استفسار عن الالتيما

أوراق الخريفss @user_3740 · 11-01-2005

السلام عليكم ورحمة الله وبركاته

انا ابغا اشتري سياره ومحتار بين الباثفندر والالتيما وشفت الالتيما وعجبتني ابغا اسال المجربين والخبراء
متى ينزل 2006 و قطع الغيار رخيصه ولا غاليه وفي كم السته الفل والاربعه وكم نوع الالتيما وإذا احد مجربها يقولي اشتريها ولا لا وإذا عارف سعرها يقول

تحياتي...

LAMBADA @user_13601 · 12-01-2005

أخوي vAMB هذا الواقع للأسف ... :rolleyes:

المواد اللي داخل السيارة تعبانة بصراحة ...

شف الابواب وشف التكاية وفتحات التكييف الخلفية !!! :(

اما مسألة تقربع هذي على حسب استخدامك طبعا ... و13 الف كم .. ما يعتبر ممشى الله يهديك ..

لكن ثق ثقة تامة انك اذا تركتها بالشمس .. مع الوقت والحرارة راح تلقى ديكورات السيارة تتفكك تدريجيا :)

أما بالنسبة للباثفايندر اخوي اوراق الخريف ..

ما انصحك فيه لانه بيتغير 2006 .. يعني ما راح تتهنى فيه ...

أوراق الخريفss @user_3740 صاحب الموضوع · 12-01-2005

يعطيكم العافيه وش رايكم في الباثفندر عطوني رايكم ؟.

انا اشوف الالتيما حلووووه بس مثل ما قالو التخشيبه وسط

انا ابغا اخذها اقساط السياره معي حوالي دفعه مقدمه 30 إلى 40 الف ريال

تحياتي ...

أكورد وبس @user_7944 · 11-01-2005

السيارة حلوة

لكن مثل ما قال حارش مارش .. المواد الخام اللي مستخدمة داخل السيارة نوعا ما سيئة

حتى لو تلاحظ إن ديكور القير المخشب ينفك بكل سهولة .. وتحس إنه قطعة بلاستيك خفيفة جدا

كذلك بقية الادراج

عيوبها .. صوت المكينة مرتفع ( 4 سلندر )

شكلها الداخلي سيء

تحس بالتعشيقات .. يعني تحس إن السيارة تهتز مع التعشيق .. والمكينة مب سلسة بالدرجة الطلوبة

مزاياها ..

قوة المكينة

الراحة

شكلها الخارجي رهيب

وأنت عطني كم بتدفع وأعطيك رأيي

vAMP @user_12617 · 11-01-2005

حرام عليك ياحارش مارش اي خامات سيئة واي قربعة ؟؟

السيارة مرة مايحتاج وماعليها اي كلام .. ماشية معي الحين 13 ألف ومافيها اي مشكلة ..

واعرف ناس كثير السيارة ماشية معهم زي الحلاوة :)

لا مشاكل بالقير ولا بنمرة سادسة واتركك عن كلام الناس .. السيارة الحين منتشرة مع ناس كثيير ومرة مبسوطين منها ..

تحياتي ..

LAMBADA @user_13601 · 11-01-2005

السلام عليكم ..

موديلات 2006 .. اتوقع تنزل بالاجازة الصيفية بمنتصفها او نهايتها .. مدري متى بالظبط !!

وبالنسبة لقطع الغيار .. فهي متوسطة .. أغلى من الكامري وأرخص من الأكورد ..

وبالنسبة للاربعة سلندر الفل اوبشن ب 70 الف ريال تقريبا للاوتوماتيك ..

والستة سلندر يبدا من 78 الف ريال للقير العادي وب 82 الف ريال للاوتوماتيك ..

والفل مررررة ب 100 الف ريال :)

السيارة كويسة .. بس عيبها الوحيد المواد الخام السيئة المستخدمة داخل السيارة ..

وواضح انها من مواد نيسان القديمة ..

على عكس المواد المستخدمة بالزد .. والمورانو .. والارمادا ..

اذا كان ما يهمك هذا الشي .. وعادي عندك ان السيارة تقربع .. اشترها :)