هل الزينون المركب ممنوع وعليه مخالفة وماتعدى به

922 @user_10667 · 30-01-2005

السلام عليكم

سمعت من شخص اعرفه ان الزينون المركب ممنوع وعليه مخالفة في اي نقطة تفتيش

والسيارة تسقط في الفحص الدوري

ولو بغيت تطلع برى السعودية ماتقدر الا تفكه !!!!!!! :eek:

الصراحة انا تضايقتك من هالكلام وماادري اذا كان صحيح والا لا فمااادري هل مرت بكم مشاكل مع الزينون المركب

خصوصاً اصحاب الكامري والكوريلا واللاندكروزر GXR_J

موديلات 2004 و 2005 اللى يجي زينون معاها

لكم تحياتي
محمد

922 @user_10667 صاحب الموضوع · 02-02-2005

السلام عليكم

العواكس تقدر تسويها من صفائح المنيوم اللى فوق هذا عاكس وتحويل

انت تحتاج عاكس بس

وانصحك تركب فيوز قبل البطارية وقبل الكتاوت وقبل مدخل النور

والفيوز الداخلى للنور تنزله من 10 امبير الى 3 او 5 امبير

لو صار اي مشكلة تكسر الفيوز على طول

اذا ماانكسر الفيوز يفصل الكتاوت

اذا مافصل الكتاوت يفصل الفيوز الداخلى

وهذي اقصى حماية ممكنة

تحياتي
محمد

الـصـقـار @user_12505 · 31-01-2005

محمد

وين القا العواكس هذي ؟؟

ووش تنصحني اركب مع الزينون عشان يكون تمام ؟

922 @user_10667 صاحب الموضوع · 31-01-2005

السلام عليكم

ياااخوان مشاكل الكهرباء ووزنية النور هذي اخطاء اللى يركبون بدون خبرة

او استخدام اسلاك رخيصة وافياش وموصلات تجارية

ان شاء كل القطع والموصلات بجيبها من الانترنت والزينون من وكالة مرسيدس

وبقص عوازل للشمعات

هذي مثال للعواكس واللى تخلى النور يفرش على الارض فقط ومايكون فوق وانصح الكل يركبها حتى لو ماركب زينون

بيكون النور الواطي 100 %

تحياتي
محمد

الأسطورة مستمرة @user_17032 · 31-01-2005

الزينــون ليس ممنوع ,,,

وبالنسبة للمخالفات عند النقــاط في بعض الشباب اللة يهديهم يركزون النور على فوق فيعمي الناس أو يكون اللي مركبة هندي غشيم

ويكون متشعتر يعني مومركز في جهة وحدة هذولا على طول بيعطوهم مخالفات عشان كذا لازم تركب الزينون عند واحد فنان ويضمن

لك شغلة وتنبة عليهـ إنه يوزنة ...

تحياتي

السامر @user_676 · 31-01-2005

أخوي تبي النصيحة لا تركب زينون لأنه راح يخرب لك البطارية على طول هذا ما حصل مع واحد من الشباب في أقل من شهرين راحت البطارية فيها .

وبعدين ياخي أنا ما يرفع ضغطي إلا شركة عبد اللطيف جميل هي والزينون الفاشل حقها إذا ما يعرفون يركبون زينون مثل العالم يخلونهم على الهيلوجين أصرف .

922 @user_10667 صاحب الموضوع · 31-01-2005

السلام عليكم

مشكورين شباب على الردود والحمد

بالنسبة لى بركب ان شاء الله اوزرام وبسوي لها عواكس داخل الشمعة بحيث يكون كل النور على الارض فقط

وبيكون موزون 100 %

والضفيرة بسوي له ضفيرة منفصلة بكتاوت مع 3 فيوزات للحماية القصوى

وان شاء الله احط طريقة مناسبة الكل ممكن يسويها .....

تحياتي لكم وماقصرتو
محمد

نيسان للأبد @user_17211 · 30-01-2005

والله المخالفة اووول اما الحين فمسموح اما بالنسبة للفحص يمشونك اذا موزون ونصيحة لاتركب لاني سمعت انه يقرب عمر الضفيرة
تحياااااتي

LEGACY @user_3814 · 30-01-2005

تبي الصراحة ....

الزنون على الخطوط مؤذي ... ويسبب حوادث ...

طبعا بفضل الأستخدام الرائع والمحترم من شبابنا .. الي يمشي في خط مزودوج ومشغلنه على العالي !!!!!

وشوف هالحوادث ....

لكن في شباب كثير يركبوا زنون والحمد لله مشت في الفحص ولا عليها مخالفة ايظا ... لأن النور موزون ولا هو مزعج مثل الشباب الي يوزنون النور على فوق الله يهديهم تقول يبي يشوف كتيبه عسكرية في الطرف الثاني ولا يحاسب للجاي من الطرف الثاني ...

زبدة الكلام ..
اذا كان مركب وموزون النور عدل ولا يضايق محد يقدر يكلمك ... ولكن اذا كان نور اصفر وعادي وموزن خربوطة ويعشي الي قدام كيا ويلك من العسكري ... خصوصا اذا مو رايق...

وبالتوفيق لللجميع ...

Ghonaim.a @user_5082 · 30-01-2005

السلام عليكم

اخوي محمد

انا قبل سنتين ونصف يعني ايام الزينون الفاشل واللي ما فيه الا هو اخذت قسيمه عليه

اما الان اتوقع خلاص سمحو فيه بسبب كثره السيارات اللي فيها زينون ولا عاد يفرقون بين الوكاله والمركب

اما عن زينون عبد اللطيف جميل الان اصبح ممتاز على كامري 2005 واقل ازعاجا من السابق ............. للمعلوميه فقط

اخوك ك ا م 717

الـصـقـار @user_12505 · 30-01-2005

هذاك اول كان ممنوع

بس اللحين عادي واكثر من عادي

بس اتوقع العسكري ينزعج اذا كان الزنون قوي فيعابط معك

بس نظاما لا

بس انت خلك رجال فاهم وعاقل لاتروح تركب زنون 20 الف كلفن

ركب على قدك 10 الاف كلفن بس

T.N.T @user_8264 · 30-01-2005

ما اظن يخوي انه ممنوع ..

والى الان ماسمعت احد مركب زينون واعطوة قسيمة ؟؟

بس واحد من العيال مستلم الدايري تصوير والعسكري بيعابط معاه عطاه قسيمة حزام ..

لانه فيه شيبان يركبونه علشان الطرق الطويلة تعرف عاد يفيدهم وبرضو مادام ابو جميل مركب للكوامري والكورلات ومابقي الا الايكو .

لذلك لا اظن انه ممنوع

CAMRY2K @user_4753 · 30-01-2005

وعليكم السلام أخوي محمد ،،

بالنسبة لسؤالك بصراحة ماعندي معلومة ،، بس رأيي مدام أن الوكالة مركبته معناته مسموح ،، ولو كان ممنوع ممكن نرفع شكوى لشركة عبداللطيف جميل وهم بعلاقاتهم راح يتفاهمون ويفهمون الجهات المختصة ،، الزينون تقنية حديثة وسنشاهدها مستقبلا على جميع السيارات ،، ليس من أجل المنظر ولكن من أجل السلامة ،،

تحياتي
CAMRY2K