــــك

امبراطور جدة @user_14655 · 22-01-2005

هلا والله باخوي صراحة انا توني شاري اكورد 2005 ابيض لؤلؤي وانصحك بعدم غسيلها في الشمس وعدم غسيلها الا مرتين في الاسبوع والتظليل 01 والله يعطيك خيرها ويكفيك شرها

سيارة @user_5479 · 24-12-2004

1000Mbrook

أكورد وبس @user_7944 · 24-12-2004

ألف ألف مبارك

اختيار موفق ولله الحمد

بكم شريتها ؟ وهل هي قير عادي أو أوتو

فوكـ FOXMAN ـس مان @user_6189 THE FOX MAN · 24-12-2004

من ناحيت التنجيد

اذا محل اي كلام الجلد تعبان عنده وللعلم 95% من المحلات تعبان اذا انت في جده مالك غيرالكوثر جلد احسن من حق الوكاله جلد اصلي اصلي بس غالي شوي حدود 2900ريال خويي مسوي عنده والله مررره جيد

فوكـ FOXMAN ـس مان @user_6189 THE FOX MAN · 24-12-2004

المرور كل شي ممنع عندها
نضارات ممنوع تضليل ممنوع زنون ممنوع

Ghonaim.a @user_5082 · 23-12-2004

السلام عليكم

اخوي MR.JACK

اختيار موفق حقيقه وتستاهل اكثر

اما النصايح اهم شي لا تجلدها وراح تسلك معك والاعضاء ما قصروا معك صراحه

اخوك ك ا م 717

922 @user_10667 · 23-12-2004

السلام عليكم

اولاً الف مبروك والله يعطيك خيرها ويكفيك شرها

اوفق الاخ ACC-V6 الرأي

والاخوان ماقصروا

==========

النظارات ممنوعة للسيارات طبعاً وعليها مخالفة

تحياتي
محمد

الـصـقـار @user_12505 · 23-12-2004

شباب بس اذا فيه احد يعرف وين تباع نظارات الاكورد بالرياض يدلنا تكفون

أسير السيارات @user_10430 · 23-12-2004

هنيئا لك إختيار موفق

فوكـ FOXMAN ـس مان @user_6189 THE FOX MAN · 23-12-2004

خذها مني اخوي جونسن ولا غيره هو توب والمعروف والاول والاصلي

والدرجه انصحك 001 ضابطه بالمره على الاكورد شفتها كثير

واذا في نضارات ركبها نصيحه لاني دايم اشوف اصطبات الاماميع منديه من الداخل وهذا يعيب شكلها

القشطة @user_16379 · 21-12-2004

اول شيء الله يعطيك خيرها ويكفيك شرها .

وبعدين اذا تبي نصيحتي السياره لاتغسلها كثير . لانه اذا قعدت تغسلها كل يوم او يومين اللمعه حقت السياره تروح بسرعه . ولا تحول تسوق في المطر . بصراحه انا ما عندي خلفيه قويه عن الاكورد بس اللي اعرفه ان بعض السيارات اذا مشيت عليها في مطر ولا مويه تنعدم فيها جلد ويروح منها الشحم اذا كان فيها .

وبعدين التظليل ما عندي خلفيه عنه بس انصحك بالتظليل 01.

اتمنى انك استفدت من مشاركتي .......... اخوك محمد|237|

الهاشمي1 @user_11954 · 21-12-2004

مبروك الف مبروك

ALCoMmAnDoS @user_14115 · 20-12-2004

مبروك عليك السياره الف الف مبروك

والله يعطيك خيرها ويكفيك شرها :)

وعقبالي ان شاء الله

الاخ acc-v6 ماقصر معك كلامه جميل

بالنسبه لحماية السياره ماعندي فكره ... بس اكيد انه زيبارت بيفيدك كثير لأنه متخصص في هالامور

اما التظليل فظلل عازل الحراره من >>> glass tek او v kool
بس انا من قرآءة خصائص التظليلين شفت انه تظليل جلاس تك افضل لأنه يعزل 80% من حرارة الشمس
بينما في كوول 50%

>>>>>>>> هذا على حسب كلام الشركتين

بالنسبه لدرجه التظليل اما 00 او 01

الـصـقـار @user_12505 · 20-12-2004

ما ازيد اي شي عن الاخوان

الف مبروك

i-VTEC 2005 @user_12864 صاحب الموضوع · 20-12-2004

مشكورين على الردود ......
..
بس ماتوقعت هالكم الهائل اللي دخلو على الموضوع وماردوا إلا اثنين ( مشكورين )......
...
وياأخوي LazorD الون اللي أخذته ( بــــــــيـــــــــــجــــــــــي ) .
....
بس والله ماتوقعت ماحد يرد...|5|

ACC-V6 @user_11861 · 20-12-2004

أخيرا ياشباب أخذت هوندا أكورد 2005 فل مخمل.... والحمد لله السيارة 100% وكل شي فيها تمام..

مبروك الف مبروك

اريد نصايحكم بخصوص ايش أسوي للسيارة حق أحافظ عليها وتدوم وخاصة البدي والبوية ومن تحت السيارة ...

اذا تبي نصيحتي رح لزيبارت
اول زيارة بتكون غالية
لكنت مفيدة جدا
وخصوصا ان شغلهم مضمون وقوووي جدا جدا
وبيعطونك موعد ثاني بعد سنة وبيكون رخيص جدا بالمقارنة مع الاول
والكلام بعد تجربة احد اقاربي

وايش أحسن شركة في التضليل ( في كول أو زيبات ) ؟ وايش هي أحسن درجات التضليل ( 01 أو 02 أو 03 ) بحيث انه يخلي شكل السيارة جميل وأنيق وبنفس الوقت مايكون غامق ومكتم ؟

انا اقول
التظليل ممنوع
واذا معزم 01 احسن شي
بالنسبة للشركات ماعندي خبرة
بس اللي اسمع انه في كول
لان تظليل زيبارت عادي جدا وغالي

ان شاء الله قدرت افيدك

LazorD @user_7221 · 19-12-2004

بالتوفيق اخوي

ومبروووووووووك عليك السياره
وعقبالي ان شاء الله

بالنسبه لأسلتك راح اجاوب على بعضها

التضليل عندك زيبارت و glass tek

وبالنسبة للتضليل خذ اسود خفيف
والله يعطي السياره منظر

على فكره .. ما قلت لنا وش اللون الي اخذته ؟؟؟؟؟؟

والله يعطيك خيرها ويكفيك شرها اخوووي